ماذا تفعل عند ظهور "f" في شاشه الايزيترونك فكترا سي او استرا اتش

http://nileup.com/up/uploads/nilemotors_14154455261.jpg

http://nileup.com/up/uploads/nilemotors_14154457821.jpg

طبعا العربيه مش هتدور :_Alshmokh08[1]: ولو دايره مش هتدور تاني بعد متبطلها


المشكله بتكون في منظومه الفتيس الايزيترونك

فالغالب جدا او بنسبه 90% بيكون السبب الجزء الميكانيكي في كنترول الفتيس او الموتور المتحكم في الدبرياج


طبعا ممكن الموضوع يحصل في وسط الطريق و هتحتاج انك تحرك العربيه او تركنها على جنب اقل حاجه ! ( هيا مش بتحصل غير في اصعب الاماكن والظروف عامتا :eyecancer: )

اول حاجه وانت مبطل العربيه و قافل كونتاكت

هتفتح الكبوت و تدور فالمكان ده هتلاقي كنترول الفتيس تحت البطاريه و جنب خزنه زيت الدبرياج

http://nileup.com/up/uploads/nilemotors_14154451601.jpg

هتلاقي في طبه بتغطي عمود موتور الدبرياج هتفك الطبه بمفك او اي حاجه رفيعه تنطر الكاب ده و متضيعوش عشان مهم تغطي المكان بيه تاني بعد كدا

http://nileup.com/up/uploads/nilemotors_14154453791.jpg

بعد كدا هيظهر عمود موتور الدبرياج و مشقوق زي راس المسمار عشان تقدر تلفه بمفك او عمله معدنيه

http://nileup.com/up/uploads/nilemotors_14154454141.jpg

طبعا الموضوع ده معمول اصلا عشان لو العربيه معشقه و البطاريه مفصوله او خلصانه بتلف العمود ده عشان تدوس عالدبرياج و تعرف تزق العربيه


لكن هنا هنستعمله في تنشيط الموتور فقط ... هتلف العمود لفتين او دورتين يمين و لفتين شمال

هتجرب تدور العربيه لو لسه مش بتدور اقفل كونتاكت و كرر الخطوه السابقه

غالبا ان شاء الله هتدور

بس خلي بالك فالحاله دي العربيه هتعرف تدوس دبرياج مرتين تلاته يعني متمشيش بيها وخلاص :N_no[1]: لا تركن العربيه في مكان مناسب و تنتظر الونش الطبليه اللي هينقل العربيه لمكان تصليح الكنترول


ده اكتر عيب شائع بيحصل للايزيترونك


ممكن تفك كابل البطاريه 10 دقائق لو الموضوع اللي فات مجبش نتيجه لان كدا المشكله مش في موتور الدبرياج

ممكن تنتظر العربيه تبرد وتدور


ممكن تراجع عالموضوع ده مخصوص عن الايزيترونك

http://www.nilemotors.net/Nile/325856-a.html

طول عمرك استاذ لو فى منك فى الستروين كنت ظبطنا

مش عايز افتكر منظرها ربنا يبعدنا عنها و يكفينا شرها
دي بتخلي العربية ميتة اكلينيكيا :120105~352:

بس مشكور على الموضوع ده يا باشمهندس احمد :Ta_clap[1]:

تسلم يا كبير

الله ينور يا هندسة وربنا يكرمك موضوع ممتاز فعلا
تقبل تحياتى

عاشور عاشور عاشور عاشور...
والله مظبذنا ياكبير....
طيب هو في عمر افتراضي للموضوع ده ولا حسب السواق ولا حسب الطريق والا ايه بالظبط??
لو الواحد ساق العربية اوتوماتيك دايما تحمي الجزء الميانيكي ده من اخطاء المستخدم??
ولا لو استعملتها مانوال هيكون احسن ?

اقتباس:

---

المشاركة الأصلية كتبت بواسطة a7mad_mo7amad6

عاشور عاشور عاشور عاشور...
والله مظبذنا ياكبير....
طيب هو في عمر افتراضي للموضوع ده ولا حسب السواق ولا حسب الطريق والا ايه بالظبط??
لو الواحد ساق العربية اوتوماتيك دايما تحمي الجزء الميانيكي ده من اخطاء المستخدم??
ولا لو استعملتها مانوال هيكون احسن ?

