عرض للطباعة
معقوله يا جماعه اليوم عيد ثورة يوليو ومفيش ولا واحد كتب او علق عليها .
انا كنت ناوى اكتب موضوع عنها بس الحقيقه استفزنى ان مفيش اى حد جاب لها سيره
كانها خاصه ببوركينا فاسو او جزر القمر .
طيب انا مش هكنب حاجه وهسيب الموضوع للجميع يكتب ويعلق عليها
سواء معها او ضدها او حتى ليه مش عايز تكتب عنها سواء بالسلب او الايجاب.
السلطان
نكتب نقول اية واللى عملته الثورة اتهد بحمد الله بفضل نقط ونقط ونقط ونقط ونقط ماتعدش
الثورة لغت الملكية واحنا عايشين تانى فيها دلوقتى
عاوزنا نقول اية ثورة جديدة
لولاها أنا كان زمانى (أنا وعيلة والدى ووالدتى) لسه برمح فى الغيط فى بلدنا
لا كنت اتعلمت
لاكنت ملكت
لاكنت سكنت مطرح مانا ساكن
لاكنت اتعالجت فى مرضى
لاكنت رطنت بلغات
لاكنت زرت الكثير من بلاد العالم و عرفت ثقافاتهم , فعرفت قمة تراب بلدى
للأسف يا أستاذ خالد تاريخنا فيه لغط كتير لدرجة الواحد مبقاش عارف أى حاجة ولا عارف يحكم على حاجة....
فى علم الغيب إجابة السؤال : ماذا لو كانت مصر تحت حكم أسرة محمد على حتى الآن.. هل كنا سنظل على قوتنا الاقتصادية الزراعية أم كنا سنتطور أم كنا سننهار؟؟؟
وحتى أعرف (ولن أعرف) الحقيقة سأظل لا أحتفل بهذه المناسبة التى لا يصح أصلا أن نسميها ثورة....
اسمها الحقيقى: انقلاب 23 يوليو العسكرى!!!
ايه بقى اللى خلاها ثورة؟؟؟؟
لسه كنت بتناقش مع واحد صاحبي انهارده في الموضوع دا و زي ما دكتور احمد قال ما وصلناش لحاجه اذا كانت الثوره دي كانت صح ولا غلط.
بس الغريب ان دي اول سنه فعلا ما احسش بيها نهائي!!ولا حتي لما سمعت التاريخ او شفته في النتيجه افتكرت حاجه او في حاجه هزتني.....اطلاقا.
ناس زمان كانو بيقولو انهم كانو عايشين ايام الملكيه احسن من انهارده بكتير.
طب في سؤال عاوز اسئله :
انا عارف ان العيله المالكه طبعا كانت عايشه في بذخ لكن هل برضه كان ليهم ممتلكات و مشاريع ؟؟؟؟؟؟
يعني متهيالي مكنش في حاجه باسم الملك ولا باسم اولاده و كانو عايشين بياخدو اللي عاوزينه و خلاص ولا كان ليهم فلوس في سويسرا ولا كان ليهم مشاريع و لا شركاء في مشاريع ولا اي حاجه دا اعتقداي يا ريت لو حد عنده فكره عن الموضوع دا يحكلنا...
كنت عاوز والله اقول نفس الكلام بتاعك ياحازم :? بس اللى عندنا ان السلطان له حساب و دخله بيكون 2% من صافى الانتاج الوطنى او حاجة زى كدة مش فاكر
بس تعتقد انك وجهت الموضوع لقسم المحذوفات :D :lol: :lol: ؟؟؟؟
انا ما قولتش 2% ولا الكلام دا يا ابو حميد انا قولت كلام عادي و طبيعي و بسأل سؤال برئ مالوش اي علاقه باي حد :wink: :wink: :D .اقتباس:
المشاركة الأصلية كتبت بواسطة 911 turbo
انا اعتقد ان الثوره زى اى عمل انسانى له ايجابياته وسلبياته .
المشكله اننا جميعا نحكم بمدى الاستفاده او الضرر الشخصى .
يعنى الى استفاد قال 100% والى اتضرر قال 0%
وده مش حكم منطقى ابدا احنا عايزين ناس متجرده تحكم بمعايير علميه مش باهواء شخصيه.
