الموضوع: ساعدوني ...عايز اشتري مكنه حلاقه براون

أنا جربت الماكينة دي من فيليبس ممتازة
تحلق علي الجاف والرغوة
وتغسل بالماء
تشحن بتكفي لساعة عمل متصل
ثمنها حوالي 800 جنيه
وأتفضل اللينك دا بتاعها
Buy the Norelco Norelco Shaver 4500 Series 4000 wet & dry electric shaver AT830/41 Series 4000 wet & dry electric shaver

الماكينة الكهرباء تجيبها على اساس كذا حاجة ؛ اول حاجة واهم حاجة هى شعر الذقن ايه ؟ خفيف ولا متوسط ولا كثيف وتقيل ؟ انا شعر ذقنى ثقيل ؛ يعنى بحلق النهاردة مثلا ويطلع بعدها بيوم ؛ وجربت كذا نوع كهرباء ؛ ومؤخرا جيبت ماكينتين الاولى فيليبس اكوا تاتش philips aquatouch at890 وجايبها من الأمارات

AT890/16 Philips AquaTouch wet and dry electric shaver AT890 DualPrecision blades Flexing heads with Aquatec wet & dry and Pop up trimmer - Philips Support

ودى بتحلق جاف وبالجيل او الفوم ؛ يعنى تقدر تستخدمها وانت بتستحمى مثلا ؛ ميزتها ان صوتها هادى وحلاقتها ممتازة فى اماكن زى الخدود مثلا ؛ لكن عيوبها انك لازم تحرك ايدك دواير وانت بتحلق بيها ؛ يعنى ماينفعش تحركها عمودى لا لازم دائرى علشان ماتبوظش بشرتك ؛ وعند الرقبة هى متعبة شوية وبحس انها بتسبب احمرار ؛ نسيت اقولك انها بتشحن ساعه وتديك وقت استخدام اكتر من 50 دقيقة ؛ وفيها نظام اسمه نظام الحلاقة الواحدة وده لو مثلا نسيت انك تشحن الماكينة فممكن تشحنها 3 دقايق وتديك 10 دقايق حلاقة

الماكينة التانية اللى جيبتها اسمها براون سيرياس braun series 3 380-s وجايبها من امريكا
Series 3 380s-4 - Braun
دى بتحلق جاف وبالجيل برضه او الفوم ؛ يعنى تقدر تستخدمها فى الحمام وانت بتستحمى ؛ بس عيبها ان صوتها اعلى من الفيليبس وبتحس بفيبريشين فى ايدك وانت بتستخدمها ؛ بس ميزيتها انك تقدر تحركها يمين وشمال وعمودى وبراحتك خالص ؛ وفيها كمان فى الظهر تريمير تقدر تقصر بيه شعر ذقنك لو مش عايز تحلقه خالص وعايز تخفه بس او لو بتحب تحدد مثلا ذقنك ؛ بتشحن ساعه وتديلك فوق 45 دقيقة حلاقة وفيها برضه خاصية الحلاقة الواحدة وهى انك تشحن 3 دقايق وتديلك 10 دقايق حلاقة

انا بصفة شخصية ميال اكتر لبراون بعد ماستخدمت ماكينتين فيليبس وواحدة براون ؛ وان شاء الله هاجيب براون سيرياس 7 من بره علشان اجيب الموديل اللى بيحلق جاف وبالجيل او الفوم اللى هو Braun Series 7-797cc

عندي ولا ليها اي لازمة
وافتكر اني قلتلك بلاش :)
انا اشتريت مكنة صيني ب 14 دولار والله برقبتها