انا معايا عربيه صنى 2013 الشكل الجديد وغيرت زيت فى صيانه 1000 وتوكيل حط زيت توتال بس حاسس ان صوت الماتور عالى شويه واستهلاك البنزين يعنى عالى شويه نفسى اجيب زيت محترم وفكرت احط زيت لكى مولىاو فالقولين او ميجون وكنت بفكر فى الميجون لانه الزيت رقم 1 فى المانيا برجاء الافاده جزاكم الله
ملحوظه الزيت المفضل 5-30
بفضل الله جربت زيت بيزول bizol pacific 5w-30 في كورولا 2012 ماشية 14.000 كم... والحقيقة السحب اتحسن بنسبة 30% والصوت هدي بنسبة 35% واستهلاك البنزين بيبدأ يقل حاجة بسيطة
عن زيت الفالفولين ال 5w-40 اللي حطيته قبله... هو ممتاز بس لزوجة ال 30 احسن
هو سعر الزيت كان 300 تقريبا... ومشيت بيه حوالي 500 كم حتي الان وماشاء الله ماسك نفسه ...
وبرده اخوه هنا جربو نوع من موبيل لزوجته 30 وبيشكروا فيه
بالتوفيق ان شاء الله
لو مش عاجبك توتال يبقى جرب حاجة أعلى , Mobil 1 أو كاسترول
وبلاش الانواع المغمورة عشان متبوظش عربيتك
للاسف فعلا توتال زيت بيعلى صوت الموتور و بيخليه خشن و سحب و استهلاك بنزين سئ . الاغلبيه اجمعت على كده .
انا غيرته من عربيتى لنفس الاسباب .
استخدمت موبيل 1 فورميولا الاخضر 5w30 ممتاز بصراحه صوت و سحب و فرق جامد فى استهلاك البنزين . هو صعب شويه تلاقيه بس دور فى بنزينات موبيل الكبيره زى اللى فى صلاح سالم .
عامل به حوالى 1300 كم و زى الفل .
مهم جدا جدا تشوف كتالوج العربية طالب إيه
اللزوجة كلنا عارفين نجيبها حسب الكتالوج.. وسهل نعرف الزيت اللي قدامنا ده هو المطلوب ولا ﻷ..
المشكلة الكبيرة اللي نادرا حد بياخد باله منها هي أكواد مستوى الخدمة
والموضوع هنا مش كود الapi وبس... إنما كمان كود الacea مهم ﻹنه هو ده اللي غالبا بيأثر في موضوع الصوت والخشونة والحاجات اللي الناس بتشتكي منها ..
لو مطلوب في الكتالوج يبقى الزيت متوافق مع كود الacea رقم a5 مثلا.. يبقى ما ينفعش تحط زيت كوده a3
أنا عن نفسي لما جيت أشتري زيت لعربيتي هنا في السعودية.. ما لقيتش زيت يتناسب مع متطلبات الكتالوج غير زيت واحد بس... وبصراحة مريح العربية جدا.
بص كويس على علبة الزيت قبل ما تشتريها.
...