عايز رايكم فى التوكيل؟؟؟؟؟؟

**aezzat** · 29-10-2008 07:00 PM

هل التوكيل الجديد - محمد نصير مستوى الخدمة عنده كويس ( خصوصا اسكندرية)

و ايه اخبار اسعار قطع غيار الريو؟؟؟؟؟؟؟؟

**lolly136** · 30-10-2008 04:08 PM

bos m7md nosi ragel shater

wel twkeel momtaz

bas ana m3ndesh 7'lfya 3an eskndria bas akid msh 7yb2a fih e7'telaf

**aezzat** · 30-10-2008 06:57 PM

شكرا لك على اهتمامك

**youssefmustang** · 31-10-2008 02:27 AM

محمد نصير رفع اسم كيا فى مصر وخلاه فى السما شوف معاملت التوكيل مع الاعضاء هنا كمان وانت تعرف قد ايه انه محترم..

**Noha.M** · 31-10-2008 10:48 AM

تعامل محترم جدا حقيقي
الحمد لله لما عملت صيانة ال 5000 كم للسيراتو و كل التعليقات اللى كنت كتباها اخدوها في الاعتبار و اتحلت دة غير الاهتمام بالعربية و نضافتها و يسلموك العربية فعلا زى الفل .
بالنسبة للاسكندرية انا معرفش بس مظنش هيبقي فيه اختلاف لان محمد نصير مركز اوى في رفع اسهم كيا و فعلا لما رحت الصيانة في ابو رواش ما شاء الله التوكيل عامل مجهود حلو مع كل العملاء و مركز مع كل واحد بنفس الاهتمام.

**aezzat** · 31-10-2008 11:19 PM

شكرا على اهتمامك بس اسعار قطع الغيار ايه ومدى توافرها

**lolly136** · 01-11-2008 09:09 AM

ket3 el 3'yar mtwfera 7ata law mwda byb3t ygbhalak mn korea

we t2reban as3ar el rio motkrba gydan mn el cerato

**abouwesam** · 04-11-2008 04:53 PM

أنا عندى تعليق على التوكيل, هم كويسين فى الكلام لكن انا حصل معايا شوية مواقف مش تمام منهم:
1-بعد ما استلمت العربية ابتديت اسمع ددبة فى العفشة, روحت التوكيل استقبال كويس و استلمت العربية بعد ساعتين و المهندس قال "كلة تمام شوية تربيط للعفشة". وانا راجع البيت نفس الصوت, كلمتهم و وجهونى لمركز الصيانة اللى فى القطامية.
2- فى مركز القطامية المهندس قاللى تعالى نطلع نجرب و انت جنبى. مشينا على طريق السخنة (طريق ناعم جدا) و رجعنا و هو بيقول "مفيش حاجةو عادى خالص و الصوت دة هو صوت عفشة الكيا".
3- دخلنا الورشة و قلت لة " لو سمحت قيس ضغط الهواء" قاسة لقى العجلتين اللى قدام 45 و اللى ورا يمين52 . سألتة ازاى الضغط الزيادة دة كلة و تقول مفيش دبدبة و طبعا ما ردش. ودى كانت ول صدمة م التوكيل.
4- أتصلت تانى, وقالوا هات العربية يجربها الخبير الكورى. وديت العربية و قولت "خدوا بالكم من ضغط الهواء فى الأطارات".
5-بعد يومين قالوا العربي سليمة تعالى خدها , ورحت اخدت العربية وسألتهم ضغط الهواء كام الوا 30 زى الكتاب. قست الضغط لقيتة 25 و دى كانت تانى صدمة, الناس دى قللت ضغط الهواء علشان الدبدبة تخف.

الحقيقة فقدت الثقة فيهم خالص و قولت لنفسى "إدا كان هو دة الأداء دلوقت و لسة التوكيل جديد و الدعاية شغالة جامد, امال كمان سنة الوضع حيبقى شكلة أية, و كمان حكاية الضمان 5 سنين (أو 100 ألف كيلو) دى شكلها اشتغاله.

كمان أنا كتبت لكيا فى كوريا, و حتى ما كلفوش نفسهم يردوا عليا.

**Migo123** · 04-11-2008 05:47 PM

ورحت اخدت العربية وسألتهم ضغط الهواء كام الوا 30 زى الكتاب. قست الضغط لقيتة 25 و دى كانت تانى صدمة, الناس دى قللت ضغط الهواء علشان الدبدبة تخف.

المهم انت قست الهوا فين (عن تجربه كل مكان في مقاس مختلف)، وقسته والعجل بارد ولا بعد مشوار ...
نصيحه عشان تنهي المشكله

اظبط العجل عند حد بتاع نيتروجين محترم وزود شويه يعني خليه يضبط على 33 مثلا
اشتري مقاس محترم للعجل .... يفضل ميكونش صيني
تاني يوم الصبح والعربيه لسه في مكانها قيس ضغط الهواء في العجل ونزله للمستوى المكتوب في كاتالوج العربيه
وبكده تكون من قصه مقاس العجل ...... ويظهر لو في حاجه في العفشة فعلا

**abouwesam** · 04-11-2008 07:38 PM

عزيزى Migo123

الحقيقة أن كلامك مضبوط 100% و الدليل انى بعد ما أستلمت العربية رخصت تانى يوم و رحت لمطة بنزين الوطنية و فضيت الكاوتش خالص و حطيت نيتروجين و كان الضغط 35 و تانى يوم الصبح قبل ما أنزل قستة بمقاسى أنا و كان 34 و نزلتة إلى 30 قدام و ورا زى ما هو مكتوب على باب العربية و فى الكتالوج.
المشكلة أنهم فى التوكيل المرة الأولى زودا الضغط و يمكن يكون المقاس بتاعهم مش مضبوط و لما رحت الفع التانى فى القطامية رجعوة تانى الى 30 و المرة التانية علشان يطلعوا من مطب الدبدبة نزلوا الضغط الى 25 . الحقيقة انا فقدت الثقة فيهم تماما و مش لاقى لهم حجة لية بيعملوا كدة.
عموما انا رايح أبو رواش بكرة الصبح لأخر مرة و حنعرف إدا كانوا عملوا دة بحسن نىة و لا سوء نية, و أوعد الجميع ان اشارككم ما حدث معى حتى نستفيد جميعا من تجاربنا.