حد عايز حاجه من توكيل كيا القطاميه؟

**ebrahim portsa** · 07-11-2014 06:03 PM

اةلا الف شكر لذوقك وكرم أخلاقك
لو مكنش فيه تعب لمعاليك اسالعن سعر مفتاح الزجاج الخاص بباب السائق في السيراتوا 2010
وهل يباع لوحده ام المجموعه كلها

وسؤال بعيد عن التوكيل اين اجد هذا المفتاح
وجزاكالله خير جزاء ويكفي اخلاقك

**Tmhami** · 07-11-2014 06:41 PM

أن شاء الله حسأل بكره و حرد علبكم

**fadymohsen** · 08-11-2014 12:03 PM

ينفع لما تروح تدخل مع العربية ولا لا وشكرا ليك

**Tmhami** · 08-11-2014 02:05 PM

المشاركة الأصلية كتبت بواسطة fadymohsen

ينفع لما تروح تدخل مع العربية ولا لا وشكرا ليك

فى أى توكيل مش بيرضوا بس ممكن تغلس عليهم أو تقلهم أنك نسيت حاجه فى العربيه , أنا أحيانا كنت بعمل نفسى مهندس و كنت بدخل جوا عادى و لما بيشوفونى كانوا طبعا بيطلعونى بره

**Tmhami** · 08-11-2014 02:28 PM

لسه راجع من التوكيل
للأسف كل لما أسئلهم على سعر حاجه بيقولولى لازم رقم الشاسيه
بس هما قالولى على متوسط الأسعار

بالنسبه لزرار رفع الزجاج الخاص بالسائق : قالولى لازم يتغير الطقم كله و هوا فى حدود 600

بالنسبه لنور الصالون مع جراب النظاره : قالى الفيشه فى الغالب بتكون مش موجوده بس برضه مش شرط ممكن يكو فيه ستوك جى من كوريا وفيه الفيشه و ده برضه حيبان من رقم الشاسيه
أما كل ده كنت بسأل فى مكان قطع الغيار
لما سألت المهندس عن نفس الموضوع قالى أنه يفضل بلاش علشان الموضوع فيع تقطيع لفرش السقف و ممكن يطلع مش مظبوط ,و قالى بلاش أحسن

بالنسبه لفرش عزل الكابوت قالى فى حدود 550 و برده كان عايز رقم الشاسيه علشان يعرف بالظبط , أنا عربيتى التانيه ريو 2013 برضه فلما طلعتله رقم الشاسيه من الرخصه ,قالى لأ هوا عايز الرقم الكامل ألى بيكون مكتوب على العربيه

بالنسبه جدول صيانه البيكانتو حرفعها هنا و هوا جدول شامل كل عربيات كيا مش بس بيكانتو

أسف جدا كان نفسى أجيب معلومات أوضح من كده

**bakkarahmed** · 08-11-2014 04:26 PM

الف شكر لتعبك ياباشا

**yasser27488** · 08-11-2014 06:39 PM

شكرا عالمعلومات المفيده دي

**bakkarahmed** · 09-11-2014 03:06 AM

انا كده لو روحت اشتري وحده نور القراءه هايعرف من الشاسيه اذا كان فيه فيشه جاهزه تحت فرش السقف؟؟؟ ده اللي يهمني
اصل لو طلع فيه فيشه جاهزه هاشتري الوحده وانا واعرف سروجي محترم هايظبطهالي احسن من التوكيل

**Tmhami** · 09-11-2014 07:23 AM

المشاركة الأصلية كتبت بواسطة bakkarahmed

انا كده لو روحت اشتري وحده نور القراءه هايعرف من الشاسيه اذا كان فيه فيشه جاهزه تحت فرش السقف؟؟؟ ده اللي يهمني
اصل لو طلع فيه فيشه جاهزه هاشتري الوحده وانا واعرف سروجي محترم هايظبطهالي احسن من التوكيل

المشكله أن كل واحد فى التوكيل بيقول كلام مختلف عن التانى
لما سألت فى مكان قطع الغيار قلى لازم رقم الشاسيه علشان يعرف العربيه مجهزه ولا لأ
بس لما سألت مهندس الأستقبال قالى الكلام ده غلط و لما قولتله على كلام الراجل بتاع قطع الغيار , قالى أه ممكن
قبل متجيب أى حاجه جرب تكلم التوكيل بالتيليفون و أسئلهم بنفسك و جهز معاك رقم الشاسيه ألى مكتوب على العربيه

**fadymohsen** · 10-11-2014 08:32 AM

[QUOTE=Tmhami;3875813672]فى أى توكيل مش بيرضوا بس ممكن تغلس عليهم أو تقلهم أنك نسيت حاجه فى العربيه , أنا أحيانا كنت بعمل نفسى مهندس و كنت بدخل جوا عادى و لما بيشوفونى كانوا طبعا بيطلعونى بره[/Q
شكرا يا معلم