بما إني معنديش خبرة في السيارات وعاوز أشتري فانا بدور على عيوب العربية قبل مميزاتها، فدورت واقتنعت بالبي واي دي. لكن سؤالي : ليه بي واي دي مش لانوس ؟ بغض النظر عن فرق السعر
عرض للطباعة
بما إني معنديش خبرة في السيارات وعاوز أشتري فانا بدور على عيوب العربية قبل مميزاتها، فدورت واقتنعت بالبي واي دي. لكن سؤالي : ليه بي واي دي مش لانوس ؟ بغض النظر عن فرق السعر
هل يختلط الزيت بالماء ؟؟؟؟؟؟؟؟ بي واي دي l3 افضل بمراحل علشان كذا حاجة :-
علشان اللانوس شكلها متغيرش من 15 سنة
علشان اللانوس سعرها مبالغ فيه جداً
علشان اللانوس مفيهاش اي وسائل امان
علشان اللانوس ممكن تتسرق بطفاشة ( مفهاش شفرة )
علشان اللانوس تكنولوجيا قديمة جدا ( العداد لسة بكرة )
علشان منصور قلل من جودة الخامات المستخدمة فيها
علشان اللانوس دهانها بيروح بعد سنة أو اتنين من الاستخدام ( خصوصا السقف والشنطة والكبوت )
byd
بي واي دي
الانوس اقل منها في المقارنه
بى واى دى بلا منازع
بي واي دي ... مفكرتش في اللوجان؟
تمام جدا جدا شكرا ليكم وبارك الله فيكم
بالنسبة للوجان لأ الحقيقة مش مقتنع بيها من ساعة ما عرفتها :shyy:
البي واي دي
البي واي دي أحسن في كل حاجة، ومفيش مقارنة بينها وبين عربية التسعينات اللانوس.. والله أعلم.
الميزه الوحيده للانوس هيا اعاده البيع بس سياره مبالغ في سعرها بالنسبه لامكانيتها المتواضعه وانا مع البي واي دي
بص يا باشا انا كان معايا جولييت وبعدين جبت بى واى دى عاوز اقولك حلاام تقارن الاتنين ببعض اصلا ده طبعا غير ان اللانوس من بعد ما بقت شيفروليه بقت اسوا - باختصار البى واى دى ركوبة بمعنى الكلمة وخصوصا لو زيرو .
أي منتج صيني سواء عربيات إلكترونيات قطع غيار...العمر الإفتراضي بتاعه قليل جدا
بالتالي العربية ال byd عربية تركبها سنتين تستمتع بيها وبس او زيادة حاجة بسيطة وبعد كدا تخلع منك وتفتح بقها
المشكلة في اللانوس إنها ظهر فيها مشاكل لما بقت شيفروليه فمش عارف أقولك لانوس بقلب جامد بس في تقديري أنا ولو هفكر أشتري مش هفكر في byd دي خالص ولو الاتنين قدامي فقط هختار اللانوس
أنا رأيي نصيحة ليك..إشتري ياريس أو جين 2 موديل 2008 مستعمل أتوماتيك بنفس سعر الجديد اللي بتتكلم فيه
وبصراحة مفيش مقارنة بين الياريس 2008 مستعمل وال BYD أو اللانوس جديد
الياريس وال gen 2 يتفوقوا بمراحل
مفيش مقارنة بين مرسيدس وصيني أصلا
فيه حاجة إسمها عمر إفتراضي..العربيات الصيني مع الكماليات اللي فيها سعرها قليل لأنهم بيقللوا السعر على حساب الكفائة والعمر
أنا لما إشتريت اللانوس في 2008 لما كانت دايو..كان قدامي سبيرانزا 316 فيها كماليات أكتر بكتير أوي أوي أوي من اللانوس وبسعر أرخص وقعدت محتار وفي الأخر الحمد لله ربنا وفقني للصح وإشتريت لانوس
مش عيب الواحد يشتري عربية مستعملة بس فئة أعلى وخصوصا لما تكون عربية قيمتها فيها وتعيش وهي مستعملة أكتر مما تعيش العربية الصيني الجديدة موديل السنة بالأخذ في الإعتبار الكشف الجيد جدا عليها عشان تضمن إن مفهاش مشكلة
وإلا بقى لو صاحب الموضوع هيجيب جديد لسبب تاني زي تقسيط مثلا
بص حضرتك انا عارف ان الصيني أكيد اقل من غيره، لكن بي واي دي بالذات مختلفة شوية عن كل الصيني اللي قبلها بشهادة كل حد جربهم، أما موضوع الجديد لو افترضنا ان مفيش حاجة تجبرني زي الاقساط، بصراحة انا مقتنع بمبدء توكتوك زيرو ولا مرسيدس مستعمل، بصراحة انا كرهت المستعمل كله من اللي شفته قبل كدا، ومش عارف ليه مش مقتنع أن فيه حاجة إسمها كسر زيرو بجد، إلا نااااااااااااااااااادرا.
تحياتي