حازم بيسال الملك كان له حاجه باسمه هوه واولاده ؟
طبعا يا باشا الملك كان يملك ثلث الارض الزراعيه الموجوده فى مصر والاقطاعيون الثلث(الباشاوات) والاجانب الثلث وكان هناك ما يسمى بالخاصه الملكيه التى تعنى بالارض الزراعيه الخاصه بالملك ولست فى حاجه للقول بانها كانت اجود الاراضى المصريه .
اما عن الغالبيه العظمى من الشعب فكانت مجرد فلاحين فى هذه الاراضى يعملون باكلهم وشربهم على الاكثر حتى انه كان هناك مشروع فى اوائل الخمسينات كان هدفه القضاء على الحفاء (حيث كان معظم الشعب يمشى وهو حافى القدمين) .
كان الملك وحاشيته وبشواته لهم الاولويه فى البلد ثم الاجانب ثم بعض المتعلمين المصريين.
اما عن غالبية الشعب فكان يعمل فى السخره سواء الزراعيه او الصناعيه .
السلطان
احنا عوزين نتكلم عن ثورة 23 أغسطس :!: :!: :!: :!: :!: :!:
اكيد تقصد الثوره الى نويين يعملوها فى المنتدى لتطويره وتحديثه .اقتباس:
المشاركة الأصلية كتبت بواسطة Hossam Hassan
شوف مع ان الجميع مجمع على اهمية الموضوع لنا جميعا . بس برده هنختلف عليه
الى هيقول نجمع الفلوس ازاى وازاى نوزع الاستيكر والى يقول ندفع 10 لا 20 لا 100
وهيه دى مشكلتنا يبقه عندنا هدف جميل ومفيد ونقعد نختلف على كلام فاضى يتوه مننا الهدف
وحصل من ده كتير فى ثورة يوليو بس بطرق مختلفه لحد مغرقنا كلنا.
ارجو من الله الا تكون نهاية ثورة المنتدى مثل نهاية ثورة يوليو
الاسرائليين لهم جمله جميله وموجزه فى الموضوع ده ( الشياطين توجد فى التفاصيل )
السلطان
فعلا كلامك مظبوط عشان كدة خدنا قرار برقم واحد ثابت قبال للتعلية بمضاعفاتةاقتباس:
المشاركة الأصلية كتبت بواسطة خالدابوالنجا
25
50
75
عشان نقدر نعرف لمينا كام بسهولة
اما عن جملة الاسرائلين دي اكبر تصديق منهم لكلام القرءان لما سيدنا موسي قالهم ان الله يامركم ان تذبحوا بقرة
(دخلو في تفاصيل غريبة الشكل)
كده تمام . والله الموفق ان شاء الله.
السلطان
الأخ أحمد
هى ثورة و ليست انقلاب ( even by definition )
طبعا رأيك هو حقك ، لكن عندما نتحدث عن تاربخ ، فالأمر يختلف
الانقلاب العسكرى هو قيام مجموعة من الجيش سرا بتنظيم أنفسهم للاستيلاء على الحكم وعزل الحاكم...اقتباس:
المشاركة الأصلية كتبت بواسطة Hazem Salah
الثورة هى استجابة شعبية لنداء أو موقف تحرك معه الجميع تحت قيادات شعبية وتتصادم غالبا مع قوات الحكومة جيشا وشرطة...
يبقى 23يوليو كانت ثورة بأمارة إيه؟؟؟
والتاريخ لو فيه ضحك على الدقون يبقى مفروض اننا نستخدم عقولنا أحيانا!
وسؤال أخير : هل يعيبها أن تكون انقلابا ولا تكون ثورة ؟؟؟
اقتباس:
المشاركة الأصلية كتبت بواسطة خالدابوالنجا
بصراحة أنا مكنتش أقصد كده بس كويس انها جت كده، الواحد مش ناقص مشاكل :wink: :wink: :wink:
بصراحة احب ارجع للموضوع الجدي الاساسي قبل ما العملية تقلب هزار او خلاف على المعنى اللغوي (ثورة او انقلاب)!
اما عن الثورة فهي بلا شك طفرة وتغيير عظيم في تاريخ مصر ويكفي ان قام بها مجموعة من "الشرفاء" الذين كان شغلهم الشاغل تحرير مصر وتحرير الغلابة من الظلم والاستعباد.
يا جماعة الظباط الاحرار كانوا فئة متعلمة فقيرة مستنيرة قراوا في تاريخ الامم واللي بيحصل حولنا واخدوا منة الصالح لتحرير البلد!
