محتار و انتم اللي هتنقذوني :)

بعد التحية و السلام
أنا إن شاء الله ناوي أغير فلوانستي و حبيبة قلبي بعد عشرة أكتر من 3 سنين و 147000 كم بس مش عارف أجيب ايه في حدود 200000 و قابلة للزيادة البسيطة يعني آخري 230000 ... عايز حاجة عائلية ... ثبات و أمان و كماليات كويسة و واسعة و مريحة في السفر لأني بسافر كتير جدا !!!
مش فارق معايا سعر إعادة البيع لأن أنا من النوع اللي بحب العربيات و بتفضل معايا فترة طويلة ممكن توصل ل 4 و 5 سنين !!!
مش عايز حاجة كوري عشان مستحرم المبلغ في عربيات مش كويسة (مش بنفس مستوي العربيات الأوروبي)
أروني إبداعاتكم :)

الاختيارات كتير في الفئه السعريه دى

بس أعتقد إن طلبك في البيجو 3008

السيارات الجديدة | نيسان | سنترا 2015 - ContactCars.com

السيارات الجديدة | فورد | فوكس 2014 - ContactCars.com

السيارات الجديدة | سوبارو | امبريزا 2014 - ContactCars.com

فوكس .. سوبارو

الفوكس روعة و جميلة جدا و ليها معزة خاصة في قلبي بس سمعت إن الفتيس الباور شيفت ده ليه نفس مشاكل الdsg و أنا بصراحة هدفع المبلغ ده عشان أشتري عربية تكيفني مش تقرفني !!!
-هو ليه محدش مثلا قالي كورولا أو أسترا أو سيفيك ؟!

انا كنت لسه هاقولك كده :) كورولا استرا سيفيك :)
انا راي المتواضع احب كورولا استر سيفيك سكودا a7 ,, ترتيب سكودا لانها فاليو و ثبات و واسعه وبعد موضوع الفتيس ده اعتقد اعتماديتها تزيد ,, و هاتقي مطلوبه لو فكرت تبيع بعد كده .. استرا تحفه حتي علي الشكل بس صيانه و اعاده بيع تسال عليهم .. كورولا الاكثر شعبيه و زي ما بيقولوا تمنها في شنطتها يعني زي ماتكون حاطط فلوسك في البنك .. سيفيك بقي دي حاجه علي جنب كده .. هيه اه محصلش فيها ثورة في الشكل بس لسه جميله و متميزه و خدمه محترمه

كل الي اتكلمت فيه ده بنتكلم من 195 ل 215 ,, لو عايز تزود شويه هاتروح لحاجات انا معرفهاش :) يعني بيجو 3008 و 508 و باسات ب 245 ,, اعتقد برده تكلفه العربيه المستمره مهمه حسب دخلك

ربنا يوفقك

اعتقد بعد الفلوانس ماتركبش حاجة اقل من الجيتا عشان تحس انك نقلت ده لو كنت عايز تعمل upgrade . لو عايز تعمل update بس يبقى اعتقد ال اسكود1 A7

مش عارف ليه لما ركبت الa7 ما أبهرتنيش بس عامة أنا اتفقت مع الوالد أنا هدفع 230000 و هو هيكمل ل 300000 يعني أعتقد الخيارات بقت أفضل و أكتر ... هل دلوقتي أجيب الa7 هاي لاين ولا 508 أو انسيجنيا أو ds5 أو فولكس سي سي ؟!

ال a7 فئه اقل منهم

انا ارشحلك 508 لو موجوده الشيب القديم او انسيجنيا توب لاين لو عاوز تقفل ال 300,000

اقتباس:

---

المشاركة الأصلية كتبت بواسطة ENG.MaRk

مش عارف ليه لما ركبت الa7 ما أبهرتنيش بس عامة أنا اتفقت مع الوالد أنا هدفع 230000 و هو هيكمل ل 300000 يعني أعتقد الخيارات بقت أفضل و أكتر ... هل دلوقتي أجيب الa7 هاي لاين ولا 508 أو انسيجنيا أو ds5 أو فولكس سي سي ؟!

---

DS5-508-إنسيجنيا او ال cc
هتحس إنك نقلت نقلة تانية و ال a7 فئة اقل من العربيات دي
انا لو مكانك هفكر في ال cc الاول و بعدين الإنسيجنيا

اقتباس:

---

المشاركة الأصلية كتبت بواسطة j a g u a r

ال a7 فئه اقل منهم

انا ارشحلك 508 لو موجوده الشيب القديم او انسيجنيا توب لاين لو عاوز تقفل ال 300,000

---

اشمعني 508 الشكل القديم و هل في فرق بينه و بين الجديد ؟!

لو الموضوع وصل ل 300 يبقى خليها 308 واجيب s60 فولفو ودى حاجة تانية خالص غير كل الى انت كاتبة

اقتباس:

---

المشاركة الأصلية كتبت بواسطة eng.mark

اشمعني 508 الشكل القديم و هل في فرق بينه و بين الجديد ؟!

---

لا مفيش فرق

بس مجرد الشكل افضل للقديم

فكرة الفولفو ديه عجبتني أوي و خصوصا إنها عربية سحب (180 حصان) و أمان و حاجات كتير كدة ملهاش حل بس هل هعرف أصلحها لو باظ فيها حاجة و إيه أسعار قطع غيارها و بتحتاج 95 بس ولا ينفع عادي 92 ؟!

كنت لسه هاقولك مالكش غير التحفه السويديه فولفو اس 60 سياره خارج المنافسه

الفولفو مفيش عليها كلام بس هي كمان فتيسها PowerShift زى الفوكس

مادام هاتزود ل 300 يبقى البيجو 508 الفئه التانيه او التالته شوف اللى تناسبك

بالتوفيق

السيارات الجديدة | أودى | A3 2014 - ContactCars.com

السيارات الجديدة | الفا روميو | جولياتا 2015 - ContactCars.com

السيارات الجديدة | دودج | دارت 2014 - ContactCars.com

أوبل إنسجنيا وبس.. والله أعلم.

ماقلتش استقريت على ايه