المسافة بين نادى السكة الحديد بمدينة نصر وكلاً من مدينة الإنتاج الإعلامى ومدينة الشرو

السلام عليكم ورحمة الله
كنت عايز أعرف المسافة بالظبط بالوقت وبالكيلوات بين نادى السكة الحديد فى مدينة نصر وبين مدينة الإنتاج الإعلامى، وإزاى أروح مدينة الإنتاج عن طريق دائرى المعادى، لأن الطريق من تحت شارع الهرم خنقة.

ثانيأ: المسافة بالظبط بالوقت والكيلوات بين نادى السكة الحديد فى مدينة نصر وبين مدينة الشروق، وأسهل طريق للذهاب للشروق.

وأيه نصايحكم بخصوص أكتوبر والشروق، أصل أنا شغلى عند نادى السكة وقدامى شقتين واحدة فى الشروق وواحدة عند مدينة الإنتاج الإعلامى، أيهما أفضل؟؟؟

معلش بس أنا محتاج نصايحكم جدااااا

تروح الشروق من طريق السويس ... من نادى السكه اوتوستراد لاخره و من جنب الكوبرى اللى عند النادى الاهلى تخش يمين طريق السويس و طوالى للشروق
المساقه حوالى ٣٠ كيلو ... الوقت انت و ظروفك حسب زحمة الاوتوستراد و طريق السويس و برضه و انت جاى من الشروق الكمين ممكن يوقف الدنيا تماما

بالنسبه للمسافه بتاعة مدينة الانتاج هتكون مقاربه او اكتر بس اكيد مش اقل و الوقت حسب الدائرى ... لى اصدقاء شغلهم فى القريه الذكيه و ساكنين فى التجمع و بيصوتو من وصلة المريوطيه و الدائرى ....

اقتباس:

---

المشاركة الأصلية كتبت بواسطة mohamed_selim

تروح الشروق من طريق السويس ... من نادى السكه اوتوستراد لاخره و من جنب الكوبرى اللى عند النادى الاهلى تخش يمين طريق السويس و طوالى للشروق
المساقه حوالى ٣٠ كيلو ... الوقت انت و ظروفك حسب زحمة الاوتوستراد و طريق السويس و برضه و انت جاى من الشروق الكمين ممكن يوقف الدنيا تماما

بالنسبه للمسافه بتاعة مدينة الانتاج هتكون مقاربه او اكتر بس اكيد مش اقل و الوقت حسب الدائرى ... لى اصدقاء شغلهم فى القريه الذكيه و ساكنين فى التجمع و بيصوتو من وصلة المريوطيه و الدائرى ....

---

حد برضه قاللى نفس الكلام، إن دى أو دى الاتنين بعيد، واقترح عليا حاجة فى الهضبة الوسطى عند كارفور المعادى، فأيه رأى حضرتك فى المنطقة دى، وأيه أفضل حتة فيها بالظبط، وياترى متوسط سعر المتر هناك بكام

وتحياتى لحضرتك

الهضبه الوسطى اقرب من الاتنين كتير حوالى 10 كيلو من نادى السكه ... مشكلتها الطريق ساعات بيكون واقف بس مفيش طريق فى مصر مبيقفش الصبح و بعد الضهر فممكن تظبط مواعيدك

الاسعار معرفش بس هتكون زى الشروق او اعلى حاجه بسيطه

اقتباس:

---

المشاركة الأصلية كتبت بواسطة mohamed_selim

الهضبه الوسطى اقرب من الاتنين كتير حوالى 10 كيلو من نادى السكه ... مشكلتها الطريق ساعات بيكون واقف بس مفيش طريق فى مصر مبيقفش الصبح و بعد الضهر فممكن تظبط مواعيدك

الاسعار معرفش بس هتكون زى الشروق او اعلى حاجه بسيطه

---

الله ينور عليك يا أستاذ محمد، أنا تقريباً استقريت على الهضبة الوسطى بس محتاج حد يعرف شركة كويسة هناك تكون مضمونة ويكون إتعامل معاها، وكمان محتاج فكرة عن الأسعار والتسهيلات

ومتشكر جدا على نصيحة حضرتك

نصيحتى روح لف و اتفرج هتلاقى حاجات اهالى و برضه عدى الناحيه التانيه فى المعراج اللى حوالين كارفور و انت نازل على زهراء المعادى برضه هتلاقى حاجات كويسه ...
متشتريش فى بيتشو امريكان سيتى و حاول تشترى حاجه قايمه و فيها ناس ساكنه لو هتقدر تكيش