جلب المقصات والا مقصات كاملة

**eng_oss** · 06-11-2014 11:10 AM

أعضاء المنتدى الأفاضل عندى استفسار عن المقصات ... رحت اضبط زوايا فى عربية افيو فالراجل قالى ماينفعش غير بعد ما تغير جلب المقصات لأنها بايظة .. أنا استغربت لأن العربية عاملة 35 الف ك م ... رحت للميكانيكى كشف وقاللى هات مقصات جديدة كاملة ومساعدين ... استغربت أكتر .... بدأت أسأل على أسعار الجلب والمقصات الأول ... لقيت تقريبا طقم الجلب فى حدود 200 جنيه والمقصات الكاملة الكورى 430 جنيه وفى التوكيل الأصلى 1000 جنيه .... سؤالى هل تنصحونى بتغيير الجلب بس وهل ده بيعمل مشاكل زى مالميكانيكى قال ... والا اشترى مقصات كاملة جديدة ...بس انا شوفت المقصات الكورى ده شكلها معجبنيش خالص ....

**attaa11** · 06-11-2014 11:43 AM

طبعا تغير الجلب بس .. وسيبك من اللي قالك هات مساعدين ده .. عايز يغرمك ع الفاضي .. ( الا لو كنت بتسمع صوت ترييح خفيف من قدام )
بالنسبه للمقصات .. المقص بيكون كله حديد .. ومش بيبوظ فيه غير الجلب الجلد .. يعني تغيير المقص مش هيفيدك الا عشان الجلب الجديده اللي فيه .. نصيحتي ليك هات جلب وبتركب في المخرطه عادي جدا .. بالتوفيق

**makarther** · 06-11-2014 12:05 PM

الجلب بس
مريت بالموضوع ده عند ضبط الزوايا فى المنيل نزلتى معاه تحت العربية و ورانى جلب المقصات
و صورتها القديمة و الجديدة قبل التركيب
إتوكل على الله و هات جلب مقصات بس
و يا ريت اللى بتروحله لضبط الزوايا هو اللى يغيرهم
ربنا معاك

**eng_oss** · 06-11-2014 12:36 PM

المشاركة الأصلية كتبت بواسطة makarther

الجلب بس
مريت بالموضوع ده عند ضبط الزوايا فى المنيل نزلتى معاه تحت العربية و ورانى جلب المقصات
و صورتها القديمة و الجديدة قبل التركيب
إتوكل على الله و هات جلب مقصات بس
و يا ريت اللى بتروحله لضبط الزوايا هو اللى يغيرهم
ربنا معاك

شكرا لحضرتك وللنصيحة

المشاركة الأصلية كتبت بواسطة attaa11

طبعا تغير الجلب بس .. وسيبك من اللي قالك هات مساعدين ده .. عايز يغرمك ع الفاضي .. ( الا لو كنت بتسمع صوت ترييح خفيف من قدام )
بالنسبه للمقصات .. المقص بيكون كله حديد .. ومش بيبوظ فيه غير الجلب الجلد .. يعني تغيير المقص مش هيفيدك الا عشان الجلب الجديده اللي فيه .. نصيحتي ليك هات جلب وبتركب في المخرطه عادي جدا .. بالتوفيق

شكرا لحضرتك وللنصيحة وفعلا انا مش حشوف مساعدين اليومين دول خصوصا ان العربية زيرو وعاملة 35 الف ك م

**abousalma** · 06-11-2014 04:00 PM

زى الاخوة الافاضل قالوا لك هات جلب مقصات بس هات نوع اصلى ctr

**eng_oss** · 06-11-2014 05:05 PM

المشاركة الأصلية كتبت بواسطة abousalma

زى الاخوة الافاضل قالوا لك هات جلب مقصات بس هات نوع اصلى ctr

شكرا لحضرتك ... الجلب اللى شوفتها عند نافع فى شارع دمشق مصر الجديدة فى كيس مبرشم من غير علبه ومفيش أى كتابة او استيكر على الكيس وبيقول ان ده الأصلى لأنه ورانى نوع تانى من غير كيس او علبه وقاللى ده كورى ارخص شوية

**Mnbvc1** · 30-08-2018 07:33 PM

مساء الخير....
اتمني الناس تساعدني لاني محتار جدا.....انا معايا عربيه شيفروليه لانوس 2009 من فتره كنت لما السرعه تزيد عن 100 في اي طريق سواء مستقيم او متعرج شويه كان بيبقي في صوت خبطه في الناحيه اليمين من ناحيه العجل كده....( خبطه جامده لدرجه انها تخليك تهدي غصب عنك....صوت كده اكن في حديد بيخبط في حديد او حاجة بتلق).. المهم ان روحت لعافشجي و فك العفشه كلها و قالي الدنيا تمام مش هنغير غير جلب المقصات وفعلا اشتريت اتنين و غيرهم و دق كده علي بيض المقص و ركب تاني.....الفكره بقي ان الصوت ده راح بس لما ببقي علي طريق مستقيم يعني زي اسكندريه او السويس الصحرواي( راح نهائي يعني ممكن السرعه140 و مفيش صوت).....بس بيظهر لو الطريق معوج شويه يعني مثلا كنت مسافر شرم الشيخ و الصوت فضل موجود طول الطريق) مش عارف اعمل ايه يا شباب.....ان حاسس المشكله في المقصات والا كان الصوت مرحش وانا علي الطريق المستقيمه... تنصحوني ب ايه...سالت علي المقصات الجديده لقيت الطقم عامل 2000 جنيه....خايف اغيرهم و ميبقاش السبب.....