التوليدو كشكل وأوبشنز عربيه بتعجبنى أوى عشان كده قررت إنى أجربها وأختبر مدى إستجابة الموتور والفرامل..حجزت فى فرع العبور تست درايف وجابولى عربيه من الأستوك عندهم (مش عربية التست درايف)وكانت كلها تراب من بره ولقيت واحد معاه جركن بنزين وبيحطلها بنزين!!!!!
ركبت العربيه ودورت بالمفتاح الشيك بتاعها وطبعا لمبة البنزين كانت منوره...
بدأت أتحرك بالعربيه وكان عداد الكيلو متر عامل 23 كيلو،مشيت بيحا حوالى كيلو فقط فى الشوارع الجانبيه وكانت ملاحاظاتى كالتالى:
1-إستجابة دواسة البنزين بطيئه إلى حد ما وتحس انك لازم تدوس جامد عليها عشان العربيه تتحرك.
2-صوت الموتور كان عالى وخصوصا فى النقلات.
3-النقلات نعمه وسلسله متحسش بيها وكان الفتيس بينقل على أر بى أم واطى.
4-الإحساس بالمطبات كان ملحوظ (موظفة المبيعات قالتلى عشان ضغط الكاوتش مش مظبوط).
5-كان فيه صوت تزييق فى الفرامل لما بفرمل او فى بداية التحرك معرفش ايه سببه.
6-الديكسيون ناعم قوى والباور بتاعه حلو وسلس.
7-التكييف ملحقتش أحس بيه عشان المسافه كانت قليله.
