مطلوب مرتبة سرير 160سم سعرها لايزيد عن 500 جنية لحالة انسانية

**الفجر** · 08-11-2014 03:24 PM

عندنا بنت يتيمة فى المنطقة ومقطوعة من شجرة وعايزين نشورها للجواز وخلاص كملنا كل حاجة ولله الحمد

والان عايزين ارخص سعر مرتبة سرير عرضها 160 سم ولا تزيد عن 500 جنية

وشكرا لمن يدلنى على المحل

**cheburashka** · 08-11-2014 09:24 PM

شوف أنا عندى مرتبتين قطن مش محتاجهم واحدة عرض متر و التانيه عرض 90 بس محتاجين قماش جديد و تنجيد و أنا عشان الحالة الانسانية مش حاخد فيهم فلوس, ممكن يتعملو مرتبة 160 زى ما انت عاوز و لو اتبقى قطن يتعملو مخده كمان , لو تكلفة القماش و التنجيد أقل من 500 خدهم

**أبو آسر** · 08-11-2014 09:42 PM

أنا عندي مرتبة قطن 160 وكنت بفكر اجيب واحدة طبية علشان ضهري فلو كده ظبط معايا على معاد حد ياخدها بدون مقابل
بس اهم حاجة تشوفوا هتنقلوها ازاي لانها محتاجة عربية ولو المكان بعيد فممكن يبقى نقلها أد تمنها !
أنا في العبور

**أبو آسر** · 08-11-2014 11:08 PM

المشاركة الأصلية كتبت بواسطة الفجر

سلام عليكم ابو اسر

انا لا اعرف كيف اشكرك ..... حقيقى ويوم ما تنوى تشترى مرتبة طبية ارجوك بلغنى لانى هموت على واحدة بجد عشان ضهرى تعبان جدا

بخصوص مساعدة البنت اليتيمة .... انا هدفعلك فلوسها لانى اريد انى اخد ثواب العطف على اليتيمة وانت حدد السعر اللى انت عايزة بس يكون اقل من 500 جنية وخلال اقل من شهر لانى والله دفعت فى حاجات كتير قبل كدة والميزانية خرمت معايا جامد وبخصوص النقل دى مشكلتى انا وان شاء الله اهل الخير يحلوها معايا

وشكرا لكل من شاهم معايا ولو بقلبة

وعليكم السلام أخي الحبيب
انت هتشارك في الثواب بالفعل لما تجيب العربية اللي هتنقل المرتبة على حسابك :)
وأنا هاخد ثواب المرتبة :)
إن شاء الله لما أوصل لمرتبة طبية كويسة هقولك بس غالبا هتبقى يانسن

**أبو آسر** · 09-11-2014 04:18 AM

المشاركة الأصلية كتبت بواسطة حسام الغرباوي

السلام عليكم

الي صاحب الموضوع الكريم ...شوف سعر المرتبة الجديدة كام وانا هتحمل الفرق إن شاء الله

شوف اقرب محل ليك فين وشوف سعر المرتبة كام ...وانا هكمل علي سعرها بحيث تكون جديدة بإذن الله

ابعتلي رقم فودافون كاش وبكرة المبلغ هيكون اتحولك

لو كده يبقى فيفتي فيفتي
ولا انت عايز تحرمني من الثواب :)