الشباب و العواجيز ... انتوا شعب و احنا شعب

الكلام بصفه عامه

الشباب و العواجيز في البلد دي لا يمكن ان يعيشوا في مكان واحد

احنا في وادي و هما في وادي

بيقولوا ان احنا وحشين و خربنا البلد مع ان اللي خرب البلد جه في شبابهم و كانوا فرحانين بيه جدا و احنا اللي ثورنا عليه مش هما

هما اتعودوا علي الحياه بالمنظر المقرف ده و لكن احنا لينا طموح ان بلدنا تكون افضل بلد

هما بيتهمونا اننا مدلعيين مع ان معظم الشباب مفحوت في شغليين عشان يعرف يتجوز او عشان يصرف علي اللي بيقولوا عليه متدلع

احنا بنفهم بسرعه و بنتعلم بسرعه و شفنا كوارث هما لم يعاصروها في شبابهم

هما قمه في البطئ و النمطيه ... انا ليس عندي مشكله في كده و لكن لا تدخل في مجال بره مجالك و سيب السريع و اللي بيفهمها علي طول هو اللي يشتغل

يعني تلاقي راجل 50 سنه ماسك موبايل تاتش و مش فاهم فيه حاجه و انت كشاب مطالب تسيب حياتك و شغلك و تعد جنبه تفهمه واحده واحده ... طب انت ماسك موبايل من النوعيات دي ليه ؟ ما تخليك في ابو زراير و خلاص ... لازم يعني ؟؟؟؟

تلاقي ست كبيره و لا راجل كبير بيعدي الشارع بقمه البطئ و يبصلك كأن ريحتك وحشه ... الواحد متأخر و الدنيا زحمه و عايزين ننجز و دول و لا علي بالهم حاجه

يخش زبون عايز حاجه معينه متنفعش اصلا و مصمم عليها ومهما تفهمه مفيش فايده و مطالب تمسك اعصابك عليه في ظل الظروف المهببه دي

لما بقول الكلام ده بيجيلي ناس تقول بكره تكبر و يتعمل فيك كده ... انا لما اكبر مش هخش في مجال مش فاهم فيه ... هدي العيش لخبازه ... مش هفتي ... اللي هيقولي عليه الخبير في مجاله هقوله تمام ... هعامل عيالي كويس مش زي ما كانت اهالينا بتعاملنا و يتقالك في الاخر بر الوالدين

و الله انا جالي الضغط و السكر بسبب الناس دي

ههههههههههه القلوب عند بعضها ياكبير
انا التاني بعاني من نفس المشكله

فعلا نعيش ازمة اخلاق

اقتباس:

---

المشاركة الأصلية كتبت بواسطة adel1212

فعلا نعيش ازمة اخلاق

---

ازمة اخلاق معناها ان فى اخلاق و هى فى ازمة
انما احنا بنعيش انعدام الاخلاق
انا 31 سنة على فكرة
الحمد لله و الشكر لله على ابويا و امى اللى ربنا الهمهم ازاى يربونى

مع احترامى ياباسم .. بس موضوعك مش حلو وواضح انك كاتب بانفعال شديد عشان كده ريحة الغرور والعنصرية باينة شوية.... وبعدين هو ايه تعريفك أصلا للعواجيز ؟ وبعدين ايه انتوا شعب واحنا شعب دى ؟ عيب قوى... ممكن تقول انتوا ايقاع غير ايقاعنا أو تفكير غير تفكيرنا... لكن شعب قصاد شعب ؟ احنا بعد ماقسمناها اخوان وغير اخوان دلوقتى حانقسمها شباب وعواجيز ؟
طيب...ممكن تعمل ايفنت عالفيس تطلب فيه جمع العواجيز كلهم وترحيلهم من بيوتهم.....لدواعى راحة الشباب..ونصرف لهم تعويضات مناسبة عن السنين اللى ربوا فيها الشباب دول وعلموهم يستخدموا الموبايلات التاتش ويسوقوا عربيات يدوسوهم بيها عشان مستعجلين وعايزين يعدوا
وسلامتك من الضغط والسكر

بصراحة صاحب الموضوع مش عارف بيفكر ازاي

الناس علشان كبرت لازم نضربها بالنار احسن علشان مبقاش ليها لازمة

نفسي اشوفك و انت كبير و ابنك ولا بنتك يقللك انا اسف يا بابا انا مش فاضي افهمك الموبايل التاتش و خليك في الموبايل ابوزراير

كما تدين تدان و اللي هتعمله في اي حد كبير النهاردة بكره هيتعمل فيك لما سنك يكبر و تبقي محتاج حد يساعدك

هرد عليك بالرساله المنقوله التاليه وأقرأها بتمعن

رساله خاصة إلى أبنى

ابني الغالي والحبيب علي قلبي

- عندما يأخذ الكبر نصيبه مني.. حاول ان تكون صبورا علي..حاول ان

تفهمني...تذكر كيف تفهمت انا لكل مراحل نموك حتي كبرت



- عندما لا استطيع ان ارتدي ملابسي بنفسي...كن حليما معي...

تذكر الساعات التي كنت اقضيها لاعلمك ذات الشئ...


- عندما اتحدث اليك واكرر ما اقول مرارا وتكرارا...لا تقاطعني

واصغي الي...ولا تمل مني...

تذكر كيف كنت تريد مني ان اقراء لك نفس القصة مئات المرات

فذلك كان منتهي سعادتي....

- عندما لااريد الاستحمام...لاتصر علي ذلك...ولا توبخني...فالماء مهما

كان دافئ... فهوا بارد علي جسدي....