بصوا للسد العالي وبناءة والكفاح اللي وراه اللي ممزوج بالحب! وقارنوا بكيفية حفر قناة السويس في عهد امللك!
بصوا لتاميم قناة السويس واللي عاد علينا منها من تعزيز موقعنا الاستراتيجي وحصولنا على اموال مستحقة!
بصوا للمصانع ونظام المعاشات وتوزع الاراضي الزراعية على الفلاحين!
بصوا لهيبة مصر بين العالم وبين العرب بعد الثورة وكام ثورة قامت بعدها مستمدة كيانها وروحها من ثورة يوليو!
اذا اردنا ان نتكلم عن الثورة فرجاء ان لا نغفلها حقها ونظلمها بما فعل السفهاء بعدها!
يا سادة لولا هذة الثورة المنظمة المستنيرة لكنا مملكة متناحرة مثل كثير من دول الخليج وليس كلهم او لكنا اقاليم متنازعة مثل السودان او لكنا نعاني من المجاعات والفقر مثل كثير من دول افريقيا او ما كان بيننا شيء يسمى الطبقة المتوسطة اللي زي وزيكم!
معلش طولت عليكم ولكن الساكت عن الحق شيطان اخرس.
وشكرا للاخ الذي طرح الموضوع للمناقشة !
ملحوظة
في راي الشخصي هي "ثورة" في شكل انقلاب عسكري لان الثورة ممكن يقوم بيها الشعب ضد الجيش والحكومة! يعني ثورة بس مش صح مية في المية و كلمة انقلاب مش صح مية في المية بس لو انا حاختار يبقى حقول "ثورة" زي كل الناس ووسائل الاعلام بتقول!
goodwave
مكنتش عايز اعلق على الموضوع ده لحسن ألاقى ميت واحد طالعين يقولولى امسك حراااااااااامى بيتكلم فى السياسة اهو
لكن فى جملة واحدة: قامت انقلاب "ثورة" 23 يوليو فى عام 1952 بمبادرة من الجيش لإصلاح بعض الأحوال الفاسدة. فى مصر.......
وماتت ثورة 23 يوليو فى عام 1954حين اطاح مرتزقة الثورة باللواء محمد نجيب الذى تمسك بأهداف الثورة المعلنة، ليعود الفساد اسوأ مما كان
الثورة التى يجب ان نحتفل بها فعلا هى ثورة 1919 فهذة الثورة هى الثورة الوحيدة فى التاريخ الحديث التى نبعت من قلب الشعب المصرى وحمل لواءها كل مواطن فى مصر وتمخضت عن ميلاد مصر الحديثة فى اوائل القرن العشرين، مصر الإقتصاد(طلعت حرب-عبود) والعلم(مصطفى مشرفة-حسن فتحى) والثقافة (العقاد-محفو-طه حسين-يوسف وهبى وآلاف آخرين) التى كانت محط الانظار فى النصف الأول من القرن الماضى والتى لا نزال نعيش على ذكراها هى مولود شرعى لثورة 19 التى لا نذكرها إللا للتندر والتنكيت على بعض العبارات المأثورة عنها
وسبحان من له الدوام
يابو حميد
دى بتتدرس فى كلية سياسة و اقتصاد على انها ثورة
دى بتتدرس فى west point حتى ، على انها ثورة
و لا أقول اننا نغلق عقولنا و نستسلم للمسلمات ، و لكن هناك الكثير من المواضيع المترتبة على
المسلمات تقبل الرأى، لكن الثوابت أشك انه من المستحب التمطع فيها.
أنا لم أكن ولدت طبعا ، بس بحسبة بسيطة ارى ان كل المصريين باركوا و استفادوا من الثورة،
طبعا ممكن نستسنى اسر البدراوى عاشور و الأباظية و طلعت حرب و أبورجيلة و سراج الدين و
غيرها من قلة محدودة ، ممكن يكون ليهم تعليقك
و بعدين وقتها مين كان ممكن يعترض غير الجيش ( اللى كان مسموح لأبناء الشعب و فى نطاق
ضيق ) بدخوله..
و بعدين لولا مجانية التعليم ، كان فيه ناس كتير ( باستثناء القلة المتميزة) لن يتاح له دخول
الجامعة ( ده باعتراف وزراء و علماء كتير متعلمين بجد ).
و عموما هذا رأيك و أنا أحترمه
بصوا للمصانع ونظام المعاشات وتوزع الاراضي الزراعية على الفلاحين!
