باركولى اصبحت من ملاك فيات تمبرا
السلام عليكم ورحمه الله وبركاته
الحمد لله ربنا اكرمنى يوم الثلاثاء اللى فات واشتريت فيات تمبرا موديل 1992 . العربية كانت مع واحد معاق العربية عامله 162000 كيلو وحالتها نظيفة جدا . بس كانت محتاجه شوية حاجات فى العفشة غيرت 2 مساعدين امامى المانى مايلى ب 550 جنيه وجوز مقصات تركى ب 400 جنيه
و طقم تيل امامى ب 95 جنيه و مسامير ميزان ب 85 جنيه الحساب كله كان 1125 و مصنعية 150 جنيه .
بس حاسس ان العربية فيها حاجات غريبة فى الماكينة خراطيم داخله من حاجات و خارجه من حاجات ياريت لو حد يعرف ايه الحاجات دى .
العفشجى شاف العربية من تحت وقالى العربية زيرو .
بس العربية فيها صوت تزييق من فرش السقف . فهل السبب التراب مثلا ؟؟؟ لان صاحبها كان تقريبا مش بينضفها .