تذكر كيف كنت اطاردك في البيت وكيف كنت اتحايل عليك لتستحم


- عندما ابدوا جاهلا وبطيئ الفهم في الامور العصريه..خذ بيدي ولا

تسخر منـــــــــــــــي

تذكر انني علمتك كل ما اعرف.... وكيف تواجــــــــــــــه الحياة


- وعندما ابدأ بنسيان اطراف الحديث عند نقاشنا...امهلني دقائق

لاسترجاع ذاكرتي...وعندما لا استطيع التذكر..لا تغضب مني..

فأهم شي ليس موضوع نقاشنا..بل انك هنا لتسمع لي


- عندما لااريد شيئ ما...لا تفرضه علي.......

- عندما لا تحتمل قدماي علي حملي...خذ بيدي...كما فعلت انا معك

عندما خطوت خطوتك الاولي


- عندما اخطأ في شيئ ما...لا تعبس في وجهي...بــــــــل ابتســــم

فعدم مقدرتي ليس نابع من عدم معرفتي...ولكنه حق السن والكبر


ستدرك حتما يوما ما وبالرغم من اخطائي..بأنني اردتك ان تكون افضل مني


وتذكر قول تعالي

( بسم الله الرحمن الرحيم)

( وأخفض لهما جناح الذل من الرحمة وقل رب ارحمهما كما ربياني صغيرا)


- ساعدني في تجاوز ما تبقي من عمري.......................

ولك الدعاء والرضا مني............



والـــــــــــــــــــدك المــــــــــــــــــــحب



قال تعالي

( وقضي ربك الا تعبدوا الا اياه وبالوالدين احسانا )

أنا كمان هرد عليك برسالة زي ما الاخر الفاضل amr011111
رد برسالة عن الاب - أنا هرد برسالة عن الأم

مي كذبت عليَّ ثمان مرات ؟!


ليس دائما ً: تقول أمي الحقيقة !!..
ثماني مرات : كذبت أمي عليّ !!!....
تبدأ القصة عند ولادتي ، فكنت الابن الوحيد في أسرة شديدة الفقر فلم يكن لدينا من الطعام ما يكفينا .... وإذا وجدنا في يوم من الأيام بعضا ًمن الأرز لنأكله ويسد جوعنا : كانت أمي تعطيني نصيبها .. وبينما كانت تحوِّل الأرز من طبقها إلى طبقي كانت تقول : يا ولدي تناول هذا الأرز ، فأنا لست جائعة ..
وكانت هذه كذبتها الأولى
وعندما كبرت أنا شيئا قليلا كانت أمي تنتهي من شئون المنزل
وتذهب للصيد في نهر صغير بجوار منزلنا ،
وكان عندها أمل أن أتناول سمكة قد تساعدني على أن أتغذى وأنمو ،
وفي مرة من المرات استطاعت بفضل الله أن تصطاد سمكتين ،
أسرعت إلى البيت وأعدت الغذاء ووضعت السمكتين أمامي
فبدأت أنا أتناول السمكة الأولى شيئا فشيئا ،
وكانت أمي تتناول ما يتبقى من اللحم حول العظام والشوك ،
فاهتز قلبي لذلك ،
وضعت السمكة الأخرى أمامها لتأكلها ، فأعادتها أمامي فورا وقالت :
يا ولدي تناول هذه السمكة أيضا ، ألا تعرف أني لا أحب السمك ...
وكانت هذه كذبتها الثانية
وعندما كبرت كان لابد أن ألتحق بالمدرسة ،
ولم يكن معنا من المال ما يكفي مصروفات الدراسة ،
ذهبت أمي إلى السوق واتفقت مع موظف بأحد محال الملابس
أن تقوم هي بتسويق البضاعة بأن تدور على المنازل
وتعرض الملابس على السيدات ،
وفي ليلة شتاء ممطرة ، تأخرت أمي في العمل وكنت أنتظرها بالمنزل ، فخرجت أبحث عنها في الشوارع المجاورة ،
ووجدتها تحمل البضائع وتطرق أبواب البيوت ،
فناديتها : أمي ، هيا نعود إلى المنزل فالوقت متأخر
والبرد شديد وبإمكانك أن تواصلي العمل في الصباح ،
فابتسمت أمي وقالت لي : يا ولدي.. أنا لست مرهقة ..
وكانت هذه كذبتها الثالثة
وفي يوم كان اختبار آخر العام بالمدرسة ،
أصرت أمي على الذهاب معي ،
ودخلت أنا ووقفت هي تنتظر خروجي في حرارة الشمس المحرقة ،
وعندما دق الجرس وانتهى الامتحان خرجت لها
فاحتضنتني بقوة ودفء وبشرتني بالتوفيق من الله تعالى ،
ووجدت معها كوبا فيه مشروب كانت قد اشترته لي كي أتناوله عند خروجي ، فشربته من شدة العطش حتى ارتويت ،
بالرغم من أن احتضان أمي لي : كان أكثر بردا وسلاما ،
وفجأة نظرت إلى وجهها فوجدت العرق يتصبب منه ،
فأعطيتها الكوب على الفور وقلت لها : اشربي يا أمي ،
فردت : يا ولدي اشرب أنت ، أنا لست عطشانة ..
وكانت هذه كذبتها الرابعة
وبعد وفاة أبي كان على أمي أن تعيش حياة الأم الأرملة الوحيدة ،
وأصبحت مسؤولية البيت تقع عليها وحدها ،
ويجب عليها أن توفر جميع الاحتياجات ،
فأصبحت الحياة أكثر تعقيدا وصرنا نعاني الجوع ،
كان عمي رجلا طيبا وكان يسكن بجانبنا ويرسل لنا ما نسد به جوعنا ، وعندما رأى الجيران حالتنا تتدهور من سيء إلى أسوأ ،
نصحوا أمي بأن تتزوج رجلا ينفق علينا فهي لازالت صغيرة ،
ولكن أمي رفضت الزواج قائلة : أنا لست بحاجة إلى الحب ..
وكانت هذه كذبتها الخامسة
وبعدما انتهيت من دراستي وتخرجت من الجامعة ،
حصلت على وظيفة إلى حد ما جيدة ،
واعتقدت أن هذا هو الوقت المناسب لكي تستريح أمي
وتترك لي مسؤولية الإنفاق على المنزل ،
وكانت في ذلك الوقت لم يعد لديها من الصحة
ما يعينها على أن تطوف بالمنازل ،
فكانت تفرش فرشا في السوق وتبيع الخضروات كل صباح ،
فلما رفضت أن تترك العمل خصصت لها جزءا من راتبي ،
فرفضت أن تأخذه قائلة : يا ولدي احتفظ بمالك ،
إن معي من المال ما يكفيني ..
وكانت هذه كذبتها السادسة
وبجانب عملي واصلت دراستي كي أحصل على درجة الماجيستير ،
وبالفعل نجحت وارتفع راتبي ،
ومنحتني الشركة الألمانية التي أعمل بها الفرصة
للعمل بالفرع الرئيسي لها بألمانيا ،
فشعرت بسعادة بالغة ،
وبدأت أحلم ببداية جديدة وحياة سعيدة ،
وبعدما سافرت وهيأت الظروف ،
اتصلت بأمي أدعوها لكي تأتي للإقامة معي ،
ولكنها لم تحب أن تضايقني
وقالت : يا ولدي .. أنا لست معتادة على المعيشة المترفة ...
وكانت هذه كذبتها السابعة
كبرت أمي وأصبحت في سن الشيخوخة ،
وأصابها مرض السرطان اللعين ،
وكان يجب أن يكون بجانبها من يمرضها ،
ولكن ماذا أفعل فبيني وبين أمي الحبيبة بلاد ،
تركت كل شيء وذهبت لزيارتها في منزلنا ،
فوجدتها طريحة الفراش بعد إجراء العملية ،
عندما رأتني حاولت أمي أن تبتسم لي
ولكن قلبي كان يحترق لأنها كانت هزيلة جدا وضعيفة ،
ليست أمي التي أعرفها ،
انهمرت الدموع من عيني ولكن أمي حاولت أن تواسيني
فقالت : لا تبكي يا ولدي فأنا لا أشعر بالألم ...
وكانت هذه كذبتها الثامنة
وبعدما قالت لي ذلك ، أغلقت عينيها ، فلم تفتحهما بعدها أبدا ...
( من روائع مصطفى العقاد )
إلى كل من ينعم بوجود أمه في حياته :
حافظ على هذه النعمة قبل أن تحزن على فقدانها ...
وإلى كل من فقد أمه الحبيبة :
تذكر دائما كم تعبت من أجلك فلا تنساها من دعائك
رحمك الله .