بصوا لهيبة مصر بين العالم وبين العرب بعد الثورة وكام ثورة قامت بعدها مستمدة كيانها وروحها من ثورة يوليو!
النقطه الاولى : حتى فى بلاد اوروبا مفيش النظام العجيب بتاع الاراضى ده تلاقى كل مستثمر عنده 5000 فدان و عنا تسمى زراعة و استثمار من 300 فدان الصح انهم كانوا يخلو الاراضى عند الاقطاعيين دول و ياخدوا منهم تكاليف اصتصلاح الفلاحين لاراضى زراعية جديده مش انك تاخد دة من ده و كده كانت مساحة الزراعة حتكبر بس فيين
2: كان فى شار بحرينى زماااان بيقول لخطيبته وجهك ولا الجنيه المصرى :D والله العظيم
و اى كرامه للمصرين اللى فى الخارج دة المصريين عشان يدخلوا اى دوله فى العالم مستحييييييل الا بطلووع الروح و اذا حصلك مشكله فالسفارة اول ناس تخلع ايدها عنك و تلاقى الفلبين عشان شغاله قالبه الدنيا :cry:
الخلاصة
ثورة 23 يوليو ألهمت شعوب العالم الثالث نحو أمرين
الأول : التحرر من الاستعمار
الثاني : الديكتاتورية وتعميق نظام حكم الفرد
وبصوا على كل الدول التي اتبعت منهج 23 يوليو الثوري ستجدوا ما أقوله متحققاً .. يمكن احنا ونحن نسعى للتخلي عن إرث الثورة مشينا بالعكس تماماً إيجاباً وسلباً .
حاولنا التحول نحو الديمقراطية والتعددية ، وفي الوقت ذاته تخلينا عن رصيدنا ومجالات نفوذنا في السياسة والثقافة والاقتصاد .
لكن ما يهمني في تجربة 23 يوليو والتجربة الناصرية عموماً قدرتها الرائعة على بناء الكوادر الشابة بغض النظر عن الهدف أو الأيديولوجيا ، والدليل أن منظمة الشباب والتنظيم الطليعي لا زال المنتمين إليها يتبوؤن مناصب القيادة في جميع التنظيمات السياسية في مصر منذ 40 سنة ، حتى في حركة الإخوان المسلمين إضافة لجميع الأحزاب والحركات السياسية المصرية .
تقبلوا خالص مودتي
الثورة فعلاً أكيد ليها ايجابيات و سلبيات و مينفعش أى حد عاقل أو منصف يقول انها 100% ايجابيات أو 100% سلبيات ... لكن اللى عايز أقوله هو ان الثورة خلاص ماتت أو فى أفضل الأحوال بتودع ... الثورة لغت الاقطاع و النهاردة الاقطاع بيرجع تانى و بخطى سريعة ... الثورة لغت الامتيازات الأجنبية ... و النهاردة الأجانب بيعتبروا أفراد من الدرجة الأولى فى البلد و المصريين درجة تالتة ... الثورة عملت مجانية التعليم للجميع و النهاردة نبقى بنضحك على نفسنا لو قلنا ان التعليم مجانى ... الثورة لغت القطاع الخاص و عملت القطاع العام ... النهاردة القطاع العام اتلغى و القطاع الخاص بقى متحكم فى كل حاجة ... الثورة لغت البنوك الأجنبية و النهاردة معدش فى غير بنك مصر و الأهلى و الباقى كله بنوك أجنبية ... الثورة لغت الملكية ... و الله أعلم الأيام الجاية مخبيلنا ايه فى الموضوع دة ... حد يقدر يقوللى ايه اللى فاضل من الثورة؟؟
الثورة كانت بداية صحيحة للتغيير من اللواء محمد نجيب القائد الحقيقي وبداية الخطا هو تولي عبد الناصر الحكم لكن لا أستطيع أن أنكر الأثر الكبير الذي خلفه عبد الناصر في الأقتصاد ( السد العالي - قناة السويس - مصانع الغزل و النسيج - مصانع الحديد و الصلب - و شركة النصر ) وفي الزراعة ( زيادة الإنتاج -توزيع الأراضي الزراعية على الفلاحين ) و في الحربية و رفع مكانة مصر عاليا كما أن الثورة كانت بداية رفض الأستعمار و كان لعبدالناصر كما يشه التاريخ دور كبير في تحرير الجزائر مثلا لمن معالم الثورة و مبادئها أختفت نهائيا في العصر الحالي مثلا مصر تستورد ثلث حاجتها من القمح !!!!!
