السلام عليكم
ازيكو يا رجاله عاملين ايه
انا عندى مشكله جديدة وهى ان بحس ان الماتور صوتو بقى يعلى اسرع يعنى كنت الاول الار بى ام بيبقى على 3 عادى ولغايه 3 ونص بعدها الصوت يعلى دلوقتى بقى قبل التلاته بشويه بحس الصوت اعلى وبحس السحب قل شويه
الكلام دا كلو ممكن يبقى احساس خاطىء لانى مش من الناس اللى بتحس بالعربيه اوى ومش بفهم فى العربيه
المهم انا فى حجات حصلت بعتقد ان ممكن حاجه منهم تكون السبب
فى خلال الشهر اللى فات حوالى 3 مرات لمبه البنزين تنور وافضل ماشى بالعربيه لغايه قبل ما تفصل وامون
تانى حاجه حوالى مرتين العربيه تحك فى مطبات وانا محمل
ثالث حاجه من يومين بفتح الكبوت كان بقالى شهر مبصتش على الميه والزيت ففوجئت ان الميه قليله اوى
فهل فى اى حاجه من اللى قولتها ممكن تؤدى للى انا حاسس بيه ولا دة بيتهيئلى
علما انى العربيه فيكترا 1997 الماتور الاسود 1600 سى سى
وحاطط مياه خضرا. وبمون 92
انا شكيت فى البنزين لانى مرة مونت من وطنيه فقولت ممكن يكون العيب منها فممونت من توتال اللى بمون منها على طول ولسه نفس الاحساس
واعتقد انى بشك فى ان ريحه العادم وحشه بس اللون طبيعى وبحط ايدى على الشكمان مبتهببش
اسف للاطاله