عرض للطباعة
عندى مؤشر البنزين بيدى قراءه خطاء لدرجه انو يشكك فى نفسك و انت سايق خصوصا فى السفر و تحس ان خلاص معكش بنزين و المؤشر عند الاحمر و لما افول الاقى 20 لتر و المؤشر يروح نحيت الفول عيب موتعب نصحونى اغير الطرومبه بس الطرمبه سليمه و شغاله عادى اعمل ايه مش عارف
ممكن تكون العوامه
روح لكهربائي وخليه ينظفلك فيشه العوامه
ممكن تكون عامله شابون وبتهيس
فعلا هى العوامه بس العوامه مبتتغيرش الطرمبه كلها ببتغير بس الفيشه دىممكن اجرب بس ياترى حد جربها قبل كده و شكراا على الرد ربنا يحفظكم يارب
أستاذ محمد ..اقتباس:
المشاركة الأصلية كتبت بواسطة mohamedmody
أنا بعد ما اشتريت عربيتى الأوبترا إكتشفت إن فيها نفس العيب اللى بتتكلم عنه بالظبط
أول حاجة الكهربائى نضفلى الطرمبة وبالذات المكان اللى بتلمسه العوامة بالريشة النحاس اللى فيه القراية .. لقيت العربية ظبطت والمؤشر بقى بيقرا تمام ... يومين ورجع العيب تانى .. رحت مركز صيانة لشيفروليه فى الخلفاوى بشبرا جنب مطعم 3 ستارز .. قاللى العيب فى العوامة .. غيرتها (وعلى فكرة العوامة بتتغير عادى كاملة بالفيشة ، مش زى ما انت فاكر إنها مابتتغيرش) ، وتمنها فى المركز 175ج غير المصنعية .. المؤشر ظبط وبقى يقرا صح .. يومين ورجع العيب تانى بس أقل كتير .. ويكاد يكون مابيجيش إلا لما بدور العربية علطول ، لكن لما بدور المفتاح فى إتجاه الفتح بدون دوارة العربية وأستنى 5 ثوانى قبل الدوارة لحد ما صوت الطرمبة يروح ولمبة الهولد تطفى من التابلوه بلاقى المؤشر يقرا صح علطول .. وحتى لما بنسى وأدور علطول من غير ما أستنى بيقعد المؤشر يرفع ببطئ لحد ما يوصل للقراية الصح لكن مابقاش يثبت تحت زى الأول .. والحقيقة أنا مش متأكد إذا كنت أنا شخصيا حليت بكدة مشكلتى اللى هى نفس مشكلتك ولا لأ!! .. لكن على الأقل أنا ممكن أقول إنها اتحلت بنسبة 90% ، ولو حضرتك عرفت حاجة جديدة يا ريت تبقى تقولنا ... تقبل تحياتى
فعلا هى نفس المشكله كويس ان حضرتك قولت ان فى عوامه للاوبترا لان الكهربائى قالى ان العوامه للنوبيرا لكن الاوبترا ملهاش كده انزل ادور عليها عندى فى اسكندريه و اغيرهااقتباس:
المشاركة الأصلية كتبت بواسطة braveheart_13
شكرااا جزيلا لاهتمامك و الرد يا باشا