الحاجة الوحيدة اللى هوافقك عليها هى السد العالى، وهو يكاد يكون الأنجاز الوحيد المحترم لعهد عبد الناصر ، مثلما نشهد لعهد السادات بإعادة الأرض المسلوبة وللعهد الحالى بإعادة بناء البنية التحية لمصر وتوفير الطعام للمصرييناقتباس:
المشاركة الأصلية كتبت بواسطة محمدايهاب
اما باقى الحاجات اللى انت قلتها فتعال نناقشها واحدة واحدة:
1- قناه السويس : كان عقدها سينتهى من تلقاء نفسه بعد سنوات قليلة من التأميم وكانت ذريعة مصر وقتها للتأميم ستكون اقوى وسيقف العالم كله بجانبها، لكن تهور عبد الناصر ادى الى ظهورنا بمظهر اللصوص وجرنا الى ويلات حرب ضد ثلاثة دول قوية عسكريا فى 1956كدن ننسحق تحتها لولا تدخل امريكا-التى كانت تطمع فى مصر كحليف آنذاك-لأيقاف هذة الحرب وكان من نتيجة هذة الحرب ان فقدنا ميناء إيلات الذى كان تحت الإدارة المصرية للأبد (تخيل لو كان ميناء إيلات بين ايدينا حتى الآن، لكان الوطن العربى بالكامل متصل بريا ولما كان لاإسرائيل اى منفذ على البحر الأحمر ولما تبجحت بين الحين والآخر ببناء قناه موازية لقناه السويس)
2-مصانع الغزل والنسيج: احب اصحح معلوماتك فى هذا الصدد فعبد الناصر لم يكن له اى فضل فى إنشاء اى مصنع غزل او نسيج فكلها كانت مجهودات طلعت حرب(شركه مصر للغزل والنسيج وشكرة مصر لحلج الأقطان) وعبود باشا (كفر الدوروا للحرير الصناعى وشركات الصباغة) وكلها موجودة من قبل عهد الثورة المجيدة
3- مصنع الحديد والصلب: حلفة من حلقات نصب الروس علينا حيث ان هذا المصنع كان من المفترض له ان ينتج صلب كربونى فى المرحلة الأولى ثم يتم تطويره الى مرحلة الصلب السبائكى(الصلب عالى الشد والصلب الغير قابل للصدأ "ستينليس ستيل" ولكن ثبت مع الوقت ان هذا المصنع لا يصلح لإنتاج الصلب السبائكى لأن جودة الخامة المنتجة منه اقل من المواصفات المطلوبة لإناتج الصلب السبائكى، وكان هذا بعلم الروس وامثاله كثيرة من المصانع التى استوردناها من الروس الذين اتخذهم عبد الناصر حلفاء لأان فكرهم الشمولى يناسب نظريته الديكتاتورية برغم اعلانه طوال الوقت انه من بتوع عدم الإنحياز
4-زيادة الإنتاج الزراعى فى عهد عبد الناصر: اكبر نكتة سمعتها فى حياتى، ما اعرفه ان مصر قبل عهد عبد الناصر كان فيها فقراء لكن لم يكن فيها جوعى، بعد عهد عبد الناصر كان مواطنى الطبقة المتوسطة وفئة الموظفين يقفون فى الطوابير بالساعات للحصول على دجاجة او رغيف عيش اسود ملئ بالمسامير، ويمكن لصغار السن من القراء سؤال ابائهم عن تلك الحقبة المظلمة
5-توزيع الاراضى على الفلاحين: اكبر قرار خاطئ فى تاريخ الزراعة فى مصر، حيث قضى تماما على ريادة مصر فى زراعة القطن عالميا ، لأنها زراعة لا تنجح سوى فى ظل المساحات الواسعة والاستثمارات الضخمة، وهو ما توصل له المصريون خلال 150 سنة من التجاربمنذ ان ادخل محمد على القطن الى مصر، هناك قاعدة شهيرة فى إدارة شئون الحياه تقولnever touch a woring machine اى لا تعبث بماكينة تؤدى وظيفتها، لكن عبث عبد الناصر بآلية الرزاعة فى مصر اطاح بمصر نهائيا من سوق القطن العالمى وجوع المصريين
