استهلاك كارينز 2013 شكل قديم حرااام

السلام عليكم
من غير ما اطول عليكم انا دورت فى المنتدى على مرجع لاستهلاك الكارينز ولاقيتة مابين 9 الى 12 كيلو لكل لتر ,,يعنى لو فى زحمة وفاتح التكييف يبقى 9 ولو على السريع يبقى 12 وفى ناس قالت 13 كمان
طيب انا عربيتى 2013 خليجى اللى هى بواقى الشكل القديم بتاع 2012 ويوميا بامشى تقريبا 20كيلو شامل كل حاجة المرواح للصيدلية والرجوع وبمشى بالراحة مابحرقش خالص وعمرى من يوم ما جبتها فتحت التكييف
بمون دايما لما بيبقى فاضل شرطة بالتمام يعنى استهلاك 3/4 التنك اللى المفروض هو 55 لتر
بصفر الترب عند التفويل ولما يوصل المؤشر للشرطة قبل الاخيرة بيكون عامل 300كيلو ( دة وانا مكارم كمان فال300 دول )
يعنى 3/4 التنك بيعمل معايا 300كيلو
3/4 التنك يعنى 55/4*3 =41.25 لتر
300/41.25 =7.272 كيلو فاللتر ودة من غير تكييف وعلى مهلى خالص
حد ممكن يفيدنى ويقوللى اشيك على ايية ممكن يكون مش مظبوط فى العربية مع انها لسة كسر زيرو وعملة 32 الف كيلو بس
هو الموضوع مش فارق معايا اوى لان 3/4 التنك دة بيمشينى اسبوعين يعنى بمون مرتين فالشهر كل مرة ب 100 تقريبا (97.5+2.5 بقشيش للعامل ) ولو الاستهلاك وصل ل 9 زى باقى الاعضاء هتوفر 20 او 30 جنية فالشهر يعنى مش موضوع بس انا خايف ليكون فى مشكلة صغيرة ومع الاهمال تكبر
شكراااااااا

نفس الموضوع عندى وعربيتى ماشيه 30 الف كيلو مع انها 1600 وبالمقارنه بالفانتازيا1600 استهلاك الكارينز عالى

اواجه ايضا نفس المشكلة , كارينز 2011 ونفس المعدل معى وكنت لا استعمل التكييف لان مشاويرى قريبة , وواضح انها مشكلة عامة , وفى سبيل رحابة الصالون والجلسة المريحة والعفشة الناعمة والارتفاع المعقول يبدو اننا سنتغاضى عن الاستهلاك اللى مش معقول ده

اقتباس:

---

المشاركة الأصلية كتبت بواسطة طارق _عبد السلام

نفس الموضوع عندى وعربيتى ماشيه 30 الف كيلو مع انها 1600 وبالمقارنه بالفانتازيا1600 استهلاك الكارينز عالى

---

الحمد للة مبقتش لوحدى ,, دا انا كنت هتجنن وللة , خليك معايا يمكن نلاقى حل

شوف كده البوجيهات لو عاوزه تتغير
فلتر البنزين. فلتر الهوا

اقتباس:

---

المشاركة الأصلية كتبت بواسطة mazharsafwat

اواجه ايضا نفس المشكلة , كارينز 2011 ونفس المعدل معى وكنت لا استعمل التكييف لان مشاويرى قريبة , وواضح انها مشكلة عامة , وفى سبيل رحابة الصالون والجلسة المريحة والعفشة الناعمة والارتفاع المعقول يبدو اننا سنتغاضى عن الاستهلاك اللى مش معقول ده

---

كدا وضحت الرؤية
يعنى اللى بيمشى مشاوير بسيطة زينا احنا الثلاثة هيبقى المعدل 7 كيلو لللتر ,على العموم بسيطة ,المهم مايكونش فى مشاكل وخلاص وفالغالب مفيش 3 هيتفقوا فى نفس الموضوع مع وجود مشكلة عندهم دى تبأى صدفة غريبة جدا

اقتباس:

---

المشاركة الأصلية كتبت بواسطة migoph

شوف كده البوجيهات لو عاوزه تتغير
فلتر البنزين. فلتر الهوا

---

التلاتة دول بس ؟ ولا اروح لكهربائى كمان يشوف الكهربة ؟

اقتباس:

---

المشاركة الأصلية كتبت بواسطة طارق _عبد السلام

نفس الموضوع عندى وعربيتى ماشيه 30 الف كيلو مع انها 1600 وبالمقارنه بالفانتازيا1600 استهلاك الكارينز عالى

---

بالمنسبة يا استاذ طارق احنا محلوية ذى بعض , هو حضرتك بتتعامل مع مين فالميكانيكا ,,ابو جمرة ولا حد تانى , وياريت تقوللى على كهربائى كويس

