هو مين من المغارض عنده استلام فورى؟ سمعت القرش بس غير متأكد
عرض للطباعة
هو مين من المغارض عنده استلام فورى؟ سمعت القرش بس غير متأكد
الف مبروك يا باشا وربنا يكفيك شرها وانتم السابقون والشهر الجاى باذن الله بكم لاحقون مستنى رايك فى اداء العربيه بشده .لانى حجزتها بعد ما اتفرجت عليها وعلى ريفيوهات على النت ودون معرفه راى اى حد يكون جابها بس توكلت على الله لانى شايف ان سعرها تحفه بالنسبه لامكانيتها وكمان مجرب التقفيل الهندى فى i 10 محترم جدا عايزك بس بعد اذنك تطمنى على سحب العربيه وخصوصا بالتكييف لانها 1400 سى سى ولو ممكن تعرفنى الترخيص كلفك قد ايه ولو فيها غلاسه اذا عملتلها فرش للارضيه والكراسى تعرفنى منين وبكام وربنا يكفيك شر الطريق وتكون اختيار موفق ان شاء الله.
الله يبارك في حضرتك بالنسبه للسحب الحمد لله كويس بالتكييف و بدون مش حاسس انها تقيله وبرده عشان لسه ماقرصتش عليها عشان لسه ماعملتش صيانه ال 1000 و كمان لا تقلق من موضوع ال 1400 ده عشان في عربيات بتنزل 1600 سي سي و بتكون 90 حصان الي بينوبهم اكلان بنزين بس .
وبالنسبة للترخيص كله كلفني 1290 جم ثلاث سنوات شامل شراء الطفايه ب 148 جم
و بصراحه لسه ماعملتش فرش ليها .
:orangeabli:
[QUOTE=D . a .\ AYMAN;3875823582]ما هي الرينو لوجان والسانديرو 1600 و 90 حصان فقط ووزن أثقل من الأرتيجا كمان[/QU
يعنى راي حضرتك ان فنيا الارتيجا تتفوق على الرينو ولا العكس ؟وهل سعه الموتور وعدد الاحصنه بالنسبه لحجم العربيه حيفرق كتير على اساس بردو ان الكارينز 7 راكب واتقل كوزن من الارتيجا بس 1600 يهمنى اعرف راى حضرتك فى النقطه دى
[QUOTE=chicomowafy;3875823916]
الكيا كارينز موتورها أقوى من الإرتيجا ... على حسب الموقع بتاع كيا مصر الكارينز 135 حصان عند 6300 آر بي إم ... وده رقم أنا شخصيا مش مصدقه ...
أيا كان
هي موتورها أقوى من الإرتيجا حتى لو فرضنا إن محركها بيطلع 115 حصان زي أي محرك 1600 تقريبا ... لكن في المقابل وزنها أثقل من الإرتيجا بكثير ... أنا مش متأكد من الرقم بس الكارينز أعتقد قريبة من الـ 2 طن ... الإرتيجا 1300 كيلو تقريبا مش متأكد قوي برضه
فرق الوزن ده بياكل عدد الأحصنة الزيادة .. بس طبعا عشان نقول إن دي أقوى (قوة إلى وزن) من دي محتاجة حسابات دقيقة شوية مش بعرف أعملها بدقة كويسة للأسف
بمعنى إن الإرتيجا الباور بتاعها هايكون كويس جدا عليها ده اللى أنا متخيله عربية ... 95 حصان ... أكثر من كافي على الوزن ده ... بالمقارنة باللوجان اللى يادوب 90 حصان ووزنها قريب من الإرتيجا أساسا
في المقابل الكيا المفروض فتيس متطور أكثر ... الكماليات أكثر من الإرتيجا لكن عوامل الأمان ما أعرفش نظامها إيه
بحس الإن الإرتيجا اوسع بس أنا ما ركبتش الكارينز الجديدة عشان أحكم كويس
في الآخر فرق السعر لصالح الإرتيجا بالصورة اللى إحنا عارفينها ... وواخد عربية ممتازة وتقفيل ممتاز ... وجودة واعتمادية لا نقاش فيها .. يعني الصفقة بكل الحسابات رابحة بإذن الله أولا وأخيرا
[QUOTE=D . a .\ AYMAN;3875824057] تمام اولا متشكر على ردك لكن معلش فى سؤالين تانى اولا هل اداء الارتيجا بالنسبه لسعه المحرك وعدد الاحصنه هيكون مناسب فى حاله ركوب ال 7 راكب وتشغيل التكييف لان دى نقطه قلقانى جدا , ثانيا هل فى خوف من قطع غيارها وسعر اعاده البيع على اساس انى مش مقتنع بمودرن موتورز كوكيل فى تسويق عربياته وشايف انه فاشل جدا دون النظر لمساله الصيانه اللى مجربتهاش لانى معايا هيونداى واسف على الاطاله.
[QUOTE=chicomowafy;3875824144] عاما هو اي عربيه حتي لو 1600 السبعه فيها بتكون تقيله طبعا سواء بالتكييف او بدون و بصراحه انا لما فكرت فيها قلت لو هاركب سبعه هايكون حاجه استثنائية مش دايما..بس برده في حاجه مهمه انظر الي السوزوكي فان ماهي 1000 سي سي و دايما بتلاقي فيها سبعه راكب و بتلاقيها قرده في الشارع زي الفل ..و بالنسبه الحصان بتاع الارتيجا 95 مش وحش علما بان الماتريكس الي كانت معايا كانت 102 حصان و كنت بحملها ورا 3 و شنط و بسافر بيها عادي بالتكييف و كنت ساعات بحث انها تقيله لكن مابقتش اشغل بالي عشان ده حاحات بتبقيه عرضيه مش دايما.