6-مكانة مصر الحربية فى عهد عبد الناصر: مش عارف اقول إيه، متهيالى ان دى بالذات مش محتاجة رد، فقد اسفرت مجهودات مصر الحربية فى عهد الشاب عبد الناصر الذى فوجئ وعمره 36 سنة بأنه اصبح رئيس دولة فراح يبعثر ثروتها هنا وهناك على احلام زعامته، اسفرت عن ضياع إيلات بسبب قرار تأميمم القناه الذى اختار له وقت خاطئ، وضياع كل مخزون مصر من الذهب فى حرب اليمن التى لم يكن لنا فيها ناقة ولا جمل، وضياع سيناء التى راحت بدون حرب نظرا لانها تم غزوها بجيش منظم فى مقابل جيش انشغل قادته فى نهب ثروات القصور ومواعدة الممثلات، مات عبد الناصر وقد ضاعت من مصر إيلات وسيناء وكل ذهبها، وحتى بعد ان افنى السادات آخر عشرة سنوات من عمره لإعادة سيناء فقد راحت من مصر فى خلال حرب الستة سنوات غزة التى كانت تحت الإدارة المصرية للأبد، فأين هى تلك المكانة الحربية التى تتحدث عنها
7- ثورة الجزائر: من الذى اعطى لعبد الناصر الصلاحية لانفاق ثروة مصر على مرتزقة اليمن وثوار الجزائر وتجويع الشعب المصرى، سؤال يبقى بلا جواب
8- مصر تستورد ثلث حاجتها من القمح: وذلك تقدم كبير جدا حيث اننا نتيجة لمغامرات عبد الناصر وافلاسنا الزراعى كنا نستورد 80% من حاجتنا من القمح حتى وقت قريب
وعلى ذلك ترى انه فى مقابل السد العالى دفعنا الكثير والكثير والكثير ارضاء لأحلام الزعامة للفتى الشاب ابن الستة وثلاثون عاما الذى تمكن قبل وفاته فى سن الثانية والخمسين ان يقضى على مستقبل وثروة وكرامة شعب باكمله
قال عبد الناصر: " من لا يملك طعامه لا يملك حريته"
ومات عبد الناصر وقد فقدت مصر طعامها وحريه الكثير من ارضها
وفى هذا ملخص الكلام
برافو سبعاوي
أوافقك الرأي تماماً فيما قلت
فم نجني من وراء عبد الناصر سوى الزعامة الكاذبة
و بالشفى للجميع
100% صح كلامك يا سبعاوى
برافو يا سبعاوى .. فى سطور قليلة فندت بأسلوب "السهل الممتنع" كل غسيل المخ اللى بيتعملنا فى مادة التاريخ و ليل نهار فى الجرايد و التليفزيون
الف شكر يا باشمهندس علي التوضيح دا و انا معاك.
احب اضيف حاجه واحده بس يمكن ما تكونش ليها علاقه بالموضوع:
ان الحاكم الفعلي ايام عبد الناصر هو صلاح نصر رئيس المخابرات علي ما اعتقد و كان بكلمه منه بيقعد جمال عبد الناصر في البيت مجرد ما يقوله ما تنزلش انهارده في مخطط لاغتيالك!!
و طبعا ناس كتير عارفه صلاح نصر و مدي جبروته و قوته و اللي كان بيعمله مع شباب الجامعه و الممثلات
اتفرجو علي فيلم الكرنك كان كمال الشناوي قايم بدوره.
اتفرجوا علي فيلم حافيه علي جسر من ذهب كان عادل ادهم قايم بدوره.
و عادل ادهم هر في شخصيه صلاح نصر في عده افلام اخري لا تسعفني الذاكره حاليا لذكرها...
اقتباس:
قال عبد الناصر: " من لا يملك طعامه لا يملك حريته"
ومات عبد الناصر وقد فقدت مصر طعامها وحريه الكثير من ارضها
وفى هذا ملخص الكلام
بصراحة قلت اكتر من اللى كنت عايز اقوله و بشكل افضل من اللى كنت هاقوله :idea:
و زى ما بيقول اصبت كبد الحقيقة بكلامك، نفسى نقدر نقرا حقيقة تاريخنا بدل من الاكاذيب اللى عايشين فيها دى و اللى كتير بقى بيصدقها و يرفض يصدق اللى حصل و يفضل يعيش كذبة على انه يواجه اللى حقيقة اللى بتبقى مرة :!: ، خاصة فى شخص زى عبد الناصر اللى عملوا حزب على اسمه شكلهم عاوزين يكملوا على البلد :cry:
عبد الناصر !!!!!!!!!