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) (الإسراء)

الحمد لله رب العالمين كما ينبغى لجلال وجهك و عظيم سلطانك على نعمة ابى و امى و عمى و عمتى و خالى و خالتى و كل اهلى


بجد مش لاقى كلام اقوله تعليقا على الموضوع ده و على الكلام المكتوب ده و على الأسلوب و الألفاظ ديه

ربنا يهديك و يهدينا جميعا

بجد بجد فعلا ................ والله العظيم احنا عايزين ثورة اخلاق ثورة احترام ثورة تربية

طول ما البلد فيها ناس بالمنظر ده عمرها ما حتيجى قدام و لو جالنا سيدنا عمر بن الخطاب يحكمنا

أنأ مش هحذرك و اقولك زى ما البعض قالك زى ما بتعمل او تفكر فى العواجيز هيتعمل فيك لانى لا اؤمن بأسلوب التخويف
انما انا هقولك حاول تحط نفسك مكان الكبير فى السن و تتفهم ظروفه و ضعف حواسه اللى اضعفها السن و الزمن و كمان ضعف ادراكه اللى برضه اثر عليه الزمن و السن. . . و ياريت متتغرش بشبابك و تفتكر انه دايم للابد و تأكد تماما انك لما تبقى فى سنه هيصيبك نفس الوهن و الضعف اللى عنده فياريت من دلوقت تعرف تتعلم الشفقة و الرحمة باللى ظروفه و سنه مش مساعدينه. . . و ساعتها هتطلب من الاصغر سنا انه يستحملك فى حاجات كتير
الدنيا كاس و داير و مفيش فيها حال دايم. . . اللى يفهم كدا هيعرف يقدر و يستوعب تقلبات الزمن اللى مش دايم على حال لاى انسان
طبعا انا عارف ان كلامى ده برضه يبان كلام عواجيزى برضه و جايز لا يكون له اى صدى عندك
بس برضه حتى حكمة السنين لازم الزمن يعدى الاول عليك عشان تتعلمها. . . و تأكد ان الزمن هيجيبك هيجيبك. . . بس اتمنى لك انك لا تضطر للتعلم بالطريقة الصعبة
I really hope you don't have to learn the lesson the hard way

