اراء وتوقعات الاعضاء حول صنى الشكل الجديد والقديم 2009
يكاد يكون ان الاوان لنزول الشكل الجديد للسياره صنى نيسان وعايزين نناقش اراء وتوقعات الاعضاء حول الشكل والمواصفات والاسعار بين الشكلين وممكن نشوف صور السياره الجديدة من خلال الينك ده
http://www.nilemotors.net/Nile/showthread.php?t=19980
وطبعا كلنا عارفين ان الشكل الجديد هو الموديل الخليجى 2007 ومتوقعين نزولها مصر من فترة ويدور التوقع على انها سياره يابانيه تقفيل كورى او كورى 100% والله اعلم
لكن هى شكلها طيب وان كنت ارى ان الشكل القديم اكثر روعة
فالشكل الجديد تميز بفصل الاشارات الاماميه عن الكشافات الاصلية من الامام والغاء النيكل على مقابض الابواب ومن الخلف اصبحت مصمته ومكتوب صنى فقط مش موضح اي اكس او سوبر تقريبا بقى موديل واحد مانيول او اتوماتيك
اضيف فى المواصفات الداخليه الفتيس الاتوماتيك المعدل وabs , والايرباج الثانيه وتغير طفيف فى التابلوه ( الساعة فى منتصف التابلوه ) على حساب الغاء وحده التخزين العلويه
اما بخصوص السعر وياريت نتناقش ولو حد عنده اى مشاركة ياريت يشاركنا
اعتقد انه هيكون من 95000 الى 110000 حسب المانيوال والاتوماتيك والكماليات حفاظا على التيدا والمنافسه فى حدود نفس الفئة من الكورى ( النترا مثلا )وده من وجهه نظرى
لو حد عنده اى معلومة جديده ياريت يشاركنا جميعا بالافاده