عرض للطباعة
الحمد لله استلمت فلوانس هاى لاين من اسبوع و استلمت ورقها اليوم لكن الافراج الجمركى مكتوب فيه ستائر خلفيه و جانبيه يدويه و ما فيش اى حاجه فى الورق عن الزينون الفابريكه
فهل هيتكتب الزينون فى الرخصه ولا ايه الحل
و سالت المندوب الى استلمت منه الورق قال ان الستاير و الفاميه بس هما الى بيتكتبوا فى الورق
ارجو الافاده من اهل الخبره
و شكرا
١٠٠٠ مبروك :)
مفيش اى زينون بيتثبت على الرخصه ...
و ايضا الستائر الخلفيه مش مثبوته عندى .. ادام فابريقه خلاص محدش له عندك حاجه ...
تحياتى ...
الف شكر
فيه بعض الاعضاء مثبوت فى الرخصه ستائر خلفيه و جانيه لا تحجب الرؤيه
بالنسبه للزينون لو ضابط او لجنه هيعرف ازاى ان الزينون فابريكه
الى اعرفه ان الزينون ممنوع الا لو فابريكه
بلد سمك لبن تمر هندى
يعنى الفاميه مخالف يتكتب فى الورق يبقى قانونى
طيب اشمعنى ماهو الزينون مخالف مايتكتبش ليه تماشيا مع نفس المبدا
سالت الموظف المسئول عن ترخيص الملاكى فى المرور و هو اخو واحد صاحبى قال الستاير و الزجاج الملون ممكن يتثبتوا فى الرخصه لو مكتوب فى الورق بتاع العربيه و يكون راكب فعلا اثناء الفحص
بالنسبه للزينون قال انه ما بيتكتبش ع الرخصه و اهم حاجه يكون زينون عدسات لان زينون العدسه غير مخالف
نفس الحوار.....أنا معايا الهاى لاين و مفيش شىء مثبت فى الرخصة....و لا الستائر و لا الزينون و طالما أنهم فابريكة محدش له حاجة عندك
أنا كان معايا الميجان قعدت معايا ٨ سنين و كان فيها نفس نظام الستائر و مفيش اى حد فتح بقه معايا و لا حتى علق عليهم
تحياتى
انا كمان الميجان مش مثبوت فيها الستاير ورغم اني اتعرضت لساخافات اكتر من مره وخصوصا ايام حظر التجول لكن عمر ماحد علق عالستاير وباين اوي انها نازله في العربيه مش تركيب
الحمد لله تم الترخيص اليوم و تم اثبات الستاير فى الرخصه (ستائر فابريقه)
اي زينون علي عدسة مش مخالف وعن تجارب عديدة
لازم الستائر او الفاميه يتثبت علي الرخصه علشان انا حصلي موقف امين شرطه وقفني في جامعه الدول وقالي الستائر مش مثبوته علي الرخصه واقعدت افهموا وهو مصمم انوا يسحب الرخصه او ادفع 40 ج مخالفه حتي بتكلم مع الظابط يقولي ايه اللي يثبت انها فابريقه فلازم تتثبت علشان مفيش حد يتلكك
منظر الستاير وهي طالعه من قلب الباب كده مايثبتش لسيادة الباشا الامين انها فابريقه !!!!!اقتباس:
المشاركة الأصلية كتبت بواسطة amirmsamir
ربنا يتوب علينا من الاشكال ده بأه
ابقى قوله وقف اي فلوانس معديه وشوف فيها ستاير وللا لا