افيدونى افادكم الله فى نقل ملكية عربية مستعملة

**m.m.mohsen** · 11-11-2014 12:00 PM

افيدونى افادكم الله ، يا جماعة لو هشترى سيارة مستعملة وهنقل ملكية والعربية لسه فيها رخصة سنتين هتكون ايه الاجراءات وهل هفضل محتفظ بالسنتين ولوحات السيارة ولا لا ؟

**ahmed.zahra** · 11-11-2014 12:25 PM

لو في نفس المحافظة اكيد حتفضل محتفظ بلوحات السيارة. و بتعمل عقد مسجل في الشهر العقاري و بعد كدة بتتوجه للمرور و تعمل فحص للسيارة و بتعمل نقل ملكية و بتحتفظ بالسنتين مفيش مشكلة بس غالبا حتدفع التأمين الإجباري تاني لكن مش حتدفع الضريبة.

**MoOoD** · 11-11-2014 06:25 PM

والتأمين الإجبارى بيكون قد إيه تقريباً

**ahmed p880** · 12-11-2014 02:20 AM

اعمل توكيل وامشي بيه السنتين
وقبل الرخصة ما تنتهي ب 4 شهور ارفع قضيه صحة توقيع بتتكلف من 200 الى 400 جنية حسب المحامي
وبالحكم اللى تاخده بتروح تسجل بيه فى المرور لان لو عملت عق بيع مسجل فى الشهر العقارى هتدفع كتير
واللى هتدفعه فى الشهر العقاري بيتحسب على اساس سنه الموديل والسعه اللترية للموتور

والتامين الاجبارى تقريبا ب من 200 ل 300 على حسب شركة التامين
وهتيجي برده بعد السنتين هتدفعهم تانى
ريح دماغك ووانت بتشترى تجيب براءة ذمة فقط واعمل توكيل

**Dr\Mohamed** · 12-11-2014 10:57 AM

المشاركة الأصلية كتبت بواسطة ahmed p880

اعمل توكيل وامشي بيه السنتين
وقبل الرخصة ما تنتهي ب 4 شهور ارفع قضيه صحة توقيع بتتكلف من 200 الى 400 جنية حسب المحامي
وبالحكم اللى تاخده بتروح تسجل بيه فى المرور لان لو عملت عق بيع مسجل فى الشهر العقارى هتدفع كتير
واللى هتدفعه فى الشهر العقاري بيتحسب على اساس سنه الموديل والسعه اللترية للموتور

والتامين الاجبارى تقريبا ب من 200 ل 300 على حسب شركة التامين
وهتيجي برده بعد السنتين هتدفعهم تانى
ريح دماغك ووانت بتشترى تجيب براءة ذمة فقط واعمل توكيل

حضرتك أنا فكرت فيها وقالوا لي اسمها صحة توقيع ونفاذ ودي غير صحة توقيع بس وبتتكلف 1500 جنيه !! الكلام ده مظبوط؟؟

**m.m.mohsen** · 12-11-2014 01:06 PM

انا مبقتش فاهم حاجة :(

**m.m.mohsen** · 12-11-2014 01:11 PM

المشاركة الأصلية كتبت بواسطة ahmed.zahra

لو في نفس المحافظة اكيد حتفضل محتفظ بلوحات السيارة. و بتعمل عقد مسجل في الشهر العقاري و بعد كدة بتتوجه للمرور و تعمل فحص للسيارة و بتعمل نقل ملكية و بتحتفظ بالسنتين مفيش مشكلة بس غالبا حتدفع التأمين الإجباري تاني لكن مش حتدفع الضريبة.

يعنى دلوقتى بروح انا وهو الشهر العقارى انقل ملكية وبعد كده اروح المرور انقل الرخصة بأسمى واخد نفس اللوح لان انا وهو القاهرة ؟

**د.محمود صلاح** · 12-11-2014 01:23 PM

1- هتعمل عقد بيع مسجل في الشهر العقاري حوالي 1000 جنيه تقريبا ولازم شهادة بيانات موجهه للشهر العقاري من المرور التابع لها العربية
2- ما توقعش في العقد عشان لو وقعت مشتري يبقى لازم تنقل ملكية وتفحص خلال شهر
3- تروح للمرور اللي انت تابع ليه ( لو العربية مرورها مختلف عن مرورك ) وتطلب طلب ترخيص مركبة وتشتري نماذج وشنطة ودمغات .. الخ
4- هتفحص العربية وممكن ( في بعض اادارت المرور ) يطلب مطابقة بصمة يعني تاخد اورنيك الفحص وتروح تطابق البصمة في المرور التابع لها العربية وهتعمل فحص امني وفحص مباحث المرور - وهتشتري طفاية وشنطة ومثلث بفاتورة لو الحاجات دي مش موجودة بفاتورتها في العربية
5- هتعمل نقل وثيقة التامين باسمك ب 6 جنيه فقط
6 - هتاخد نمر جديدة وتدفع رسوم النمر الجديدة
7- مش هتدفع ضريبة لان فيها ضريبة خلاص
8- هيطلعلك رخصة تسيير 3 شهور لحين ورود الملف وتجدد كل 3 شهور لحد ما ملف العربية يجيلك من المرور القديم ...

اما لو المرور اللي انت تابع ليه هو هو نفس المرور التابع له السيارة فالقصة اسهل من كده بكتير .. ( القاهرة فيها اكثر من ادارة مرور )

لو مشيت بتوكيل او عقد مسجل برضه وقت التجديد هتعمل نفس اللي فات

لو ناوي تبيع يبقى امشي بتوكيل وبيع بعد كده
لو مشيت بتوكيل >> السيارة امام القانون مش بتاعتك ولو صاحبها مات وورثة ومشاكل وبتاع .. احسنلك عقد بيع وتنقل ملكية

في ادارات مرور تجد امامها مخلصاتية >>> كل ده نصب في نصب اعمل حاجاتك بنفسك وخلال 3 ايام هتخلص