الموضوع: ماحدش يعيب في المروتي .. كلام واحد هندي

السلام عليكم ورحمة الله وبركاته ...

بصو يا جماعة الالتو شكلها طبعا اشيك من جوه ومن بره .. وفيها اوبشنز مش موجودة في المروتي ..
وناس كتيير بتفضلها عن الماروتي ...

ليا واحد صاحبي " هندي " اسمه ايان جاشول ..
طبعا انا كنت بتكلم معاه وبقوله على اني معايا السوزوكي ماروتي وكده الراجل ابتسم وقالي عربية جميلة وتستحمل معاك الى اقصى الحدود ... قلتله بس الواحد لو كان معاه قرشين حلوين كان جاب الالتو ..

قالي لا طبعا .. المروتي احسن !!!
قلتله احسن ازاي ياعني ؟؟
قالي الالتو شكل و ابشنز ودي مش كل حاجة في العربية ... لاكن الماروتي فيها حاجت مش موجودة في الاتو ...
قلتله مش موجودة .. طب ازاي ياعني ؟؟
قالي تستحمل معاك وتعيش اكتر وصيانتها افضل وساهل .. ياعني لو بشكل عام قارنت المروتي بالالتو في كل حاجة .. هتلاقي الماروتي تكسب !!!!

قلتله انت بتتكم بجد .. اكيد انت بتهزر ؟؟

ضحك وقالي ... انت مش واخحد بالك انك بتتكلم مع واحد بلده من بلد المصنع اللي اتعمل فيه العربيتين ؟؟
اسمع اللي بقولك عليه وصدقني .. انا مابكدبش عليك .. وانا مش خسران او كسبان منك حاجة !!
الماروتي كانت معايا لسنوااااااااات وعملت بيها كل اللي ممكن تتخيله والالتو كمان ,, تقريبا اعرف فيهم كل حته ....

ساعتها انشكحت انشكاح عظيم ... وحسيت فعلا انه بيتكلم بجد ..

افرحوا انتم كمان يا اصحاب الماروتي ,,, الكلام ده من جوه الفرن نفسه .


تحياتي ...

يا جماعة بغض النظر عن الكلام اللي انا كاتبه وعن ان الماروتي اتوقف تصنيعها او ماحدش اشتكى من التو او ايا كان التعليق او الكلام .....
الكلام اللي انا قلته ده مش كلامي انا .. ده كلام الراجل الهندي .. وممكن برضو يحتمل الخطأ مش شرط ياعني ناخد كلامة ثقة ... لاكن كل الحكاية ان النقاش دار مابيني وما بينه ، وانا حبيت انقلته ... بس كده :)

وشكرااااا