عايز موتور مياه واحد حصان وخزان ميه 2 طن سعره ونوعه تنصحو بايه ؟؟
عايز موتور مياه واحد حصان وخزان ميه 2 طن سعره ونوعه تنصحو بايه ؟؟
هات موتور مياه ايطالى كالبيدا مثلا وتانك مياه الايمان ثلاث طبقات ميعملش طحالب
الماتور هاته ماركه تكون ايطالى لو استعمال حتا .. وبلاش الصينى الجديد خالص
متابع
متابع
انا كمان
هو قصدك خزان 2 طن
هيكزون وزنه 2 طن
وهل ده ممكن يتحط على السطح بدون مشاكل ولا ليه تعديل فى السقف
وموتور واحد حصان كافى لكام دور
ولا فيه معايز تانية للحصان
انا جايب ماتور ايطالى كالبيدا تقريبا ونص حصان بيطلع للدور السادس بضغط قوى كمان
كان ب 200 جنيه تقريبا
الموتور الافضل على الاطلاق كالبيدا
والخزان انا اعرف انه بالليتر
عندى نوعيه تقريبا فايبر مش عارف الخامه بالظبط لكن هو لونه ابيض بغطاء المميز فيه لا المياه تسخن من اشعه الشمس
ولا بيعمل طحالب نهائيا ممتاز بس لو مهتم اشوف لك ماركته بس بالنهار ان شاء الله
سعر الخزان فى حدود كام 2 طن وسعر الكالبيدا حصان وحصان ونص ان امكن
انت تأمر يا استاذ حسام
هو خزام بولى ايثيلين ماركه امير سعه 750 لتر
لايتفاعل مع المياه ولايكون طحالب نهائيا ولا يتأثر باشعه الشمس والمياه لاتسخن فيه بصراحه من يوم ماركب
المياه فيه شفافه جدا ولا يحدث بها اى تغيير
http://www.nilemotors.net/Nile/user_images/9775113.jpg
https://e0415552026373f497aa-7944524...8eff/main.jpeg
وطبعا اانا شغال بموتور كالبيدا واحد حصان
من فضل الله الموتور من ساعه ماركب ولله الحمد لااعطال وشغال زى الفل وضغط المياه اكثر من رائع
ومشغله بدون عوامه لان العوامه هى اللى كانت هتضيع الموتور بسبب التعلق المستمر ومشغل قطعه اوتوماتيك عليه فلوماك رائعه
موتور ايطالي
كالبيدا
ثم
داب
داب ارخص لكنه شغالزي الفل
الخزان في انواع صاج مجلفن ميزتها انها ممكن حد ينزل جواها ويغسل التانك كل شهران مثلا وبيكون لها طبه من اسفل وبيتعمل لها فايز من الجنب من اعلي بفتحه كبيره علي الصرف والافضل تركيب عوامه خزان لغلق المياه عند الامتلا بس حد يكون متابع كويس جدا علشان يقفل الموتور علشان ما يتحرقش او يركب مفتاح اوفر لوود علشان الموتور يقفل لما التانك يتملي والعوامه تقفل الخط
تمام وزى الفل يبقى اعتمد من باب اسال مجرب ولا تسال طبيب
انا حركب عليها عوامه لان متصل ب 8 شقق ولو ركبت فلوماك وفيه اى تسريب فى اى شقه او حنفيه الموتور حيشتغل على طول ولا رايك ايه ؟؟
داب ده صناعته ايه ؟؟ وبكام الواحد حصان منه تقريبا ؟؟
انا حركب عليها عوامه لان متصل ب 8 شقق ولو ركبت فلوماك وفيه اى تسريب فى اى شقه او حنفيه الموتور حيشتغل على طول ولا رايك ايه ؟؟
وشكرا للاهتمام والرد منكم جميعا
داب - صناعه ايطالي
عندى بقاله كتير والحمد لله شغال بدون شكوى منه وصوته هادى
موضوع العوامة - صراحة الله اعلم و يفضل اخذ راى السباك
اكيد 8 شقق كتير على الفلوماك واسئل عليه انا مش متاكد من المعلومه
هو عندى شغال على 3 ادوار والحمد لله تمام لكن لانه بيشتغل على اقل قدر من المياه .. ممكن فعلا لو فيه مشكله فى حنفيه او صندوق طرد يفضل شغال
لكن الميزه اللى عجبتنى جدا فيه انه بيفصل الموتور عند انقطاع المياه بيحمي الموتور جدا
لكن العوامه كانت بتخلى الموتور شغال طول الليل وانزل الاقيه مولع نار لان المياه مقطوعه وهو واخد هواء