الموضوع: بالله عليكم حد يفيدني انا فكرت ابيع العربية بسبب استهلاك البنزين

المشاركة الأصلية كتبت بواسطة moko_2004

مشكلتك بتنحصر مابين 3 حاجات او واحدة منهم
1- حساس ماب وحساس تى بي اس او حساس شكمان يبقى كدة دول 3 حساسات محتاجين يتكشف عليهم وتغيرهم بحاجة للتجربة وتسيب السليم و تغيرالتعبان لان الماب و التي بي اس مش بيبانو في كشف الكومبيوتر
2- موبينة و بوجيهات ممكن تكون الموبينة سليمة ولكن بتطلع شرار ضعيف او بوجيهات تعبانة او غير مناسبة للعربية
البوجيهات المناسبة هلى ngk bkr-5e11
3-رشاشات ودة حلها بيكون كشف وتغيير اللى يلزم والافضل التغيير لرشاشات النترا او بي ام او بوش وهو الاحسن
ركز في 3 حاجت دول بس ومتغيرش الا على تجربة "حساس استيراد مثلا من عند الميكانيكي" و بعدها لما تلاقى الوضع تحسن شيل وركب جديد
طبعا فية حساس مستثنى من القصة دى وهو حساس الشكمان طالما ركب مينفعش تغيرة لانة لما بيتفك ويشم رطوبة بيخرب فدة اعرف لو خربان من كشف الكومبيوتر و غيرة مرة واحدة وسعرة جديد 350 جنية اصلى

الف شكر عالرد هكشف على الحساسات اللي قلتلي عليهم بالنسبة للموبينة معرفش ظروفها الصراحة و البوجيهات لسه مغيرها بالنوع اللي قلت عليه و الرشاشات بردو اتغيرت برشاشات فيرنا و فرقت معايا بس في دوارة العربية بقت اسرع في كل الاحوال
اخر حاجة الميكانيكي قالهالي انه ممكن يبقى عيب كونترول ؟؟؟؟ ايه رأيك في الكلام ده
و واضح ان اراء الناس مختلفة فيه اللي بيقول ان كده الاستهلاك عالي جدا و فيه اللي بيقول انه عادي بردو مش عارف مين اللي صح ؟؟؟ و هل الفرق يستاهل انه اوجع دماغي و احاول اوصل لحل ؟؟؟

المشاركة الأصلية كتبت بواسطة waga

بالاضاقه الي كلام الصديق moko-2004 وواضح انه فهمان في ميكانيكا السيارات
برضه ممكن تعمل الاتي :
تغير طلمبه البنزين وفلتر البنزين
تنضف البوابه كويس
تكشف علي العقشه .. وتغير جلب المقصات ويستحسن تغير المقصات
تغير المساعدين والبطاحات
تظبت الزوايا وان كان فيه كاوتش تعبان تغيره ... لانه لو العفشه مش تمام بتبقي فيه مقاومه عاليه علي الارض والسحب بيقل
لو عملت الحاجات دي كلها استهلاك البنزين ها يبقي كويس ويبقي 200 كيلو
تحياتي

متهيألي لو هعمل كل ده عشان خاطر تمشيني 15 كم زيادة يبقى مش مستاهلة كل ده اكيد الفرق هيبقى اكبر بكتير

متابع

يا باشا استهلاك عالى جدااا انا معايا جوليت 2001 و التفويلة بتمشينى على الاقل 450 كيلو
لو العربية بتنقص معاك مياة كماان يبقى عندك مشكلة فى وش السلندرد فى غرف الاحتراف او شيك على الرشاشات ممكن تلاقى رشاش بيسيل او حساس الشكمان و ابقى طمننا يا باشا

المشاركة الأصلية كتبت بواسطة amirock

يا باشا استهلاك عالى جدااا انا معايا جوليت 2001 و التفويلة بتمشينى على الاقل 450 كيلو
لو العربية بتنقص معاك مياة كماان يبقى عندك مشكلة فى وش السلندرد فى غرف الاحتراف او شيك على الرشاشات ممكن تلاقى رشاش بيسيل او حساس الشكمان و ابقى طمننا يا باشا

طيب ياباشا التفويلة بتاعتك تقريبا كام لتر و بنزين ايه و 450 كم جوه البلد ولا عالطريق

المشاركة الأصلية كتبت بواسطة a.elmosallamy

الف شكر عالرد هكشف على الحساسات اللي قلتلي عليهم بالنسبة للموبينة معرفش ظروفها الصراحة و البوجيهات لسه مغيرها بالنوع اللي قلت عليه و الرشاشات بردو اتغيرت برشاشات فيرنا و فرقت معايا بس في دوارة العربية بقت اسرع في كل الاحوال
اخر حاجة الميكانيكي قالهالي انه ممكن يبقى عيب كونترول ؟؟؟؟ ايه رأيك في الكلام ده
و واضح ان اراء الناس مختلفة فيه اللي بيقول ان كده الاستهلاك عالي جدا و فيه اللي بيقول انه عادي بردو مش عارف مين اللي صح ؟؟؟ و هل الفرق يستاهل انه اوجع دماغي و احاول اوصل لحل ؟؟؟

عيوب الكنترول مش بتأثر على الاستهلاك بس هتأثر في كل حاجة و صدقنى الكومبيوتر يا بيشتغل يا مش بيشتغل مينفعش يبقى نص نص "هتبان قوى"

يا صديقي انا كنت مركب مكنة 2000 سي سي في عربيتي وكانت نوبيرا مش لانوس يعنى فرق في الوزن و حجم العجل اكبر وكانت بتعمل 180 كيلو في الصفيحة الى 200 كيلو

بالنسبة للموبينةالكشف عليها سهل
هتجيب مفك عادة وتفك كابل بوجية و تركب المفك مكانة و تسندة على حاجة معدن بشرط ان جسم المفك ميلمسش المعدن وتدور لو لقيت شرارة قوية وواضحة يبقى الطرف دة سليم و تجرب على الى بعدة
لو لوقية مش بيشرز كويس يبقى الموبينة عاوزة تغيير
وللعلم رشاشات الفرنا بتخنق العربية "الافضل الالنترا او البي ام "

و الفرق مابن استهلاك 100 كلم في 20 لتر و 200 كلم في عشرين لتر فرق 70 جنية في كل تفويلة
شوف بقا كدة واحسبها بتمون كام مرة في الشهر و هتفرق معاك كام على مدى شهر او سنة
بعنى لو بتمون مرتين كل اسبوع انت كدة خسرت 140 جنية يعنى 560 جنية خساير شهرية يعنى 6720 جنية في السنة يعنى عرية لانوس تانية كل 10 سنين
وبرضة المبلغ دة يجبلك موتور بفتيس بعفشة كاملة بالتركيب
فلك ان تتخيل

اكشف على خراطيم البنزين كلها وكمان التنك ليكون فى ثقوب فى الدائرة وكمان على جوان غطاء التنك وربنا يهديك للحل

بالاضافه الي ما ذكروه الاخوه انا احب اضيف حاجه يمكن تساعد برضه
غيير تنجييد الكنبه اللي ورا ...ساعات نوعيه السفنج والفرش بتاع الكنبه اللي ورا بيشم البنزين فا جزء من البنزين بيمتص عن طريق الكنبه اللي ورا لانها فوق الطرمبه وبكده بيكون فيه كميه بتهدر