كتر خيرك وهنزل دلوقتى امشي على وصفة حضرتك ويارب يكون خير والعربية يكون مفيهاش حاجه جامده
عرض للطباعة
في عندنا في إسكندريه ميكانيكي تخصص إسبرانزا ..بيبقى إسمه ميكانيكي إسبرانزا ..ما يشتغلش غير في الإسبرانزا وبس ..يعني لو روحتله بأي عربيه تانيه ..يقولك شكرا ..أنا إسبرانزا وبس ..في واحد في السلطان حسين وفي واحد في بحري وفي واحد في الدخليه ..لو في عندكم في القاهره نفس القصه دي ..تبقى أنجزت نفسك ..على فكره ..ميكانيكية الإسبرانزا اللي أنا بقول عليهم دول إما شغالين في التوكيل الصبح أو كانوا شغالين في التوكيل وسابوه وجايبين صنايعيه من التوكيل ..
لو لمبه ال abs
مالهاش علاقه بجهاز كشف الاعطال
ممكن يكون فيشه التيل السلك اتقطع او الحساس محتاج تغيير
اما لو لمبه epc
دي لازم الجهاز معناها ان في خلل عند او عطل من حساس من حساسات الموتور
وومكن يكون البوابه محتاجه نضافه تخلي اللمبه تنور
بس لازم ميكانيكي اسبراتزا
مش اي حد يشتغل في العربيه
روحت للميكانيكي قالولى انه متخصص فى الاسبرنزا
وبدون ما يكشف على الكمبيوتر اؤل حاجه عملها انه طلب مني اكسر الدريكسيون يمين وشمال ولاقيته طلع ولاعه من جيبه وبدء يولع فى سلك خلف الكاوتش سألته بتعمل ايه قاللى ان سلك الفرامل كان مفكوك وربطته
المهم مطولش عليكم طلب مني
طقم كتينه
و طقم تيل امامي
و 4 بوجيهات
وانا حطيت التاتش بتاعي واشتريت مياه خضراء
ولما جبتله الحاجات دي طلب مني زيت موتور شيل
يجماعه كده صح ولا ايه انا بالفعل اشتريت يعني اكمل معاه لانه قاللى بكره اركبهالك لانه ناوي يفك الموتور وكل اللى جوه العربية علشان يركب الحاجات اللى اشتريتها
اروحله ولا انفضله وعوضى على الله فى الحاجات اللى اشتريتها دي ؟؟
روح مركز المتحده
على الدائرى بتاع المنيب فى المريوطيه على يمينك وانت رايح على المنيب مركز ممتاز بس غالى شويه ولكن افضل بكتير ذى التوكيل
ايوه طبعا.. واضح ان العربية ضايعة..وواضح انك جديد.. انت مابتعملهاش الصيانة الدورية؟
من طلباته واضح انك ماغيرتش زيت من فترة.. وان الفرامل فيها مشكلة وعلى فكرة abs دي خاصية فى الفرامل.. وكمان واضح انك ماغيرتش البوجيهات من فترة. وسير الكاتينه شكله ضايع برضو.. ده اللى طلبه حاجات بتاعة الصيانات الدورية كلها!! اوعى تمشي بالعربية على كده وتطنش.. وياريت تصور اللمبة التانية اللى قايده دي غير ABS او توصفهالنا
كل دي صيانات دورية المفروض انت بتعملها كل فترة محددة.. السؤال هل حضرتك لك خلفية عن السيارات ولا لسه جديد؟
وضروري توصفلنا اللمبة الصفرا التانية عامله ازاي.. واى لمبة تقيد فى العربية بعد كده تروح فورا لمركز صيانة او ميكانيكي سبيرانزا زي اللى رحتله.. لحد ماتتعلم كل حاجه هتعرف لوحدك
بص يا باشا على زيت الفرامل فى العلبة الى فوق ماستر الفرامل لو ناقص لمبة abs بتنور على طول وكمان لوالتيل اتاكل بتفضل منورة