و ياريت تحاول تقرأ القصص اللى جابوها الاخوة لانها مؤثرة

لي وجهة نظر قد تتوافق ولو مع بعض الكلام ده، مع احترامي طبعا لصاحب الموضوع، والسادة الافاضل اللي علقوا .
الموضوع ماينفعش يتاخد بشكل" احنا شعب وانتو شعب" اطلاقا!! ده كده فعلا عنصريه واستفراد بالرأي.
بس برده ماينفعش واحد عاش طول عمره موظف في القطاع العام، وفي الغالب الحكومة كانت موفراله كل حاجة مدعومة (بتكلم هنا عن جيل عبد الناصر والسادات) وبعدين ييجي في الآخر يلوم شاب صغير بيشتغل ١٠ او احيانا ١٥ ساعة في اليوم ويقوله اتنوا جيل مرفه!!!! طيب بأمارة ايه معلش؟؟؟
رجاء من الناس الكبيرة في السن انها تبقى موضوعية في انتقادها ونبطل العند شويه الله يكرمكوا
الزمن غير الزمن، وربنا يستر فعلا من اللي جاي!

اقتباس:

---

المشاركة الأصلية كتبت بواسطة محمد يوسف

مع احترامى ياباسم .. بس موضوعك مش حلو وواضح انك كاتب بانفعال شديد عشان كده ريحة الغرور والعنصرية باينة شوية.... وبعدين هو ايه تعريفك أصلا للعواجيز ؟ وبعدين ايه انتوا شعب واحنا شعب دى ؟ عيب قوى... ممكن تقول انتوا ايقاع غير ايقاعنا أو تفكير غير تفكيرنا... لكن شعب قصاد شعب ؟ احنا بعد ماقسمناها اخوان وغير اخوان دلوقتى حانقسمها شباب وعواجيز ؟
طيب...ممكن تعمل ايفنت عالفيس تطلب فيه جمع العواجيز كلهم وترحيلهم من بيوتهم.....لدواعى راحة الشباب..ونصرف لهم تعويضات مناسبة عن السنين اللى ربوا فيها الشباب دول وعلموهم يستخدموا الموبايلات التاتش ويسوقوا عربيات يدوسوهم بيها عشان مستعجلين وعايزين يعدوا
وسلامتك من الضغط والسكر

---

الواحد محروق دمه بس

يعني تخيل حد جارك عنده 70 سنه و سايق عربيه مرسيدس قديمه مش عارف اسمها شمامه و لا خنزيره و لا مش عارف ايه المهم كل ما يجي يطلع او يركن لازم يعمل مشكله و الشارع اصلا ضيق ... تخيل برضه قاعد في شغلك و يجيلك راجل كبير يخليك تطلعله اسماء من الموبايل عشان الحاج مش شايف ... طب انت شايل موبايل ليه اصلا و انت مش شايف ؟ انا نظري ضعف شويه و نفسي ارمي الموبايل في الزباله

الواحد بيعاني و الله

اقتباس:

---

المشاركة الأصلية كتبت بواسطة dongol123

بصراحة صاحب الموضوع مش عارف بيفكر ازاي

الناس علشان كبرت لازم نضربها بالنار احسن علشان مبقاش ليها لازمة

نفسي اشوفك و انت كبير و ابنك ولا بنتك يقللك انا اسف يا بابا انا مش فاضي افهمك الموبايل التاتش و خليك في الموبايل ابوزراير

كما تدين تدان و اللي هتعمله في اي حد كبير النهاردة بكره هيتعمل فيك لما سنك يكبر و تبقي محتاج حد يساعدك

---

لما اكبر مش همسك موبايلات اساسا ... انا قرفت من ام الاختراع ده من دلوقتي

اقتباس:

---

المشاركة الأصلية كتبت بواسطة hobiko

وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) (الإسراء)

الحمد لله رب العالمين كما ينبغى لجلال وجهك و عظيم سلطانك على نعمة ابى و امى و عمى و عمتى و خالى و خالتى و كل اهلى


بجد مش لاقى كلام اقوله تعليقا على الموضوع ده و على الكلام المكتوب ده و على الأسلوب و الألفاظ ديه

ربنا يهديك و يهدينا جميعا

---

انا مجبتش سيره اهلي في الموضوع علي فكره ... الفاظ ايه حضرتك و اسلوب ايه بالظبط ؟

اقتباس:

---

المشاركة الأصلية كتبت بواسطة hobiko

بجد بجد فعلا ................ والله العظيم احنا عايزين ثورة اخلاق ثورة احترام ثورة تربية

طول ما البلد فيها ناس بالمنظر ده عمرها ما حتيجى قدام و لو جالنا سيدنا عمر بن الخطاب يحكمنا

---

رد حضرتك اوفر اوي

هو فين عدم الاحترام في كلامي ؟ انا بنتقد اوضاع خاطئه فقط

اقتباس:

---

المشاركة الأصلية كتبت بواسطة imhotep

أنأ مش هحذرك و اقولك زى ما البعض قالك زى ما بتعمل او تفكر فى العواجيز هيتعمل فيك لانى لا اؤمن بأسلوب التخويف
انما انا هقولك حاول تحط نفسك مكان الكبير فى السن و تتفهم ظروفه و ضعف حواسه اللى اضعفها السن و الزمن و كمان ضعف ادراكه اللى برضه اثر عليه الزمن و السن. . . و ياريت متتغرش بشبابك و تفتكر انه دايم للابد و تأكد تماما انك لما تبقى فى سنه هيصيبك نفس الوهن و الضعف اللى عنده فياريت من دلوقت تعرف تتعلم الشفقة و الرحمة باللى ظروفه و سنه مش مساعدينه. . . و ساعتها هتطلب من الاصغر سنا انه يستحملك فى حاجات كتير
الدنيا كاس و داير و مفيش فيها حال دايم. . . اللى يفهم كدا هيعرف يقدر و يستوعب تقلبات الزمن اللى مش دايم على حال لاى انسان
طبعا انا عارف ان كلامى ده برضه يبان كلام عواجيزى برضه و جايز لا يكون له اى صدى عندك
بس برضه حتى حكمة السنين لازم الزمن يعدى الاول عليك عشان تتعلمها. . . و تأكد ان الزمن هيجيبك هيجيبك. . . بس اتمنى لك انك لا تضطر للتعلم بالطريقة الصعبة
i really hope you don't have to learn the lesson the hard way