اقتباس:

---

المشاركة الأصلية كتبت بواسطة d.r.mahmoud

التلاتة دول بس ؟ ولا اروح لكهربائى كمان يشوف الكهربة ؟

---

العربيه غيرت بوجيهات او فلتر بنزين وهوا ولا مغيرتش خالص
لو مغيرتش غير هتلاقي فرق

عندي ليك سؤال استهلاك العربيه للبنزين كدا من الاول معاك ولا كان احسن من كده واتغير بعدها

علي فكره احنا صيادله زي بعض

أعتقد ده طبيعي بالنسبة لحجم العربية و مشاوير الزحمة اللي واضح أن حضرتك ماشي فيها علي طول.

شوفوا كمان الموضوع ده يمكن يقرب الصورة شوية
http://www.nilemotors.net/Nile/447485-350.html

اقتباس:

---

المشاركة الأصلية كتبت بواسطة migoph

العربيه غيرت بوجيهات او فلتر بنزين وهوا ولا مغيرتش خالص
لو مغيرتش غير هتلاقي فرق

عندي ليك سؤال استهلاك العربيه للبنزين كدا من الاول معاك ولا كان احسن من كده واتغير بعدها

علي فكره احنا صيادله زي بعض

---

اهلا بيك يا دكتور migoph ,الموضوع نور بوجود حضرتك وباقى الاعضاء ولية الشرف بمعرفة حضرتكوباقى الاعضاء الكرام وبالفعل هكشف على البوجيهات والفلاتر

اقتباس:

---

المشاركة الأصلية كتبت بواسطة mazharsafwat

شوفوا كمان الموضوع ده يمكن يقرب الصورة شوية
http://www.nilemotors.net/Nile/447485-350.html

---

ممتاذ ممتاذ ممتاذ , انا كدا شكلى هبيع وجيب ياريس :eek::eek:

اقتباس:

---

المشاركة الأصلية كتبت بواسطة d.r.mahmoud

بالمنسبة يا استاذ طارق احنا محلوية ذى بعض , هو حضرتك بتتعامل مع مين فالميكانيكا ,,ابو جمرة ولا حد تانى , وياريت تقوللى على كهربائى كويس

---

اهلا بيك يادكتور انا بتعامل مع عمرو وحسام ابو جمره قبل ما اجيب الكارينز وبعد ماجبتها اتعاملت معاهم مره واحده لان العربيه معايا من قريب جدا ...والكهرباءى اسمع عن واحد ورا نادى بلديه المحله اصدقائى بيشكروا فيه جدا جدا... لكن اغلب شغلى فى الكهرباء عند قريب لى .

اقتباس:

---

المشاركة الأصلية كتبت بواسطة طارق _عبد السلام

اهلا بيك يادكتور انا بتعامل مع عمرو وحسام ابو جمره قبل ما اجيب الكارينز وبعد ماجبتها اتعاملت معاهم مره واحده لان العربيه معايا من قريب جدا ...والكهرباءى اسمع عن واحد ورا نادى بلديه المحله اصدقائى بيشكروا فيه جدا جدا... لكن اغلب شغلى فى الكهرباء عند قريب لى .

---

استاذ طارق ...انا تابعت المواضيع بتاعة حضرتك اللى فى التوفيع
تقريبا احنا الاتنين عندنا نفس المشكلة لاننا لسة شاريين العربية من شهر او اتنين وفالغالب اللى كنا شاريين منهم نسوا يغيرو البوجيهات وفلتر الهوا
انا رحت لابو جمرة وقولتلة على مشكة الاستهلاك العالى وقولتلة اكشفلى على الفلتر والبوجيهات
وبعد ما بص عليهم قاللى لازم يتغيروا وهتلاقى فرق ملحوظ فالاستهلاك انشاء اللة
وبص كمان على البوابة وقاللى عايزة تتنضف , وكمان قولتلة ان مؤخرا بسمع صوت حاجة بتلعب فاخر العربية لما بشعل التكييف فقاللى هنضف البوابة ونشوف وبالفعل الصوت دة راح
والملحوظ بعد تغيير البوجيهات والفلتر ان السحب اتحسن لاكن الاستهلاك هياخد وقت للحساب
الاسعار : 80 جنية فلتر هوا - 160 جنية طقم بوجيهات اصلى - 20 جنية سبراى تنظيف =260 +50 جنية مصنعية [ هو خد 10 دقائق فى تركيبهم بس مش مشكلة ] =310 والحاجة كلها مكتوب عليها كيا كوريا
على العموم اكشف عليهم ومش هتخسر حاجة .

