للرد على استفسارات قانونية مدعمة بالاحكام والقوانين برعايه المدير العام كريم منير

**Yousef Fadl** · 06-11-2014 03:25 PM

للرد على استفسارات قانونية مدعمة بالاحكام والقوانين برعايه المدير العام كريم منير فى جميع اقسام القانون

يوسف فضل شلبى

محام بالاستئناف العالى

**BomBom** · 06-11-2014 07:37 PM

http://www.nilemotors.net/Nile/447732-a.html

المشاركة الأصلية كتبت بواسطة BomBom

بالنسبة لعقود تمليك الشقق اللي بيكون فيها نصيب لصاحب الشقة في الارض ، بتتحسب ازاي و خصوصا لو الشقق مساحتها مش زي بعض و فيه برضه محلات و مكاتب ادارية و هل الافضل في الحالة دي النص في العقد على مساحة محددة و لا نسبة الشقة لكامل العقار طيب في حالة النسبة ايه الوضع لو مالك العمارة اضاف ادوار زيادة . متشكر مقدما لكل رد.

**Yousef Fadl** · 07-11-2014 09:36 AM

السيد العضو bombom
بخصوص سؤال سيادتكم فهو مكون من عده نقاط
اولا هذه الحاله تسمى فى القانون المدنى الشيوع الاجبارى وتخضع للماده ٨٥٦ مدنى .يفضل النص فى عقد الشراء على النسبه فى حصه الارض والاجزاء المشتركه وتقسم حسب عدد الشقق والوحدات الموجوده فى رخصه البناء وفى حاله مخالفه رخصه البناء يتم كتابه اقرار من المالك بعدم البناء والتعليه الا بموافقه الملاك لسببين الاول هو عدم الاضرار بسلامه العقار ثانيا عدم الاضرار بحصه الملاك على الشيوع اما فى حاله عدم رغبه المالك كتابه الحصه فى عقد الشراء يتم الاشاره فى العقد الى عدد الوحدات الموجوده والمراد بنائها فى المستقبل وكتابه شرط فى العقد انه فى حاله التعليه لا تتم الا بموافقه الملاك وبما لا يضر بحصه الملاك فى الارض ويفضل شراء الشقق التى لها اتحاد ملاك طبقا لقانون البناء

**mk3** · 07-11-2014 01:10 PM

شكرا لوقت حضرتك
سؤالى ليس له علاقه بقضيه معينه ولكن بخصوص التخصصات بين المحامين
1-تأسيس شركات ؟ محامى ايه ؟
2-عقود وشراء وبيع عقارات ؟ محامى ايه
3-اقسام ومحاضر لقدر الله ؟ محامى ايه ؟

هل فى تقسيمه عامه ؟

**smsm2015** · 07-11-2014 02:10 PM

السلام عليكم

عندنا ساكنه بالايجار القديم ممتد لها العقد عن زوجها المتوفى واولادها كلهم متزوجين راحت تقدم على الغاز الطبيعى بالتقسيط راح الموظف اللى هناك كتب لها عقد ايجار 59 سنه واعتبر ان جوزها هو اللى اجرها الشقة قبل وفاته بتاريخ 2003 وبايجار 250 ج ومضت هى عليه ومضى هو وموظف من عنده عليه كشهود فهل فى ضرر على المالك فى الموضوع ده وهل العقد ده له قيمة.....

معلش وفى ساكنه ثانيه برده بالايجار القديم ممتد لها العقد عن زوجها المتوفى عاوزه صوره من عقد الايجار اللى معانا علشان تروح تقدم بيه على الغاز بالقسط لان العقد اللى معاها ضاع فايه راى حضرتك نعطيها صوره ولالا ؟

**BomBom** · 07-11-2014 02:18 PM

المشاركة الأصلية كتبت بواسطة yousef fadl

السيد العضو bombom
بخصوص سؤال سيادتكم فهو مكون من عده نقاط
اولا هذه الحاله تسمى فى القانون المدنى الشيوع الاجبارى وتخضع للماده ٨٥٦ مدنى .يفضل النص فى عقد الشراء على النسبه فى حصه الارض والاجزاء المشتركه وتقسم حسب عدد الشقق والوحدات الموجوده فى رخصه البناء وفى حاله مخالفه رخصه البناء يتم كتابه اقرار من المالك بعدم البناء والتعليه الا بموافقه الملاك لسببين الاول هو عدم الاضرار بسلامه العقار ثانيا عدم الاضرار بحصه الملاك على الشيوع اما فى حاله عدم رغبه المالك كتابه الحصه فى عقد الشراء يتم الاشاره فى العقد الى عدد الوحدات الموجوده والمراد بنائها فى المستقبل وكتابه شرط فى العقد انه فى حاله التعليه لا تتم الا بموافقه الملاك وبما لا يضر بحصه الملاك فى الارض ويفضل شراء الشقق التى لها اتحاد ملاك طبقا لقانون البناء