و ياريت تحاول تقرأ القصص اللى جابوها الاخوة لانها مؤثرة

---

استاذ ايمحوتب

طالما شخص كبر في السن ميعملش عمل الشاب الصغير ... حد كبير في السن يسوق عربيه ليه ؟ يشل في الناس اللي حواليه في الشارع ليه ؟ ما يركب تاكسي و خلاص ... واحد كبيره تلاقيها شايله 100 كيس فيه خضار و بتعدي الشارع تاتاتاتاتاتا و خطي العتبه و الشارع يقف ... يعني انا مش فاهم عيال ست زي دي فين علي سبيل المثال ؟

تحياتي

اقتباس:

---

المشاركة الأصلية كتبت بواسطة باسم يوسف

استاذ ايمحوتب

طالما شخص كبر في السن ميعملش عمل الشاب الصغير ... حد كبير في السن يسوق عربيه ليه ؟ يشل في الناس اللي حواليه في الشارع ليه ؟ ما يركب تاكسي و خلاص ... واحد كبيره تلاقيها شايله 100 كيس فيه خضار و بتعدي الشارع تاتاتاتاتاتا و خطي العتبه و الشارع يقف ... يعني انا مش فاهم عيال ست زي دي فين علي سبيل المثال ؟

تحياتي

---

ما هو ده بالظبط اللى بكلمك عليه. . . الراجل الكبير زى ما انت عاوز تبعد عن قرف المواصلات هو كمان عاوز كده بل بالعكس هو الاولى بسبب سنه. . . و متفتكرش انه مبسوط اوى و هو لاقى الناس اللى حواليه عمالة تزعق له او تشوح له عشان يوسع الطريق. . . لكنه مؤكد مضطر يسوق و مش من حلاوة السواقة اوى فى بلدنا نازل يتمشى بالعربية مثلا زى ما كتير من الشباب بيعمل و مبيفكرش انه مثلا بيزحم الطرق على الفاضى على ناس تانية عندها حاجات اهم عاوزة تعملها و تروحلها بسرعة

الست اللى شايله 100 كيس و ماشية تاتا تاتا. . . مفكرتش انه ممكن لا يكون عندها عيال اصلا. . . او ما هو اسوأ عيالها من النوع العاق اللى راميين امهم ضحية لوهن و ضعف السن و الزمن . . . و ملهاش حد يقضى لها احتياجاتها. . . هو ده اللى انا قصدته لما قلت لك حاول تقدر ظروف اللى قدامك لانك متعرفش ايه اللى مضطره لكده. . . كون انك تلتمس الاعذار للناس و تقدر ظروفهم دى حاجة انسانية مهمة جدا لو اتعودت عليها هيبقى اجرها عظيم فى الدنيا و الاخرة
و تذكر انه كما تدين تدان و بالكيل الذى تكيل به لغيرك يكال لك و يزاد. . . و لو بعد حين

اقتباس:

---

المشاركة الأصلية كتبت بواسطة باسم يوسف

ط حد كبير في السن يسوق عربيه ليه ؟ يشل في الناس اللي حواليه في الشارع ليه ؟ ما يركب تاكسي و خلاص ... واحد كبيره تلاقيها شايله 100 كيس فيه خضار و بتعدي الشارع تاتاتاتاتاتا و خطي العتبه و الشارع يقف ... يعني انا مش فاهم عيال ست زي دي فين علي سبيل المثال ؟

تحياتي

---

طب ليه مافكرتش تنزل تقول له عنك ياوالدى وتركب عربيته تركنهاله على جنب...

ليه مافكرتش تنزل تاخد بايد الست وتعديها الطريق أو تشيل عنها وتقول لها عنك يا أمى

انت صحيح ماجبتش سيرة أهلك شخصيا...لكن الناس دول أهل شباب غيرك

لو استحملتهم وساعدتهم ربنا حايبعت لوالدك ووالدتك اللى يستحملوهم ويساعدوهم

كله منفد على بعضه زى مابيقولوا

أخونا باسم كلامه ليه وجهة نظر لكن لعله أخطأ التعبير وخانته الألفاظ بسبب الانفعال والظروف النفسية السيئة اللي كلنا بنمر بيها
هو يقصد ان العواجيز دلوقتي مش سايبين للشباب حاجة وماسكين في الدنيا بإيديهم وسنانهم ومش مديين الفرصة للشباب الصغير وبيزاحموهم في الوظائف والأعمال ومصرين انهم يخططولنا مستقبلنا احنا ويعملوا أوصياء علينا
شوف الباشا اللي قالك همكن الشباب جاي يجبلنا فايزة أبو النجا ، وكمال الجنزوري رايح يعملي حزب وحاجة تجيب القيء بصراحة وكأن البلد فضيت من الشباب والمومياوات دول هما اللي هيصلحوا البلد !
شوف اللي نزلوا في الانتخابات الأخيرة كانوا غالبيتهم العظمى من العواجيز وامتنع أكثر الشباب لأنهم عارفين ان صوتهم ملوش لازمة وان الأمر محسوم سواء نزلوا أو لأ لكن العواجيز تلاقيهم ماشيين بعكاز ورايحين ينتخبوا المنقذ الجبار اللي هيحمي البلد من الإرهاب والدليل إن فعلا ما شاء الله من ساعة ما مسك والإرهاب دخل جحوره !
مش عايز أقلب الموضوع سياسة علشان في ناس كتير هتخالفني في بعض الرأي لكن معتقدش ان في شاب ممكن يخالفني ان العواجيز دلوقتي مصرين يعملوا أوصياء علينا ومصرين يخططولنا مستقبلنا اللي هما مش هيشوفوه أساسا ومش عاجبهم الشباب الصايع البايظ الهايف التافه اللي نزل 25 يناير وخرب البلد وحرمها من الاستقرار اللي كانت عايشة فيه !!

