معلش ياجماعة سؤال ممكن يكون غبى شوية انا ان شاء الله حجزت ix35 فولى لود وطبعا فيها سمارت كى فكنت عاوز أعرف طريقة عملة يعنى ازاى اشغل العربية منة واهم حاجة أزاى ابطلها لانى دورت كتير على طريقة التبطيل ملقتهاش فاريت حد يفيدنى فى الموضوع دة وشكرا مقدما
عرض للطباعة
معلش ياجماعة سؤال ممكن يكون غبى شوية انا ان شاء الله حجزت ix35 فولى لود وطبعا فيها سمارت كى فكنت عاوز أعرف طريقة عملة يعنى ازاى اشغل العربية منة واهم حاجة أزاى ابطلها لانى دورت كتير على طريقة التبطيل ملقتهاش فاريت حد يفيدنى فى الموضوع دة وشكرا مقدما
الموجود start engine button
كل ما سيفعله معك المفتاح انه يكون في جيبك و تدوس علي زرار تشغيل العربيه و لو عاوز تبطلها هاتدوس برضه علي نفس الزرار الموجود في العربيه
انما المفتاح مفيهوش تشغيل و تبطيل منه
ارجو ان اكون فهمت قصدك
و لو عندك حاجه جديده نورني لاني باستخدم المفتاح بالشكل اللي ذكرته لك
تمام فهمت قصدك يعنى والعربية دايرة لو دست على الزرار تانى العربية تبطل 0 شكرا لحضرتك
مبروك عليك العربية يا عم سمسم
ان شاء الله يكون اختيار موفق و تتبسط فيها
و هى فعلا افضل اختيار في الفئة دي الحمد لله بقلها معايا 3 اسابيع و راضي جدا عن اختيارها
ربنا يسهل و تستلم عليى خير
و حجزت منين وحتستلم امتى؟
تحياتي
حجزت من غبور الاستلام بيقولى شهر او شهر ونصف معلش ياجماعة اية رايكم فى اللون الفيرانى كويس ولا لأ واية الاوراق اللى المفروض اخدها مع العربية والحاجات اللى بتيجى معاها اللى اعرفة افراج جمركى وفاتورة معتمدة من المرور حاجة تانى
ان شاء الله تستلم على خير وكويس ان حجزت من غبور مباشر
اللون الفيران ممتاز عليها وكنت محتار بين
- الابيض لوني الشخصي المفضل
- الفيراني لون عربيتي السابقة ولايق جدا على عليها و بالذات لون الجنط فيراني +اللون التاني في الطارة
- الفضي وده حكاية عليها قطعه فنية ما شاء الله
(شايف دول احلي الوان عليها) و استقريت بعد صراع شخصي مرير على اختيار اللون الابيض
و الحمد لله طلع راااااااااااااااائع عليها
بالنسبة للاوراق
- جواب موجه للمرور
- صورة صفحة من الافراج الجمركي فية ارقام الشاسية و الموتور(جدول به بيانات السيارات اللي دخلت مع بعض)
- فاتورة بيع السيارة
- مبايعة السيارة موجهه لقلم المرور
- صو رة من الافراج الجمركي موجهه للمرور(خاص بالسيارة)
و بتستلم مع العربية
- الاستبن / الكوريك /مفك قلاب / شداد للقطر / الاريال / طفاية سجاير (كوب) /4 مسامير للوحات المعدنية / الكتالوجات / عدد 2 مفتاح / طقم دواسات / شماسة ده اللي فاكرة و لو افتكرت حاجة تانية حبلغك
تحياتي
انا كمان معي اللون الابيض فولي لودد 2015
عامله 11000 كم الي الان
و ما شاء الله عليها
ربنا يبارك للجميع
انا كنت مستلم وصلة أي فون، موش عارف الدنيا اختلفت دلوقتى ولا اية؟
كمان موضوع الدواسات والشماسة ، اعتقد غبور مبيسلمش الحاجات دى مع العربية، لاكن لو معرض او موزع ممكن بيكون بيسلمهم مع العربية (هدية من عندة) يعنى موش شرط كل المعارض بتسلمهم مع العربية.
انا مثلاً فى السيراتو المعرض سلمنى دواسات وغطاء للعربية، تختلف من معرض لاخر.
بالتوفيق ان شاء الله ، العربية معايا من ابريل2013 زى الفل ماشاء الله.
وفى الاخر متنسوش اللون البرونزى فى الألوان المفضلة عليها،،،،،،،،،،،
ا/ سيد
اولا : تحياتي الشخصية لشخصك الكريم لان تقاريرك عن الجميلة ix 35 كانت من ضمن اهم أسباب اقتنائي ايها
ثانيا : لم استلم وصلة للايفون و مش عارف شكلها و لا اعلم عنها شيئا
ثالثا : الدواسات و الشماسة مش بتوع العربية هى حاجة ستاندر بيوزعوها عند الاستلام و هي تصنيع هيونداي كوريا
رابعا: اللون البرونزي من الالوان المميزة فعلا فى العربية ربنا يسعدك دائما فيها ومتعرفش مدى كلماتك بحق العربية بتسعدني اد ايه
تحياتي
على فكرة العربية سعرها زاد بقت 248500