يا اهل الخبره ايه رايكم لو اشتريت اسبرانزا 113 بالقسط ام اشتري هيونداي اكسيل مستعمل
عرض للطباعة
يا اهل الخبره ايه رايكم لو اشتريت اسبرانزا 113 بالقسط ام اشتري هيونداي اكسيل مستعمل
الزيرو زيرو كفاية ريحته :d
اشكرك على ردك بس الكلام ده حتى لو الزيرو صينى
اشترى اكسيل و بلاش حكايه الاقساط
الزيرو زيرو فعلا بس مش صينى وكمان مش معاى ثمنه يبقي بناقصه
في بدائل تانيه انت حاصر نفسك فى الاكسيل له
في فورد اسكورت
سكودا فليشيا
فيات تمبرا
وكلهم كاداء احسن من الاكسيل
انا كنت عايز اجيب اسكودا فليشيا بس لاقيت ناس كتير بيقولوا ان فيها عيب وهو السخونة
ا مجرد راىء لزيرو زيرو حتى لو صينى وعلى فكره ال a113 عربية ناجحه فمصر والاقساط اللى هتدفعها للجديد هتدفعها تصليح للقديم غير تعبك ربنا يوفقك وتاخد القرار الصح
انا متشكر على ردودكم بس انتم كدة حيرتونى اكتر اجيب اسبرانزا 113 زيرو ام اشوف حاجة مستعملة انا كدة رجعت لنفس السؤال تانى
زيرو طبعا...
أبعد عن التقسيط و قرفه ,, لو مش معاك تمنها كامل ما تشتريهاش ,,
يا ما ناس قسطت و معرفتش تسدد و حصل مشاكل و زفت
ليه تحمل نفسك بعبء مبلغ ثابت كل شهر ضيف عليه مصاريف الصيانه
و طبعا لازم تعمل صيانه الزيرو ف التوكيل و دى اغلى طبعا
المستعمل برضه ليه مصاريف بس محكومة بمعنى انك تنقى مستعمل حالته تكون كويسه
عشان تريحك ف المصاريف و ف نفس الوقت هتمشى حالك بقطع غيار مش شرط تكون اصليه
و يوم ماتحس انك مش قادر على مصاريفها ,, بمنتهى البساطة هتبعها و الموضوع ينتهى
لكن لو تعثرت لاقدر الله ف الاقساط هتعمل ايه ؟!!!!!!!!!!!!!!
بصراحة عندك حق وانا تقريبا اقتنعت بكلامك لاني بخاف من الديون بس فى نفس الوقت خايف من المستعمل لانها اول عربية وانا معيا دلوقت 35000 ياتري في حاجة تانى ممكن تكون كويسة غيرالاكسيل بالثمن ده
طاب ب 35 اللى معاك تجيب بيهم a113 لو هى عجباك هتكون موديل 2008 او2009 وبحالة كويسة ولو زوت خمسة كمان تجيب a516 موديل 2007 او2008 برضوا وحالة ممتازة وتبقى جبت اللى نفسك فية من غير موضوع الاقساط ومشاكلة
والله فكرة عندك حق ياستاذ هانى
يا راجل ابعد عن القسط وغنيله ... انا رأيي انك تشتري عربية مستعملة دلوقتي وتدخلك جمعية محترمة ولما فلوسك تكمل الزيرو ابقى اشتري اللي تقدر عليه .......... بس اهم حاجة ان العربية المستعملة اللي تشتريها دلوقتي لازم تكون موديل سعره ثابت عشان لما تيجي تبيعها ما تضطرش تكمل بمبلغ كبير عليها وتكون موديل مطلوب في السوق أو بياع بلغة التجار عشان وقت ما تحب تبيع تبيع بسهولة من غير ما تقعد تدلل عليها ............ وبالتوفيق ان شاء الله .
انا بشكرك علي ردك واهتمامك بس ايه العرببه المستعملة اللى ممكن اشتريها وتحاقظ علي سعرها لانى ماليش خبره قوي بالعربيات
من 30 ولحد 35 ألف وبعد الاستهبال في اسعار المستعمل دلوقتي ممكن تشوف هيونداي اكسيل وممكن كيا برايد وممكن تشوف فيات اونو وفيات بونتو التسعينات ويا سلام لو عرفت تهز الفلوس هزه وتلقطلك حتة هيونداي اكسنت أو دايو لانوس 1 ......... وبالتوفيق ان شاء الله