كم اسرة فقدت ابن من ابنائها في عهده في حروب لا قيمه لها - زنبهم في رقبه مين؟؟؟
حد يعرف يقوللي الجنود اللي حاربوا في اليمن و قتلوا شهداء و لا لأ
حد يعرف يقوللي الجنود اللي حاربوا في اليمن و عادوا هل هم قتلة ام مجاهدين
حد يعرف يقوللي ليه اي رجل كان بيخاف يتكلم في السياسة حتي في بيته
مصر كانت دولة زراعية قبل الثورة
حد يعرف يقوللي احنادولة نوعها ايه بعد عبد الناصر
و كان اقتصادنا قوي جدا بالمقارنة لما بعد الثورة و حتي الان (الجنيه الدهب كان بحوالي 95 قرش)
علي فكرة و مش دفاع او تحبيذ للملكية لكن قبل الثورة كنا اكبر دولة في المنطقة علي الاطلاق و لم و لن يكون هذا فضل للثورة و الدليل مساعداتنا لليبيا ضد الاحتلال الايطالي و حرب 1948 حيث كانت الريادة لمصر مع مراعاه فساد الجيش في حينه
23 يوليو هو ذكري الانقلاب العسكري في مصر او ممكن نقول ............... ثورة العسكر
أكرمك اللهاقتباس:
المشاركة الأصلية كتبت بواسطة محمدايهاب
فعلا هذا ماكنت سأقوله
لكن يمكن ربنا لم يرد لنجيب أن يحكم البلد يمكن أهل البلد أغضبوا ربنا فأمر عليهم واحد زي عبدالناصر
(وإذا أردنا أن نهلك قرية أمرنا مترفيها ففسقوا فيها فحق عليها القول فدمرناها تدميرا)
(ان الله لا يغير ما بقوم حتي يغيروا ما بأنفسهم)
الشعوب تستحق حكامها
أنا فعلا أشكرك يا سبعاووي صحيح إني مش عبد الناصر و أنا بكره جدا بس كلامك فعلا صح و شكرا
بس حكاية توزيع الأراضي على الفلاحين ممكن يكون أنه ضيع زراعة القطن في مصر بس أكيد أفاد الكثير من الأسر المصرية أكثر ما أضر
ثورة الجزائر و المساعدة على توحيد شطري اليمن أضاع الكثير من أموال مصر في زمن هي في أشد الحاجة إليه نعم صحيح لكن ده معناه أن لا نساعد فلسطين و لا العراق و لا السودان ولا أفربقبا فلا نبعث مساعدات إلى غزة و لا ندرب كوادر الأمن الفلسطينية و لا نقدم تسهيلات في الجامعات للفلسطينين و لا نقدم طائرات المساعدة إلى ايران في زلزال بام أو تركيا ولا نقدم المساعدات الطبية إلى أهل العراق ولا نأوي نسبة معينة من شعب أفربقبا في البلاد المطهدة ولا نقدم مساعدات غذائية إلى أثيوبيا ولا ..............و بالتالي موقف الأمارات مثلا من تقديم مساعدات إلى مصر في مشروع قناة الشسخ زايد في توشكا أو مدينة الشيخ زايد في القاهرة و الأسماعيلية خطأ
نعم مصر فقدت الكثير من الأموال في الجزائر و اليمن و سوريا نعم قرار عبدالناصر بالتدخل العسكري في اليمن كان قرار خاطئ نعم الشعب اليمني يكره عبدالناصر و لا يعترف بمواقفه نعم سوريا ترى أن مصر خذلتها في حرب أكنوبر لكن ذلك لا يمنع بأي حال من الأحوال أن تستمر مصر بدعم سوريا ودعم اليمن
أنا معاك ياسبعاووي في كل النقط الأخرى و شكرا ليك على المعلومات خاصة قصة مصنع الحديد و الصلب و الإنتاج الزراعي في عهد عبد الناصر
نساعدهم اه لما يبقي معانا اللي يكفينا و زياده مش نبقي في مرحله بناء و محتاجين مساعده و نروح نساعد غيرنا في سبيل ان جمال عبد الناصر يبقي زعيم الامه!!!!اقتباس:
أشكرك يا سبعاووي صحيح إني مش عبد الناصر و أنا بكره جدا بس كلامك فعلا صح و شكرا