متشكر لحضرتك جدا بس هو الوضع حاليا في نموذج العقد المقترح كالتالي :
في نص بشرط جزائي بأن المشتري لايحق ليه ممانعة البائع في تعلية العقار مقابل التزام المالك بتقديم شهادة من استشاري يؤكد على امكانية البناء و الاضافة و برضه في نص بتعديل النسبة في الارض مع كل دور اضافي . فهل ده قانوني مع العلم ان النسبة مش مكتوبة نسبة مؤية هو مكتوب ان حصة الشقة هي نسبة مساحة الشقة لباقي مساحات وحدات العقار و مافيش وصف للعقار ككل في العقد.

**horas3000** · 07-11-2014 02:54 PM

في حال امتنع مستاجر او اتاخر و بيماطل في دفع الايجار
ايه انسب الحلول و اسرعها

**Yousef Fadl** · 07-11-2014 03:08 PM

المشاركة الأصلية كتبت بواسطة bombom

متشكر لحضرتك جدا بس هو الوضع حاليا في نموذج العقد المقترح كالتالي :
في نص بشرط جزائي بأن المشتري لايحق ليه ممانعة البائع في تعلية العقار مقابل التزام المالك بتقديم شهادة من استشاري يؤكد على امكانية البناء و الاضافة و برضه في نص بتعديل النسبة في الارض مع كل دور اضافي . فهل ده قانوني مع العلم ان النسبة مش مكتوبة نسبة مؤية هو مكتوب ان حصة الشقة هي نسبة مساحة الشقة لباقي مساحات وحدات العقار و مافيش وصف للعقار ككل في العقد.

هذا المالك يريد التلاعب بالحصص حيث انه من مصلحته تقليل الحصه فى الارض وزياده عدد الادوار صمم على رايك بتحديد الحصه من الان حتى لا يتلاعب فيما بعد اما بالنسبه لان هذا قانونى اما طالما لا يخالف النظام العام فالعقد شريعه المتعاقدين

**Yousef Fadl** · 07-11-2014 05:21 PM

المشاركة الأصلية كتبت بواسطة tza

السلام عليكم

عندنا ساكنه بالايجار القديم ممتد لها العقد عن زوجها المتوفى واولادها كلهم متزوجين راحت تقدم على الغاز الطبيعى بالتقسيط راح الموظف اللى هناك كتب لها عقد ايجار 59 سنه واعتبر ان جوزها هو اللى اجرها الشقة قبل وفاته بتاريخ 2003 وبايجار 250 ج ومضت هى عليه ومضى هو وموظف من عنده عليه كشهود فهل فى ضرر على المالك فى الموضوع ده وهل العقد ده له قيمة.....

معلش وفى ساكنه ثانيه برده بالايجار القديم ممتد لها العقد عن زوجها المتوفى عاوزه صوره من عقد الايجار اللى معانا علشان تروح تقدم بيه على الغاز بالقسط لان العقد اللى معاها ضاع فايه راى حضرتك نعطيها صوره ولالا ؟

بالنسبه للشق الاول لا يوجد اى ضرر على المالك لانه لا يوجد توقيع له على العقد ولكن يمكن استخدام هذا العقد لصالح المالك فيما يلى
اولا اثبات ان العلاقه الايجاريه امتدت للزوجه بعد وفاه زوجها فلا يجوز الامتداد لغيرها بعد وفاتها ولكن هذا بعد اثبات ان العقد المقدم امام الغاز عقد مزور
ممارسه ضغط على المستاجره الحاليه بالطرد خيرا لها من الحبس فى جريمه تزوير محرر عرفى

بالنسبه للسؤال الثانى ارجو توضيح لبعض الاشياء
متى حاله الوفاه / هل تسدد الايجار بانذارات ام بايصالات وباسم من تحرر هذا الايصالات /