---

انا بنصح الناس تعمل صيانه للكنترول كل 70 الف تقريبا

طبعا الاستهلاك بيزيد مع كتره التحكم فالدبرياج

اللي يعرف يمشي مانيوال اكيد هيستهلك اقل من اللي ماشي اوتو


يعني كل مالكنترول بيدوس دبرياج .. الاستهلاك بيحصل فالوقت ده

انا عن نفسي بسوق اوتو

وربنا يكفينا شرها :_Alshmokh22[1]:.

ممكن تةضح يعني ايه صيانه ليه?
ايه الي بيتعمل فيه?
طيب لو طقم الدبرياج اتغير كل 80 الف مثلا. ده ممكن يحكي الكنترول ?
معلش بتقل عليك في اسئله رخمه

اقتباس:

---

المشاركة الأصلية كتبت بواسطة a7mad_mo7amad6

ممكن تةضح يعني ايه صيانه ليه?
ايه الي بيتعمل فيه?
طيب لو طقم الدبرياج اتغير كل 80 الف مثلا. ده ممكن يحكي الكنترول ?
معلش بتقل عليك في اسئله رخمه

---

ملوش علاقه بتغيير طقم الدبرياج

الصيانه بالكشف على الجزء الميكانيكي

الشربون و ماستر الدبرياج اللي فالكنترول

ربنا يباركلنا فيك يا هندسة
مواضيعك كلها شيقة ومفيدة

ربنا يجازيك كل خير

على فكره يا جماعه انا كل ما اشوف موضوع للاستاذ / عاشور او الاستاذ / احمد فهمى انا بحث بفخر انى اشتريت هذه العربيه مع احترامى الكبير لباقى الاعضاء الموجودين فى المنتدى الرائع--------------------للمره الثانيه والثالثه انا بشكر الاستاذ / عاشور والاستاذ / احمد وجميع الاعضاء

اقتباس:

---

المشاركة الأصلية كتبت بواسطة فارس ابو حازم

على فكره يا جماعه انا كل ما اشوف موضوع للاستاذ / عاشور او الاستاذ / احمد فهمى انا بحث بفخر انى اشتريت هذه العربيه مع احترامى الكبير لباقى الاعضاء الموجودين فى المنتدى الرائع--------------------للمره الثانيه والثالثه انا بشكر الاستاذ / عاشور والاستاذ / احمد وجميع الاعضاء

---

طبعاً الناس دول افاضل ومن عين اعيان منتدي أوبل :Ta_clap[1]: وربنا يبارك فيهم هما واللي زيهم
والكبير طناني طناني طبعاً..بس سؤال يا جماعة هو فين طناني اليومين دول ؟!!

اقتباس:

---

المشاركة الأصلية كتبت بواسطة zrzr1

طبعاً الناس دول افاضل ومن عين اعيان منتدي أوبل :ta_clap[1]: وربنا يبارك فيهم هما واللي زيهم
والكبير طناني طناني طبعاً..بس سؤال يا جماعة هو فين طناني اليومين دول ؟!!

---

بيقولو مشغول في مكتب محاسبات قانونية فاتحه جديد

ربنا يكرمك يا استاذنا...

اقتباس:

---

المشاركة الأصلية كتبت بواسطة فادى محمد

ربنا يكرمك يا استاذنا...

---

العفو يا عم فادي . دي حاجه بسيطه

ربنا يسترها معانا و الوقايه خير من العلاج.

