محتااااااااااار - ارجو المساعدة وبسرعة !!
السلام عليكم ورحمة الله تعالى وبركاته
انا مبسوط انى بكتب اول مشاركة ليا فى المنتدى العملاق ده :120105~352:
وبحمد ربنا سبحانه وتعالى انى اتعرفت على المنتدى بمحض الصدفة وبقالى اكتر من شهرين بتابع يوميا كل حاجة فيه ( بس مكنتش لسه سجلت !! :shyy: )
انا اسف لانى هرغى كتير شوية بس فعلا انا محتاج مساعدتكم وخبراتكم اوووووووووووووى
انا على قدى فى السواقة والعربيات - يعنى اول مرة اسوف كانت فى 2011
بس الحمد لله قدرت اتعلم بسرعة وربنا يسرهالى انى جيبت عربية جديدة ( شيفروليه نيو سبارك 2011 )
بفضل الله سبحانه وتعالى حاسس انى سوقت كويس فى فترة سريعة - طبعا مش شطارة منى بس ربنا بيسهلها لعبيده:shyy:
والحمد لله العربية اللى معايا مش مزعلانى بالعكس انا بموت فيها مووووووت وحاسس انها - لا مؤاخذة كدا بالبلدى - مراتى التانية :B4_007::B4_007::B4_007:
لدرجة انى الحمد لله بسافر بيها كتير وعشان تتخيلوا بس انى دلوقتى وصلت بيها ل 75,000 Km والحمد لله ربنا ميسرها ومخليها مطيعة ليا واخر حلاوة لدرجة انى رحت بيها شرم الشيخ ورجعت وزى الفل بفضل الله ( نسيت اقولكم انى من بورسعيد )
بس طبعا الحلو مش لازم يكمل كالعادة
هى صغنونة حبتين وانا كنت عارف كدا طبعا وانا بشتريها بس قولت اهى هتقضينى انا ومراتى وابنى
بس الحمد لله ربنا رزقنى الحمد لله بابنى التانى - ربنا يباركلى فيهم الاتنين - فطبعا العربية بدأت تديق !!
المهم عشان انا عارف انى طولت اوى - بس حبيت اوضح ليكم الصورة كاملة
عشان كل اللى فات ده بقى - بدأت اخد قرار انى لازم ابتدى ادور على عربية اكبر عشان تبقى نقله كويسة وربنا يارب يوفقنى باذن الله
المهم قعدت اتفرج يمين وشمال
طبعا فى حاجات الواحد ما يبصش عليها احسن - زى المرسيدس والبى ام وكل الالمانى واللزى منه -
قولت اروح اشوف اليابانى - اجارك الله من اسعارهم - فاكيد جيبت ورا
مع العلم طبعا انى مش هركب غير زيرو حتى لو عجلة واحدة :shyy: محسوبكم خبرته فالميكانيكا زيررررررررو !!
المهم بعد ما شوفت الكلام ده كله - بدات ايأس وقولت الحمد لله وتبارك الله فيم رزق واهو الحمد لله الواحد احسن من غيره كتير - على الاقل معايا اللى يودينى ويجيبنى !!
وبعدين وانا ع النت بدأت اشوف المنتدى هنا وبدأت احاول اقرى كتير فيه - بصراحة قمه فى المتعة والاعضاء قمه فى الاحترام :Ta_clap[1]:
نيجى بقى للنقطة المهمة
بدأت اشوف تقارير العربيات واكتر تقريرين شدونى كانو ل :
عربيه M11 للاستاذ hemaa_82 f :_Alshmokh22[1]:بجد مشكووووور الف سكر ليه على مجهوده الرائع :_Alshmokh22[1]:
والتانية لل BYD للاستاذ أبو ياسمين :_Alshmokh22[1]: قمة فى الروعة وقمة فى الخبرة الهايلة :_Alshmokh22[1]:
وانا بقى بدأت احتار وبدات راسى تميل لل BYD اوووووووووووووى
لدرجة لما بلاقى عربية ماشية والله بفضل ماشى وراها حتى لو غير اتجاهى بس عشان اتفرج عليها
بس للاسف :shyy: محسوبكم خجول شوية ما اقدرش اسأل اللى جواها :shyy:
كمان اتصلت سألت التوكيل قالولى مش موجودة دلوقتى ولازم اروح احجز وممكن كمان يدينى العربية من غير مقدم !!
المهم انا خلاص هجيب نهاية الموضوع
انا نفسى حد يشور عليا اعمل ايه واجيب ايه !!
وانا هحاول اقولكم ظروفى والظروف اللى تسمح انى اجيب بيها العربية
1- طبعا زيرو
2- مساحتها مناسبة وواسعة من جوا
3- شنطتها تبقى كبيرة وتملى العين
4- اتوماتيك - حاليا انا عربيتى مانيوال بس عايز اريح عقلى بقى -
5- الامان - يعنى ABS وكدا
6- حركات من جوا - زى دى فى دى و تابلوت وطارة اوبشن وكدا
7- القسط لغاية 2500 ج لمدى 5 سنين - وباقل مقدم ممكن - وبصراحة يا ريت يكون بدون مقدم عشان مش عايز ابيع حبيبتى السبارك !!
ياريت تفيدونى وانا بتأسف جدا انى طولت عليكم كتير بس ده فقط لثقتى فيكم وانكم هتقدروا تفيدونى
والسلام عليكم ورحمة الله تعالى وبركاته
