الموضوع: استفسار بخصوص اختيار كيا ريو

المشاركة الأصلية كتبت بواسطة sherif mokhtar

السلام عليكم و رحمة الله و بركاته
ارجو من الاعضاء المحترمين انهم يفيدونى فى السؤال ده ﻷنى على قدى خالص فى العربيات
كنت عايز اعرف انهى احسن جنط ال17 ولا ال15 ﻷنى اكيد حابب ال17 بس الناس بتقولى انت مشاويرك بعيده فبلاش ال17 هيعمل معاك بلالين فى الكاوتش!!! هل ده صح ولا اييه ؟!!! و الحاجه التانيه عندى سؤال بخصوص انتشار الريو الهاتشباك اكتر اوى من السيدان !!! هو فو مشاكل فى السيدان ؟!! ولا فكرة انها 1400 فالناس بتفضل الهاتش باك عن السيدان ؟!!! و انهى على العموم احسن ... سيدان ولا هاتشباك !!؟
وشكرا ليكم

بص ياباشا
جنط ١٧ مفيد جدا ف السفر وبيدي للعربيه اتزان حلو ولكن من الممكن عمل بلالين عند المشي ف داخل البلد يعني المطبات الكتير هيا ال بتعمل بلالين وهتكون العربيه ناشفه شويه ف المطبات
جنط ١٥ هيكون انعم ف المطبات واكيد اتزان العربيه هيقل شويه علي الطرق السريعه
انا كان معايا سيراتو جنط ١٧ بصراحه معملتش بلالين
الريو هاتشباك منتشره اكثر اعتقد عشان شكلها اشيك ( وجهه نظري)
بالتوفيق