بس حكاية توزيع الأراضي على الفلاحين ممكن يكون أنه ضيع زراعة القطن في مصر بس أكيد أفاد الكثير من الأسر المصرية أكثر ما أضر
ثورة الجزائر و المساعدة على توحيد شطري اليمن أضاع الكثير من أموال مصر في زمن هي في أشد الحاجة إليه نعم صحيح لكن ده معناه أن لا نساعد فلسطين و لا العراق و لا السودان ولا أفربقبا فلا نبعث مساعدات إلى غزة و لا ندرب كوادر الأمن الفلسطينية و لا نقدم تسهيلات في الجامعات للفلسطينين و لا نقدم طائرات المساعدة إلى ايران في زلزال بام أو تركيا ولا نقدم المساعدات الطبية إلى أهل العراق ولا نأوي نسبة معينة من شعب أفربقبا في البلاد المطهدة ولا نقدم مساعدات غذائية إلى أثيوبيا ولا ..............و بالتالي موقف الأمارات مثلا من تقديم مساعدات إلى مصر في مشروع قناة الشسخ زايد في توشكا أو مدينة الشيخ زايد في القاهرة و الأسماعيلية خطأ
نعم مصر فقدت الكثير من الأموال في الجزائر و اليمن و سوريا نعم قرار عبدالناصر بالتدخل العسكري في اليمن كان قرار خاطئ نعم الشعب اليمني يكره عبدالناصر و لا يعترف بمواقفه نعم سوريا ترى أن مصر خذلتها في حرب أكنوبر لكن ذلك لا يمنع بأي حال من الأحوال أن تستمر مصر بدعم سوريا ودعم اليمن
أنا معاك ياسبعاووي في كل النقط الأخرى و شكرا ليك على المعلومات خاصة قصة مصنع الحديد و الصلب و الإنتاج الزراعي في عهد عبد الناصر
أستاذ حازم نساعدهم ( هم دول معناها الأمة العربية و الإسلامية ) ايوة نساعدهم على التحرر حتى لو مش معانا إلي يكفينا ممكن يكون ده فكري إلي أخذته من عيشتي في الإمارات بس أنا مقتنع بي
يا اخ محمد انا برضه عيشت في الامارات فتره و البلد دي لو ماكنش معاها اللي يكفيها و يكفي اربع دول كمان ما كنتش ساعدت حد.
انا ما قولتش ما نساعدش لكن بقول ان كل حاجه بالعقل مش معقول نضيع جيشنا و ثرواتنا و احنا في مرحله بناء...
مين من الدول دي كان ساعدنا علشان نستقل و مين منهم كان ساعدنا انهارده فاكر اللي عملناه معاهم .؟؟؟؟
انا رأيى برضه اننا ازاى نساعد دول و ندخل حروب و احنا أصلآ محتاجين اللى يساعدنا
و محتاجين اللى يحارب معانا
إلا لو كنت مستريحين و مفيش مشاكل فى البلد و الفلوس ( بالهبل ) فبكده نقدر نساعد ناس تانيه
مش جدعنه و خلاص
و باقى الدول العربيه ماكنتش بتساعدنا ليه لما كنا محتاجين مساعده
و بالنسبه لتأميم قناه السويس ماقدرش افتى و اقول ده كوس ولا لأ
يمكن ماكنوش سلموهالنا بعد ماتعدى الكام سنه الباقيين فى العقد او سلموهالنا بايظه مثلآ
بس لو كانت رسوم قناه السويس بالجنيه المصرى كانت هتفرق
و يكون الجنيه المصرى سعره اعلى من الدينار الكويتى
الايام دي الاحتفال بالثوره أصبح شئ صوري :cry:
http://www5.0zz0.com/2007/07/28/01/41918750.jpg
___________________
محمد عبدالله
لما كل الدول العربية قاطعت مصر عمان الدوله الوحيده العربية لم تقاطعهااقتباس:
المشاركة الأصلية كتبت بواسطة hazem_khidr
لما برضة نفس الحركه حصلت مع العراق عمان كانت الدوله العربية الوحيدة اللتى لم تقاطع العراق مع ان عمان متعتبرش غنية ابداا زى السعودية او الامارات بس مواقفها بتعجبنى :D