ياريت يا استاذ طارق كمان تاوللى على البنزينة اللى بتمون منها على الخاص على شان لو كانت نفس اللى بتعامل معاها ممكن تكون مضروبة
انا اساسا بشوك فى كل بنزينات المحلة ,,ربنا يهدى الجميع ,, الغش زاد بشكل ملحوظ جدا مؤخرا

اقتباس:

---

المشاركة الأصلية كتبت بواسطة d.r.mahmoud

استاذ طارق ...انا تابعت المواضيع بتاعة حضرتك اللى فى التوفيع
تقريبا احنا الاتنين عندنا نفس المشكلة لاننا لسة شاريين العربية من شهر او اتنين وفالغالب اللى كنا شاريين منهم نسوا يغيرو البوجيهات وفلتر الهوا
انا رحت لابو جمرة وقولتلة على مشكة الاستهلاك العالى وقولتلة اكشفلى على الفلتر والبوجيهات
وبعد ما بص عليهم قاللى لازم يتغيروا وهتلاقى فرق ملحوظ فالاستهلاك انشاء اللة
وبص كمان على البوابة وقاللى عايزة تتنضف , وكمان قولتلة ان مؤخرا بسمع صوت حاجة بتلعب فاخر العربية لما بشعل التكييف فقاللى هنضف البوابة ونشوف وبالفعل الصوت دة راح
والملحوظ بعد تغيير البوجيهات والفلتر ان السحب اتحسن لاكن الاستهلاك هياخد وقت للحساب
الاسعار : 80 جنية فلتر هوا - 160 جنية طقم بوجيهات اصلى - 20 جنية سبراى تنظيف =260 +50 جنية مصنعية [ هو خد 10 دقائق فى تركيبهم بس مش مشكلة ] =310 والحاجة كلها مكتوب عليها كيا كوريا
على العموم اكشف عليهم ومش هتخسر حاجة .

---

تمام
تغير البوجيهات و الفلتر بيظبط السحب والاستهلاك ان شاء الله
وابقي طمنا علي الاستهلاك ،،

الله يحفظك

اقتباس:

---

المشاركة الأصلية كتبت بواسطة migoph

تمام
تغير البوجيهات و الفلتر بيظبط السحب والاستهلاك ان شاء الله
وابقي طمنا علي الاستهلاك ،،

الله يحفظك

---

إن شاء الله يا دكتور بس اصبر عليا اسبوعين او تلاتة :)
وشكرا للجميع

السلام عليكم
أاسف غبت عليكم شوية
الاستهلاك فرق فعلا بعد تغيير البوجيهات والفلتر بأى بين 8-9 كيلو لكل لتر وفعلا دة المعدل الطبيعى بتاعها وفالمقابل فعلا واخد مميزات كتير تانية من راحة ووسع واعدة عالية وجودة فالخامات والتقفيل فى التوب لين الخليجى اللى معايا واللى مش موجودة فى عربيات كروس اوفر اغلى منها بكتير زى القشقاى اللى ب 235 الف ومفهاش كاميرا خلفية ولا حتى سنسور وكمان الشاشة صغيرة عن اللى عندى بكتير ومش تاتش
وشكرا

يمكن علشان وزن العربية والماتور 1600

شورط و علامات مؤشر البنزين مش معناة نصف و ربع التانك
الشرطه قبل الاخيرة لحد ما اللمبه تنور ممكن تكمل معاك لحد 500 كم
بالنسبة ليا الشرطة الى قبل الاخيرة لازم بكون عامل من 300 الى 370 كم على حسب التفويله
يعنى خد بالك عامل المحطة بيشيل المسدس اول لما بيفصل ولا بيكمل تانى بعديها علشان دة بتفرق فى حولى 8 9 لتر زيادة منغير ما المؤشر يتحرك بعد اخر وضع

تم انشاء جروب للكيا كارينز يا ريت تشرفونا فيهhttps://m.facebook.com/groups/304630...f&notif_t=like

اقتباس:

---

المشاركة الأصلية كتبت بواسطة sherif khalifa

شورط و علامات مؤشر البنزين مش معناة نصف و ربع التانك
الشرطه قبل الاخيرة لحد ما اللمبه تنور ممكن تكمل معاك لحد 500 كم
بالنسبة ليا الشرطة الى قبل الاخيرة لازم بكون عامل من 300 الى 370 كم على حسب التفويله
يعنى خد بالك عامل المحطة بيشيل المسدس اول لما بيفصل ولا بيكمل تانى بعديها علشان دة بتفرق فى حولى 8 9 لتر زيادة منغير ما المؤشر يتحرك بعد اخر وضع

---

نفس الاستهلاك عندى بس على الحد الادنى (300)لاول تلات شرط بس انا مشاويرى كلها داخل المدينة ومشية مخنوقة ومفيش سفريات خالص وانا حاليا راضى جدا والحمد للة