عرض للطباعة
انا جديد فى المنتدى و بصراحة ده احلى منتدى شفته بجد عن السيارات
انا كان ليا سؤال للى معاهم عربيات شاهين
ايه الحجات اللى ممكن تزود من كفاءة الماتور من غير ما تضره مع العلم ان الشاهين كلبيراتير ففلتر الهوا على حد علمى ملوش فايدة"زى عدمه"
فممكن يا احلى منتدى تقولولى ازاى اظبط ماتور العربية ...............
ايه يا جماعة
يعنى محدش رد
هقولك حاجة ليها علاقة بالحرارة مش بالأداء ، كان معايا شاهين 96 ال 1300 ، وكان دايماً عندى مشكلة حرارة عشان الرادياتير مكانش تمام ، المهم الكهربائى جاب مروحة صعيرة وثبتها على طلمبة المياة ، طلمبة المياة دى اللى مسئولة عن دورة التبريد بيبقا آخرها زى أكس أو مسمار بيلف معاها ، فركب المروحة عليه فبقت تلف مع الطلمبة يعنى طول ما العربية دايرة ، ومن وقتها إنتهت مشكلة الحرارة للأبد ، لاحظ إن الطلمبة جواها مياة سخنة فمكان المروحة فى الحتة دى هايل ، والمروحة دى مش بسير ولا موتور كهربا ولا ترموستات ، شغالة على طول مع العربية فبتبرد طول الوقت ومش بتكلفك حاجة
ممكن البوجيهات ال3 شمعه وعلى ما اعتقد فلتر الهواء الاسبور لان فايدته انه بيدخل هواء اكتر سواء انجيكشن او كربراتير
الف شكر على الافادة دى ............و فعلا انا حفكر فى موضوع المروحة ده و بالنسبة لفلتر الهوا هو ممكن يشتغل بس لو شلت العمة و لو شلتها يبقى اقرى الفتحة على الماتور خصوصا اننا فى بلد التراب فيها اكتر من الناس
انا بردو معايا شاهين اول ما جت كانت بتسجن بسرعة فكيت الترموستات وركبت مروحة عادى بقيت متجبش ال90 على الحرارة الا بعد اية وبعد لف كتير
انا بقى لما ركبت التكييف كانت العربيه بتسخن اوى وبتعدى ال90 لدرجة انى كرهتها بس جبت ثرموستات واطى وفكيت ثرموستات الكوعه خالص وبعدها وديت الردياتير يتسلك والردياتير لوحده فرق جامد والله لما اتسلك فعلى ما اعتقد هى دى اسباب المشاكل المؤديه للسخونه
على فكرة موضوع المروحة مع طلمبة المياة انا عملة عندي فى 131 و ذى الفل عن تجربة + المروحة الي بالكهرباء
بــــــــــــــــــــــــ ــــــــــــــــــــــس
في عيب صغير جدا انة بيخلي صوت الموتور عالى شوية
بس للاسف ماتنفعش لو مركب تكييف علشان المروحه ساعتها هتخبط فى سير التكييفاقتباس:
المشاركة الأصلية كتبت بواسطة ahmedzizo