الموضوع: استفتاء علي مكان المقابلة القادمة

طيب يا جماعة ما تختاروا مكان يكون قريب من طريق اسكندرية الصحراوي عشان الاسكنرانية امثالي يعرفوا ييجوا بسهولة و علي العموم انا لو حكون في القاهرة في الوقت ده حكون ناحية دار المدفعية كده و مش حيبقي فيه مشكله لو حد من الاخوة اخدني او مشيت وراه ووصلت و انا اعرف شارع ذاكر حسين كويس قوي لكن معرفش الربوة فين بالظبط



محمد فهمي

الأخ العزيز / محمد فهمي بما إنك ستكون بالقرب من دار المدفعية أنصحك باستكمال السير في شارع دار المدفعية الذي هو نفسه بداية طريق السويس ، وبعد حوالي 4 كم من دار المدفعية ستجد إشارة إلى الطريق الدائري يمين ، اطلع المطلع 3 كم بالضبط وستجد الربوة على يمينك في اتجاه مدخل مدينة نصر .
أخي OSHY اطلع كوبري أكتوبر حتى نهايته ، ثم ادخل شارع يوسف عباس أو شارع الطيران عند رابعة العدوية إلى نهاية الشارع ، ثم الانحراف يساراً عند موقف الحي السابع عند محل الشبراوي الشهير .. أنت الآن في بداية شارع ذاكر حسين ، وما عليك سوى السير إلى نهايته لتجد الربوة إلى يسارك فوق موقف زهراء مدينة نصر . هذا لو غاوي تمشي في البلد .. أما لو تفضل الطرق السريعة فالربوة تبعد 9كم عن كارفور المعادي في اتجاه طريق الإسماعيلية ، ومن هذا الطريق ستجد نفقين اعبر الأول ، ولف حول الثاني ستجد الربوة يمين الملف . ده لو جاي من الجيزة ، أما لو ساكن قريب من ميدان لبنان ، ممكن تطلع الدائري من الناحية الثانية ستجد أمامك 32 كم طوالي وستجد الربوة بعد نفق مدينة السلام بحوالي 9 كم أعلى نفق التجمع الأول .
تقبلوا خالص مودتي وفي انتظاركم إن شاء الله .

دى صور المكان من جوجل ايرث لو أنا فهمته صح ... لو فى أى خطأ أرجو توضيحه:


المكان كما بالخريطة أمام اكاديمية مبارك للشرطة اللى جاى من الدائرى بعد ما يعبر فوق مدخل طريق السويس و يكمل شوية حيلاقى نفق ما ينزلش فيه لكن يدخل يمين قبله و بعد كدة أول مدخل يمين هو دة المكان. و المدخل موضح فى الصورة المكبرة بالأسفل:

مظبوط المكان صح كده

فعلاً هذا هو المكان تحديداً .. وبتفصيل أكثر للقادم من جهة كارفور المعادي .. ستجد بعد كارفور عشرات اللوحات التي تقول لك مخرج رقم .... مدينة نصر ... مخرج رقم .. وهكذا .. لا تلتفت لأي منها على الإطلاق .. سر في طريقك بدون أي قلق سيقابلك نفق كبير وجميل اعبره ببساطة وباطمئنان تام ، وبعد 4.500 كم سيقابلك نفق هو في الواقع نسخة بالكربون من النفق الأول ، حينما يلوح لك هذا النفق .. لا تعبره ، واعبر من جواره ، لف الصينية فوق هذا النفق ، وبمجرد وصولك لهذه النقطة ستجد الربوة عالية ومميزة ، استكمل لف الصينية في اتجاه مدينة نصر وحضن يمين .. ادخل الباركينج ، ستجدنا في التراس الواقع على اليمين .. وأهلاً بيك يا استاذ خالد عادل . والصينية التي فوق النفق واضحة تماما في صور الأستاذ أحمد جنيدي بارك الله فيه
تقبل خالص مودتي