HD Baba ve Oğlu Whats that ? Kısa film HD - YouTube

اقتباس:

---

المشاركة الأصلية كتبت بواسطة mcomics

لي وجهة نظر قد تتوافق ولو مع بعض الكلام ده، مع احترامي طبعا لصاحب الموضوع، والسادة الافاضل اللي علقوا .
الموضوع ماينفعش يتاخد بشكل" احنا شعب وانتو شعب" اطلاقا!! ده كده فعلا عنصريه واستفراد بالرأي.
بس برده ماينفعش واحد عاش طول عمره موظف في القطاع العام، وفي الغالب الحكومة كانت موفراله كل حاجة مدعومة (بتكلم هنا عن جيل عبد الناصر والسادات) وبعدين ييجي في الآخر يلوم شاب صغير بيشتغل ١٠ او احيانا ١٥ ساعة في اليوم ويقوله اتنوا جيل مرفه!!!! طيب بأمارة ايه معلش؟؟؟
رجاء من الناس الكبيرة في السن انها تبقى موضوعية في انتقادها ونبطل العند شويه الله يكرمكوا
الزمن غير الزمن، وربنا يستر فعلا من اللي جاي!

---

سيبك من الشغل و الفلوس

بص علي راحه بال زمان ... بص علي بركه زمان ... بص علي السكان القليله بتاعت زمان ... بص علي نضافه زمان ...بص علي اخلاقيات زمان ... و جايين يلوموا علينا دلوقتي ... هما اللي شافوا ايام نضيفه في البلد و جه اللي خربها في شبابهم و شافوا بلدهم بتتخرب و سكتوا و كبرو دماغهم و احنا اللي في الاخر اللي وحشين

حاجه تفقع المراره ... الواحد عشان يعيش بني ادم بقي لازم يهج من هنا غصب عنه

اقتباس:

---

المشاركة الأصلية كتبت بواسطة imhotep

ما هو ده بالظبط اللى بكلمك عليه. . . الراجل الكبير زى ما انت عاوز تبعد عن قرف المواصلات هو كمان عاوز كده بل بالعكس هو الاولى بسبب سنه. . . و متفتكرش انه مبسوط اوى و هو لاقى الناس اللى حواليه عمالة تزعق له او تشوح له عشان يوسع الطريق. . . لكنه مؤكد مضطر يسوق و مش من حلاوة السواقة اوى فى بلدنا نازل يتمشى بالعربية مثلا زى ما كتير من الشباب بيعمل و مبيفكرش انه مثلا بيزحم الطرق على الفاضى على ناس تانية عندها حاجات اهم عاوزة تعملها و تروحلها بسرعة

الست اللى شايله 100 كيس و ماشية تاتا تاتا. . . مفكرتش انه ممكن لا يكون عندها عيال اصلا. . . او ما هو اسوأ عيالها من النوع العاق اللى راميين امهم ضحية لوهن و ضعف السن و الزمن . . . و ملهاش حد يقضى لها احتياجاتها. . . هو ده اللى انا قصدته لما قلت لك حاول تقدر ظروف اللى قدامك لانك متعرفش ايه اللى مضطره لكده. . . كون انك تلتمس الاعذار للناس و تقدر ظروفهم دى حاجة انسانية مهمة جدا لو اتعودت عليها هيبقى اجرها عظيم فى الدنيا و الاخرة
و تذكر انه كما تدين تدان و بالكيل الذى تكيل به لغيرك يكال لك و يزاد. . . و لو بعد حين

---

يا ويلهم من ربنا ددنيا و اخره

اقتباس:

---

المشاركة الأصلية كتبت بواسطة محمد يوسف

طب ليه مافكرتش تنزل تقول له عنك ياوالدى وتركب عربيته تركنهاله على جنب...

ليه مافكرتش تنزل تاخد بايد الست وتعديها الطريق أو تشيل عنها وتقول لها عنك يا أمى

انت صحيح ماجبتش سيرة أهلك شخصيا...لكن الناس دول أهل شباب غيرك

لو استحملتهم وساعدتهم ربنا حايبعت لوالدك ووالدتك اللى يستحملوهم ويساعدوهم

كله منفد على بعضه زى مابيقولوا

---

و الله اللي بقدر اساعده مش بتأخر عنه بس الواحد بيتفحت طول اليوم في الشغل و عارف يشيل نفسه بالعافيه

اقتباس:

