استفسار بخصوص سعر الانتركوم

**amr00000** · 11-11-2014 07:17 AM

السلام عليكم ورحمة الله وبركاتة
لو سمحتم كنت عاوز اعرف سعر الانتركوم للناس الى ركبتة سعره كام لان بفكر اجيبة واركبة فى العمارة عندى لانى ساكن فى الدور السادس واحتمال احتاجة فى المستقبل ان شاء الله بس صوتى لان فى كل الاحوال عندنا بواب فى العمارة فمش محتاج الى مرئى او كالون كهرباء مش هستفاد منهم فى شى انا الى محتاجة حاليا صوتى علشان التواصل بس اكون شاكر ليكم

**Gelgel2004** · 11-11-2014 09:28 AM

الصوتى حاليا موش كفاية المرئى فرق بسيط و أأمن.
الاورميت الايطالى كويس بس بيتصنع فى الصين و وكيله قوى و حاجته موجوده
الفارفيزا ممتاز جدا و ايطالى بس بس وكيله موش موفر كل قطع الغيار
الاهم تركب كالون كهرباء لان العبره انك تدخل او متدخلش حد العمارة - البواب ممكن نايم او فى الحمام او لاراح يجيب حاجه - فهنا مبدا الامان من دخول الغرباء اتعدم .
و علشان تركب الكالون الكهرباء ( اللايطالى او الاسبانى ب 200 جم و سوسته باب من 200 الى 400 - علشان الباب يقفل تانى و حداد 200 جم
المهم لو نويت اتصل بالمهندس محمود خلوصى - 26244929- شركة رانا اليكتريك و بلغه من طرف محمد عبد الجليل- و ان شاء الله يعمل لك مقايسه اعمال و اطمن - شغله محترم و بيدى ضمان
تحياتى

**Gelgel2004** · 11-11-2014 03:25 PM

المشاركة الأصلية كتبت بواسطة amr00000

اوك تسلم ايديك بس انا كدة فهمت الاسعار كلها سعر الكالون على كلامك والسوستة والحداد لكن معرفتش سعر الانتركوم نفسة كام ياريت لو تعرف تفيدنى وتقولى اكون شاكر لحضرتك

بيختلف حسب الموديل و الاوبشن المتاح للسماعات
يعنى فيه سماعة زرار واحد لفتح الباب
او 2 زر لفتح الباب و الزر التانى لاضاءه نور السلم
او ثلاثه لطلب المصعد
و هكذا
كلم م محمود و ان شاء الله يفهمك كل حاجة
تحياتى