السلام عليكم و رحمة الله و بركاته
اه و الله زى مالعنوان بيقول بالضبط
النهاردة جاية اسخن العربية الصبح لسه بادوس على دواسة البنزين الصبح لقيتها نزلت و ماطلعتش كان الدراع اتقطم .
قضيت كام مشوار بالتاكسى لغاية مالقيت ميكانيكى و رضى يجى الجراج معايا و الحمد لله اتصلحت . جاب سلك دواسة البنزين ب 40 جنيه و ركبها واخد مصنعية 30 . الحمد لله رجعت زى الاول .
اللى لاحظته ان العربية كان بقالها فترة بتنتش و تقطع الصبح عند الدوارة و كان لازم ادوس بنزين على الاخر علشان تقوم و فجاة الدواسة نزلت ماطلعتش :36_7_4[1]:
الحمد لله لما اتصلحت بقت كويسة و قلت بالمرة و انا راجعة اغير زيت للعربية و فعلا غيرته بس برجاء تصيح المعلومة هو المفروض تقريبا اغير الزيت كل 1000 كيلو و لا ايه ؟
للافادة
تحياتى