---

المشاركة الأصلية كتبت بواسطة أبو آسر

أخونا باسم كلامه ليه وجهة نظر لكن لعله أخطأ التعبير وخانته الألفاظ بسبب الانفعال والظروف النفسية السيئة اللي كلنا بنمر بيها
هو يقصد ان العواجيز دلوقتي مش سايبين للشباب حاجة وماسكين في الدنيا بإيديهم وسنانهم ومش مديين الفرصة للشباب الصغير وبيزاحموهم في الوظائف والأعمال ومصرين انهم يخططولنا مستقبلنا احنا ويعملوا أوصياء علينا
شوف الباشا اللي قالك همكن الشباب جاي يجبلنا فايزة أبو النجا ، وكمال الجنزوري رايح يعملي حزب وحاجة تجيب القيء بصراحة وكأن البلد فضيت من الشباب والمومياوات دول هما اللي هيصلحوا البلد !
شوف اللي نزلوا في الانتخابات الأخيرة كانوا غالبيتهم العظمى من العواجيز وامتنع أكثر الشباب لأنهم عارفين ان صوتهم ملوش لازمة وان الأمر محسوم سواء نزلوا أو لأ لكن العواجيز تلاقيهم ماشيين بعكاز ورايحين ينتخبوا المنقذ الجبار اللي هيحمي البلد من الإرهاب والدليل إن فعلا ما شاء الله من ساعة ما مسك والإرهاب دخل جحوره !
مش عايز أقلب الموضوع سياسة علشان في ناس كتير هتخالفني في بعض الرأي لكن معتقدش ان في شاب ممكن يخالفني ان العواجيز دلوقتي مصرين يعملوا أوصياء علينا ومصرين يخططولنا مستقبلنا اللي هما مش هيشوفوه أساسا ومش عاجبهم الشباب الصايع البايظ الهايف التافه اللي نزل 25 يناير وخرب البلد وحرمها من الاستقرار اللي كانت عايشة فيه !!

---

قلت ما علي لساني

اقتباس:

---

المشاركة الأصلية كتبت بواسطة أبو آسر

أخونا باسم كلامه ليه وجهة نظر لكن لعله أخطأ التعبير وخانته الألفاظ بسبب الانفعال والظروف النفسية السيئة اللي كلنا بنمر بيها
هو يقصد ان العواجيز دلوقتي مش سايبين للشباب حاجة وماسكين في الدنيا بإيديهم وسنانهم ومش مديين الفرصة للشباب الصغير وبيزاحموهم في الوظائف والأعمال ومصرين انهم يخططولنا مستقبلنا احنا ويعملوا أوصياء علينا
شوف الباشا اللي قالك همكن الشباب جاي يجبلنا فايزة أبو النجا ، وكمال الجنزوري رايح يعملي حزب وحاجة تجيب القيء بصراحة وكأن البلد فضيت من الشباب والمومياوات دول هما اللي هيصلحوا البلد !
شوف اللي نزلوا في الانتخابات الأخيرة كانوا غالبيتهم العظمى من العواجيز وامتنع أكثر الشباب لأنهم عارفين ان صوتهم ملوش لازمة وان الأمر محسوم سواء نزلوا أو لأ لكن العواجيز تلاقيهم ماشيين بعكاز ورايحين ينتخبوا المنقذ الجبار اللي هيحمي البلد من الإرهاب والدليل إن فعلا ما شاء الله من ساعة ما مسك والإرهاب دخل جحوره !
مش عايز أقلب الموضوع سياسة علشان في ناس كتير هتخالفني في بعض الرأي لكن معتقدش ان في شاب ممكن يخالفني ان العواجيز دلوقتي مصرين يعملوا أوصياء علينا ومصرين يخططولنا مستقبلنا اللي هما مش هيشوفوه أساسا ومش عاجبهم الشباب الصايع البايظ الهايف التافه اللي نزل 25 يناير وخرب البلد وحرمها من الاستقرار اللي كانت عايشة فيه !!

---

قلت الى نفسى اقوله
بس فى نفس الوقت عاوزين نستفيد من خبرة الناس الكبار

اقتباس:

---

المشاركة الأصلية كتبت بواسطة 7oda

قلت الى نفسى اقوله
بس فى نفس الوقت عاوزين نستفيد من خبرة الناس الكبار

---

محدش قال منستفيدش من خبرة الناس الكبار
بس لازم برده يدوا الشباب فرصة انهم يكتسبوا خبرة هما كمان
دول أوروبا المتقدمة معظم وزرائها من الشباب في العشرينيات والثلاثينيات وبالرغم من كده الدول متقدمة واحنا في قاع الأمم لأن اللي بيحكمونا كاتمين على نفسنا ومهمشين الشباب وسايبينهم قاعدين على القهاوي
عملتلنا ايه بقى خبرة العواجيز دول ؟

اقتباس:

---

المشاركة الأصلية كتبت بواسطة أبو آسر

محدش قال منستفيدش من خبرة الناس الكبار
بس لازم برده يدوا الشباب فرصة انهم يكتسبوا خبرة هما كمان
دول أوروبا المتقدمة معظم وزرائها من الشباب في العشرينيات والثلاثينيات وبالرغم من كده الدول متقدمة واحنا في قاع الأمم لأن اللي بيحكمونا كاتمين على نفسنا ومهمشين الشباب وسايبينهم قاعدين على القهاوي
عملتلنا ايه بقى خبرة العواجيز دول ؟

---

اعتقد المشكلة هى فى الثقافة الشرقية فهى ثقافة ابوية و الى معقد الموضوع هو غياب الديمقراطية و غياب مفهوم الكفاءة
فى دول اوروبا المتقدمة مشفتش وزرة عندهم عشرين او تلاتين سنة الى نفعهم هو وجود الديمقراطية فمينفعش حد يكلبش فى المنصب

اقتباس:

