-
زيت الباور
انا عندى شيرى a11 2005 المهم عندى زيت الباور بيخلص بسرعة جدا رحت لميكانيكى (ناس كتير قالتلى انه محترف وبضمير) المهم بص وقالى انك عندك كاوتشة علبة الدركسيون متاكلة وقالى ممكن تتصلح المهم تنصحونى اروح لميكانيكى تانى ولا لأ + هى فعلا بتتصلح وتبقى تمام ولا مكملش اسبوع والاقى الزيت برضه بيخلص بسرعة + قولوا ليا افضل زيت باور للعربية دى وشكرا اسف تعبتكم معايا بس خبرتى قليلة بموضوع العربيات وشكرا
-
أولا.. لازم تزود الزيت باستمرار لحد ما تصلح العيب علشان الطلمبة ما تتحرقش
حتة أويل سيل ولا جوان بـ20 جنيه .. ولا طلمبة بـ500 جنيه على الأقل؟؟؟
تاني حاجة.. نقص الزيت لن يخرج عن أويل سيل ضارب أو خرطوم مشقق.
لو حضرتك بصيت كويس جوه الكبوت.. هتلاقي مكان التسريب بقى كله طين من كتر الزيت اللي بيتسرب.
ونصيحة مني.. غير طقم الأويل سيل والخرطوم كمان... علشان زمانه بيجيب آخره.
ما أعتقدش الموضوع هيكلفك أكتر من 300 جنيه بالمصنعية.
...
Content Relevant URLs by
vBSEO 3.6.0 PL2