الحمدلله ربنا وفقني واشتريت عربيه النترا hd
عايز اعرف افضل نوع زيت للعربيه علما بانها ماشيه 144 الف
وزيت الفتيس اجيبه ايه.؟
الحمدلله ربنا وفقني واشتريت عربيه النترا hd
عايز اعرف افضل نوع زيت للعربيه علما بانها ماشيه 144 الف
وزيت الفتيس اجيبه ايه.؟
معلومات عن حالة الموتور .. ونوع الزيت المستخدم سابقا هتكون مفيده علشان نرشحلك نوع مناسب
شخصيا مازلت أستخدم في سيارتي الـ hd زيت تخليقي بالكامل (شيل الترا 10.000 كيلو) برغم انها ماشاء الله تخطت الـ 177 ألف كيلو
شل هو الاحسن فعلا
لكن لﻷسف مبقاش موجود
والمفروض كاسترول يكون البديل بتاعه لكن لﻷسف بيتغش هنا فى مصر بعلم ادارة كاسترول
وكان ليه تجربه زى الزفت مع محطة طاقه المريوطيه واللى عرفت منها ان كل منتجاتهم بتتغش
وشكلنا لﻷسف هانرجع لموبيل 1
العربيه كانت بتستخدم شل النترا 10 الاف كيلو
الماتور واحد ميكانيكى شافه على السريع من غير كشف الكبس او كمبيوتر قالى حالته 75 %
الزيت اللى كان فيها كان محروق ماتغيرش من حوالى 14 الف كيلو
طلع جربها قاللى السحب تمام بس نغير زيت الماتور طبعا
وسؤال تانى تغيير زيت الفتيس وفلتر الفتيس بيحتاج ميكانيكى ولا ممكن البنزينه تغيره عادى ؟
مواصفات زيت الاوتوماتيك عند حضرتك SPIII و ده مش موجود الا عند اتنين الليكوى مولى و اسمه +1200 و فالفولين و اسمه max life atf
تغيره عادى إنما الفلتر محتاج صنايعىفيه شوية شغل
اقتباس:
المشاركة الأصلية كتبت بواسطة profimh
بالنسبه لزيت شل ينفع للفتيس ولا لا؟
والفتيس ياخد كام ليتر ... وبيتغير على كام كيلو؟
ايه البديل المناسب لشل ؟اقتباس:
المشاركة الأصلية كتبت بواسطة msobhy
مفيش حد بيعمل مواصفاته الا الاتنين اللى قلت لحضرتك عليهم و ليكوى مولى اعتقد عندك فى المنصورة تقريبا اللتر ب 85 جنيه
لو فكيت الفلتر و هتغيره و استنيت عليها لاغايت متصفى زيتها ممكن تاخد 3 عبوات انما من غير الفلتر هتاخد عبوتين و تفتح التالتة تكمل شوية منها
طيب بالنسب لزيت الماتور للعربيه عامله 140 الف كيلو ... شيل الترا يمشى معاها ولا اغيره لنوع تانى؟
طبعا يمشى معاها زى الفل و لو ملقيتوش فيه فى ليكوى مولى زيت حلو قوى 5w-40 اسمه البنفسجى زيت أعلى كمان من الشل فى الإضافات ممتازعن تجربة
اخر سؤال
لو هاغير من زيت شيل الى نوع تانى لازم احط منظف الماكينه؟ engine flush ?
ولا هايبوظ الماتور
لا ابدا معاك
حطه عادى ده بينضف المكنة من جوا سواء هتغير النوع الزيت او هتغير الزيت نفسه أقصد كل غيارة و متسمعش فتى الصنايعية
برضه انا مش بقلك كده من دماغى ده عن تجربة تقدر تقول حاجة زى 15 غيارة زيت و انا بستخدم الengine flush
بالنسبه لزيت الفتيس .... اشترى الابيض ولا الاحمر ؟
ليكوى مولى 1200g اللتر ب 110 جنيه .... يمشى معاها ولا لا
1200 العادى يمشى و مطابق المواصفات و 1200g برضه مطابق الإتنينspiii شوف الارخص و المتوفر
مش عارف اشكر حضرتك ازاى على تعبك
بالنسبه لزيت الفتيس ... الراجل فك الكرتيره وفك الفلتر ونضف ببنزين وركبنا فلتر جديد والفتيس اخد 4 كيلو
دا عادى ولا زيادة
ياراجل شكر ايه ده واجب
و كده تمام قوى دى كده نزلت اكبر كمية ممكن تنزلها منها.
طيب انت جبت 1200g و لا 1200 بس و السعر لان انا كنت شارى ال 1200 اللتر ب 85 شكل سعره غلى يعنى هى جت عليه
و بالتوفيق ربنا يحفظهالك دى عربية زى ما بقول مش هتيجى تانى
حضرتك زيت شل لسه متوافر جوه مصر وعندهم مراكز خدمه تابعه مباشرة لشركة شل مصر
انا لسه مكلمهم واقرب فرع ليه فى المعادى والمفروض انهم هايفتحوا فى المهندسين والجيزه
ربنا يخليك :)اقتباس:
المشاركة الأصلية كتبت بواسطة profimh
انا اشتريت ليكوى مولى 1200g اللتر ب 110 :(
وفى حاجه عايز استفسر عليها بالنسبه للفتيس الاوتو فى نقلاته
انا باحس بنقلات الفتيس على خفيف بالذات الاولانى والتانى
باحس ان العربيه تبقى ماشيه عادى وبعدين تهدى لمجرد لحظه ( او كان رجلى اتشالت من على البنزين)وبعديها تكمل عادى
الموضوع دا مش نتشه ولا ترزيعه مجرد تهدى ( مش عارف اوصفها الصراحه ) :)
دا طبيعى فى الالنترا ولا كده الفتيس عايز يتبص عليه
الى حضرتك بتحكيه ده الطبيعى بتاعها و هى جديدة ده الطبيعى فمتقلقش خالص
اما الهبدة و الرزعة دى حاجة تانية بتبقى شىء ملحوظ للبرا العربية و الفتيس مبيهبدش و يرزع و ياخد غياره ده ممكن يفضل على غياره يعنى بعد ما يوصل rpm revolution عشان ينقل معيرفش يطلع للغيار المطلوب او ينزل بسلاسة المهم انه مبيقمش بوظيفته فى الوضع ده مش مجرد اصوات و هبد و شغال عادى
المهم متنساش البوجيهات عشان الموديل اللى معاك بيحب البوجيهات كل 20 الف
و ربنا يباركلك فيها
مش عارف اشكرك ازاى على سرعه الرد او لانك طمنتنياقتباس:
المشاركة الأصلية كتبت بواسطة profimh
الفتيس عندى لو انا ماشى هادى بينقل عند RPM 2000-2500 من غير قرص
انا غيرت الاتى فى العربيه
1- زيت ماتور شيل الترا 10 الاف كيلو بـ 300 جنيه
2- فلتر زيت ماكينه
3- فاتر زيت فتيس موبيس
4- 4لتر زيت فتيس ليكوى مولى 1200g
5-بوجيهات NGK zfr5fII
6- فلتر بنزين
فى شويه شخلله مع الطرق المكسرة مسموعه من جهة العجله الخلفيه يمين لسه هاشوف فيها ايه
تمام قوى كده ربنا يحميهالك
ابقى طمنا بخصوص الشخللة لما تصلحها ان شاء الله
سلامو عليكو
ايه الاخبار