من اهم المواضيع ومن اسؤ المشاكل فى الايزي ترونيك وفك التعشيق كتير معندهومش فكره عنو وبيعيشو فكارثه ربنا يكرمك للافاده

اقتباس:

---

المشاركة الأصلية كتبت بواسطة احمد فهمى

من اهم المواضيع ومن اسؤ المشاكل فى الايزي ترونيك وفك التعشيق كتير معندهومش فكره عنو وبيعيشو فكارثه ربنا يكرمك للافاده

---

بصراحة يا استاذ احمد حضرتك والمهندس عاشور وباقى الاخوة الخبراء ربنا يجازيكم كل خير على مشاركاتكم الفعالة والمفيدة جدا لينا بتوفر علينا وقت ومجهود وفلوس

شكرا جزيلا ليكم

اقتباس:

---

المشاركة الأصلية كتبت بواسطة embabi

بصراحة يا استاذ احمد حضرتك والمهندس عاشور وباقى الاخوة الخبراء ربنا يجازيكم كل خير على مشاركاتكم الفعالة والمفيدة جدا لينا بتوفر علينا وقت ومجهود وفلوس

شكرا جزيلا ليكم

---

الله يكرمك اخي الفاضل

انا ضيفت الموضوع فى صيانات الفيكترا سي ﻷهميته وافادة الجميع ان شاء الله ويجعلو فى ميزان حسناتك عشور باشا

اقتباس:

---

المشاركة الأصلية كتبت بواسطة احمد فهمى

انا ضيفت الموضوع فى صيانات الفيكترا سي ﻷهميته وافادة الجميع ان شاء الله ويجعلو فى ميزان حسناتك عشور باشا

---

امين يارب :_Alshmokh22[1]:

بصراحة يا استاذ عاشور كل لما اقراء اى موضوع ليك لازم اطلع بمعلومة جديدة لعربيتى بسم الله ماشاء الله على حضرتك
المشكلة دى حصلت معايا مرتين فى عربيتى الاسترا h 2008 والعربية كانت 85000 وكنت فعلا بشيل قواطيش البطارية 10 دقايق وركبهم تانى وتدور معايا تمام لحد ما غيرت البطارية وجبت بطارية جديدة معملتهاش ولا مرة تانى والعربية دلوقتى ماشية 101000 وربنا يسترها
بس معلش فى سؤال مين احسن واحد اعمل عنده صيانة الكونترول ويكون فاهم الكلام ده ولا هيبقى الافضل انى اعمله فى التوكيل؟؟؟

اقتباس:

---

المشاركة الأصلية كتبت بواسطة mohamedlo2lo2

بصراحة يا استاذ عاشور كل لما اقراء اى موضوع ليك لازم اطلع بمعلومة جديدة لعربيتى بسم الله ماشاء الله على حضرتك
المشكلة دى حصلت معايا مرتين فى عربيتى الاسترا h 2008 والعربية كانت 85000 وكنت فعلا بشيل قواطيش البطارية 10 دقايق وركبهم تانى وتدور معايا تمام لحد ما غيرت البطارية وجبت بطارية جديدة معملتهاش ولا مرة تانى والعربية دلوقتى ماشية 101000 وربنا يسترها
بس معلش فى سؤال مين احسن واحد اعمل عنده صيانة الكونترول ويكون فاهم الكلام ده ولا هيبقى الافضل انى اعمله فى التوكيل؟؟؟

---

و التكلفة كام

اقتباس:

---

المشاركة الأصلية كتبت بواسطة mohamedlo2lo2

بصراحة يا استاذ عاشور كل لما اقراء اى موضوع ليك لازم اطلع بمعلومة جديدة لعربيتى بسم الله ماشاء الله على حضرتك
المشكلة دى حصلت معايا مرتين فى عربيتى الاسترا h 2008 والعربية كانت 85000 وكنت فعلا بشيل قواطيش البطارية 10 دقايق وركبهم تانى وتدور معايا تمام لحد ما غيرت البطارية وجبت بطارية جديدة معملتهاش ولا مرة تانى والعربية دلوقتى ماشية 101000 وربنا يسترها
بس معلش فى سؤال مين احسن واحد اعمل عنده صيانة الكونترول ويكون فاهم الكلام ده ولا هيبقى الافضل انى اعمله فى التوكيل؟؟؟

---

في التوكيل بيتصلح ب 3500 و بيتغير ب 15 الف

اما بره بتبقى تكلفة التصليح من 500 الى 1500 لو هيغير الجزء الميكانيكي من ال clutch actuator

و بيبقى كامل استيراد من 3500 الى 4500