سوبارو أم هوندا ؟!

**|H|i|t|M|@|n|** · 07-11-2014 11:42 AM

السلام عليكم ورحمة الله وبركاته
انا ان شاء الله ناوي اشتري عربية جديدة ومحتار حيرة السنين ومش عارف اختار بين عربيات كتير جدا اجدا جدا
انا الأول كنت محتار بيت الفلوانس ولا الامبيزا
لما سقت الاتنين ارتحت للامبريزا وحسيت انها عربية بتكشر عن انيابها عكس الفلوانس شيك من جوة بس الخامات تحس انها خفيفة والعبرية سايبة من بعضها كده بالمقارنة بالامبريزا
سألت ناس كتير عن الامبريزا كله بيقوللي انك لو جبتها هتلحس كل المطبات ..انا طبيعة شغلي اني بسافر كتير ومحتاج عربية حلوة في السفر وفي نفس الوقت متكونش واطية
فقلت خلاص اعلى بالميزانية شوية وادخل في ال xv
ركبت العربية وشفتها حلوة جدا جدا جدا بس في نفس اليوم شفت الهوندا سيفيك خطفتني من جوة ومن برة وكمان انا بعشق اي حاجة اسمها هوندا ودلوقتي انا محتار هل اشتري السيفيك البيز لاين ولا الxv ولا انزل للامبريزا ولا اعمل ايه

يا ريت اللي شاف العربيات دي او ساقها او يعرف عنها معلومات اكيدة يقوللي
وكمان عايز اعرف اسعار قطع غيار مين اغلى...سوباروا ولا هوندا
وكمان التوكيل مين افضل

اسف على الاطالة

**Mecha** · 07-11-2014 02:09 PM

الاتنين ممتازين بس السوبارو عربيه اسبشيال شويه ,محركها وفتيسها مختلف وطبعا awd لعبتهم فثباتها عالي جدا
عشان شركتها بتحب التميز
لو عاوز حاجه متداوله اكتر الهوندا تكسب

**pioneerahmed** · 07-11-2014 03:33 PM

انت لو عملت الموضوع في منتدي اي عربية صيني و سالت الصيني ولا المرسيدس كلو هيقولك الصيني

ياباشا اعمل الموضوع في مكانة الصح
بيع و شراء او قسم المقارنات

**demonarundo** · 12-11-2014 03:54 AM

انت كنت صرفت نظر عن الامبريزا عشان واطية , الهوندا أوطى من الامبريزا
لو بتسافر كتير فالـ xv أفضل اختيار

**carrier** · 12-11-2014 07:42 AM

لو انت فعلا من اسكندرية
هوندا

**tefafathy1** · 26-11-2014 08:50 PM

الأتنين قريبين من بعض فى الثبات , بس انا بتكلم عن هوندا سيفيك 2008 لأن دى اللى بصراحة جربتها كتير لكن ماجربتش 2012..
الأمبريزا اتقل و تحكم أعلى و ثبات أفضل , لكن الهوندا التسارع فيها أعلى و السحب أقوى..
الأرتفاع متقارب جدا ... مفيد فى السفر , متعب جوه البلد ... معرفش لو الxv ارتفاعها بيأثر على ثباتها وللا لأ ..

ربنا يوفقك..