---

المشاركة الأصلية كتبت بواسطة 7oda

اعتقد المشكلة هى فى الثقافة الشرقية فهى ثقافة ابوية و الى معقد الموضوع هو غياب الديمقراطية و غياب مفهوم الكفاءة
فى دول اوروبا المتقدمة مشفتش وزرة عندهم عشرين او تلاتين سنة الى نفعهم هو وجود الديمقراطية فمينفعش حد يكلبش فى المنصب

---

طبعا عامل السن مش لوحده هو المشكلة عندنا
في عوامل تانية كتير زي ما انت قلت مسألة الكفاءة والديمقراطية والكلام ده

بخصوص الوزراء الصغار فخد عندك

عايدة هادزيلك وزيرة التعليم السويدية 27 عام
سباستيان كورتس وزير خارجية النمسا 28 عام
إمانويل ماكرون وزير الاقتصاد والصناعة الفرنسي 36 عام
شارل ميشيل رئيس وزراء بلجيكا 38 عام

اقتباس:

---

المشاركة الأصلية كتبت بواسطة أبو آسر

بخصوص الوزراء الصغار فخد عندك

عايدة هادزيلك وزيرة التعليم السويدية 27 عام
سباستيان كورتس وزير خارجية النمسا 28 عام
إمانويل ماكرون وزير الاقتصاد والصناعة الفرنسي 36 عام
شارل ميشيل رئيس وزراء بلجيكا 38 عام

---

شكرا يا باشا على المعلومة

هههههه الناس حلوت الموضوع لبر الوالدين
الراجل مقالش حاجة غلط
بيتكلم عن واقع
كل اللي عدي سن الخمسين مسؤل عن اللي بيحصل للشباب الان بتايدهم الاجوف لرؤساء سابقين ولتمكن الجهل منهم دون المطالبة بتحسين شروط العبودية لمدة ستين سنة

انا في كلام من اللي انت قلته معترض عليه و في كلام لأ
بس عايز اقول حاجة
انا دلوقتي في الجامعة
وقت ما كنت في المدرسة كنت بروح النادي الساعة 7 الصبح علشان اذاكر قبل ما الحصص اللي عندي تبدأ
قاعد في امان الله فجأة الاقي مجموعة مكونة من 7 اشخاص من كبار السن(مش قصدي تريقة) قعدوا جنبي-مش دي المشكلة-قاعدين بيتكلموا يهزروا ده حقهم مش مشكلة بس إنك تبقي شايف حد بيذاكر و لا بيشتغل في حاجة و كأنكم قاعدين لوحدكوا في ملك خاص و كلام بصوت عالي و عدم مراعاة إن في حد بيعمل حاجة جنبهم.و في نفس الوقت لو اتنين شباب بيتكلموا عادي جدا من غير قلة ادب ممكن حد يقوم يبهدلهم علشان سمع صوت واطي منهم و طبعا محدش هيقف في صف الشباب خالص.
المدرسة عندنا كانت بالحصص لو عندي حصة اجي معنديش امشي،انا و صاحبي بلبس المدرسة بنستني في النادي او بنروح النادي بعد ما نخلص فجأة تلاقي اللي بيسأل و بصوت عالي وسط انتوا مزوغين؟؟نجاوب و نشرح الحكاية كلها-مش مشكلة-بس لما تلاقي بيبصلك نظرة إنك انت بتضحك عليه او مش مصدقه يبقي ده إيه؟؟؟
زي ما شباب كويس في شباب زبالة الزبالة،و زي ما في ناس كبار في حالهم و محترمين في منهم الوحش بردو.

احنا في وادي وهما في وادي تاني

مع اعتراضي لبعض كلام صاحب الموضوع .
لكن فيه حاجه في مصر متغيرتش و لا نافع ثورة ولا وعود للشباب بتتحقق و لا حاجة. لازالوا بيمدوا لناس كتير بعد المعاش.معظم رؤساء مجالس الادارات في القطاع العام و الحكومي عدوا الستين ليييييييه؟؟؟؟؟ ميطلع معاش و اللي تحته يياخد مكانه و اللي تحته و هكذا و يفضي مكان حتي تحت خالص للشباب اللي مش لاقي شغل حتي بنظام التدرج الوظيفي العقيم. ليه يفضلوا يمدوا للناس دي مع احترامي لهم لكن ليه؟؟ حاجة تغيظ

ببساطه لانهم عايزين كده

للاسف الفئه الي مسيطره علي البلد في كل مجال هي فئه من 50 سنه الي مالا نهايه بدون اي مبرر
وعن اقتناع تام انهم بيفهموا احسن مننا مع ان البلد لما بتقع في مشكله تلاقي الكل بينادي بالشباب وطلبو تواجد بس مافيش حاجه بتحصل

ده غير بقي تسلطهم السياسي من منطق اننا شباب مندفع ومانعرفش حاجه !!!

دوله عاجزه

كل واحد هايدخل يعلق على الموضوع من منظوره ،، لإن باسم ، شعـّـب و فرد الموضوع

و منظورى :

احنا ننزل سن المعاش لـ 55 بدلا من 60 مبدأيا :d :d

-----------------

اقتباس:

---

يعني تلاقي راجل 50 سنه ماسك موبايل تاتش و مش فاهم فيه حاجه و انت كشاب مطالب تسيب حياتك و شغلك و تعد جنبه تفهمه واحده واحده ... طب انت ماسك موبايل من النوعيات دي ليه ؟ ما تخليك في ابو زراير و خلاص ... لازم يعني ؟؟؟؟

---

كلنا هذا الرجل :)