السلام عليكم
ضيف جاى من قسم سكودا
طالب مساعدة رجال
أوبل فيكترا 1995
جارى معاه أوبل فيكترا 1995 و الصراحة محافظ على العربية جداااااااااااااااااااااا
و اية زلموكة هى لونها ابيض بس مروقها
المهم كنت معدى و لقيته زعلان على العربية علشان خرج واحد ابن حلال كسرلو الاريال الكهرباء العقل و بعد كدة واحد تانى كسرلو الاريال و قطعلو الكاوتشة
فى حل الاريال اية
هو عاوز الفبريكة بتاعة المصنع بالكاوتشة لآنى العربية فيها كل حاجة بتاعة المصنع
اية الحل
الرجاء المساعده
وعليكم السلام ورحمه الله وبركاته..
ضيف ايه بس يا هندسه؟؟ انت صاحب مكان .منورنا والله
للاسف خبير الفيكترا ايه 95 طناني باشا مش موجود !
بس ممكن جارك ينزل الحرفيين ان شاء الله هيلاقي
عند العايدي او سفينه اوبل او السوري .
بص يا باشا
الموضوع ده حصل معايا وانا بعمل عمرة في العربية وطبعا كان في حاجات محلولة عند السمكري وحاجات عند الكهربائي وحاجات عند السروجي وحاجات عند البوهيجي وحاجات عند بتاع الازاز والابواب وطبعا تلات ترباع الحاجات ضاعت
ومن ضمنها كاوتشة الاريال اللي من غيرها الاريال مش هيثبت في مكانه والاهم من كده انها بتمنع دخول المية للشنطة وتحمي الرفرف من البرومة
والارايل الكهربا التايواني اللي ب 120 جنيه والموجودة عند بتوع الكماليات بيجي معاها كاوتشات وبلاستيكات بتركب على كل العربيات ماعدا الاوبل
يعني لازم الكاوتش الفابريقة
المهم سألت عليها عند بتوع الاستيراد ومحدش رضي يبيعها لوحدها يعني لازم الكاوتشة بالاريال وكان السعر عندنا في اسكندرية من 350 ل 400 جنيه
طبعا كتير اوي المبلغ ده عشان الكاوتشة وطبعا هركن الاريال الجديد اللي هشتريه مع الكاوتشة عشان الاريال بتاعي شغال
المهم قولت اسأل على الكاوتشة دي عند بتوع قطع غيار الاوبل الجديد وبرضه ملقيتهاش لوحدها
بس لقيتها بتنزل مع اريال عادي مش كهربة للفيكترا 95
واشتريت الاريال العادي ده واخدت الكاوتشة منه ورميت باقي الاريال مع الكراكيب بتاعة العربية اللي عندي
المهم لقيت سعر الاريال العادي ده بالكاوتشة ب 90 جنيه وبعد الفصال اخدته ب 75 جنيه