جرب اي عربيه زيها و شوف الفرق احسن
عرض للطباعة
جرب اي عربيه زيها و شوف الفرق احسن
كلامك صح يا أستاذ ابراهيم انا جربت اللى بتقولو وسيبتها وحسيت بالتلجيمه دى واتضايقت جدا واتنرفزت على العربيه وجبتها ستيبترونك وقرصت على الغيارات لحد 5 وجيت افرمل جامد لقيتها اتظبطت شويه ورجعت تانى ومبقتش فاهم لها حاجة خالص ....بس اللى انتى بتقولو عن gear ratio كان موجود فى الاوبل استرا والناس اشتكت وحلوها بعمل update للسوفت وير بتاع العربيه وبتروح التلجيمه ...بس هل يمكن تحديث السوفت وير بتاع كنترول الفتيس للسيراتو ؟؟؟
انا عندي نفس العربية و نفس الموضوع حتى بتاع الفرامل ، بس الرعشة بتاعة الصبح و الماتور بارد ديه لسه ظاهره معايا و مستغربها و بتحصل لما الدنيا بدقت تبرد و لما اجي ادورها الصبح
باشا بالنسبة لموضوع التلجيمة بتاعت الغيار لما بتنزل عند سرعة 60 دي عندي برضه في الكارينز الشيب الجديد ، وده موجود في معظم الستيب ترونيك الست سرعات في الكيا الجديد ، وده على حد معلوماتي لان العربية 6 غيار وبتسقط اوتو مع تقليل السرعات ، وده نظام بيساعد مع الفرامل عشان تساعد في تقليل المسافة المطلوبة للفرملة ، بالنسبة للرعشة ، بصراحة مش عايز افتي فيها عشان معرفش ، بس ساعات بتحصل في معظم العربيات لما بتكون الدنيا برد ، على العموم راجع قواعد الموتور والفتيس ، لان حضرتك بتقول انها بتظهر بعد سرعة 90 ، يعني مش مع التسخين بس ، حضرتك راجع قواعد الموتور ممكن تكون عايزه تتربط او فيها عيب صناعة.
بالنسبة لى فى الالنترا ملقيتش any update لسوفت العربية عند الوكيل
بس مش عاوزك تتنرفز و لا حاجة الموضوع ببساطة اتظبط معاك عشان انت كنت بتفرمل يعنى التلجيمة و انت بتفرمل مش محسوسة و حسنت اداء الفرامل بالنسبالك و ده اللى انا قلتهولك انك مش هتحسها الا لما تسيبها من غير بنزين او فرامل
حسيت بنفس المشكلة وفى صيانة 10.000 اتكلمت مع مهندس فى توكيل القطامية وطلع جرب العربية معايا وقالى نفس كلام الزملاء ان الفتيس بينقل على الغيار الأقل وعلشان كدة بتحس بموضوع التلجيمة , بالنسبة لموضوع الرعشة انا بحس بيها لو غايب الفتيس على n وادوس بنزين لغاية 1500 الى 2000 rpm واتكلمت معاهم مرتين ومفيش حاجة اتغيرت
رحت التوكيل فى القطامية وقالولى ان دة طبيعى فى العربيات كلها ...بس انا مش مقتنع انو طبيعى دة عيب فى الفتيس وهما مش لقين حل وياخسارة الفلوس فى العربيه الزباله دى.
انا مش عارف الناس مش عاوزه تسمع الكلام ليه
انا كان عندي نفس المشكله في الفيلوستر وعملت زيكم وروحت التوكيل اكتر مز مره وطبعا الرد ااي مابيتغيرش ده طبيعي
روحت رافعها في مركز وعرفت ان المشكله في قعده الفتيس ان الجلد بتعها طري ومش ناشف فبيخلي الواحد يشعر بالنقله وهي بترجع اكنه سقط الغيار
ودليل ان ده مش طبيعي في فتيس ال 6نقلات ان معايا سيراتو كوبيه 6 نقلات مافيش الكلام ده فيها خالص وبترجت النقلات من غير اي تحجيم ولا احساس اصلا
انا لو مكانك احمد ربنا وانا مش شايف انها حاجه كبيره ومش عيب اصلا
امال لو كنت لبست في عربية فتيس dsg وصباح الهبدات والفتيس بيعلق و ميكاترونكس تبوظ و الكلتشات بتتغير كل 50 الف وحاجه تقرف.... ع فكره العربيات الفرنساوي فيها نتشه في الفتيس ومع ذلك الناس بتجبها لانها في الفرنساوي طبيعي
انا شايف انك بتكره نفسك في العربيه وهي لسه زيرو