عرض للطباعة
السلام عليكم
كنت عايز أعرف نصايحكم يا جماعه بخصوص مقابلات العمل " الأنترفيوهات " فى الشركات أعمل ايه وأتكلم أزاى وأروح لابس أيه يعنى لازم بدله ولا ممكن لبس كلاسيك عادى ولا قميص وبنطلون جينز !
ولو حظى الأسود وقعنى فى hr بيكلمنى بالأنجليزى وانا الانجليزى بتاعى ضعيف أعمل ايه ؟
أنا واثق ان أحسن ناس هتفيدي هم رجال نايل موتورز
بص مفيش قواعد في مصر للانترفيو لان حسب مزاج وموود ال hr يومها بس كقاعدة عامة حاول تكون هادئ قدر الامكان مع ابتسامة وتوزع نظرك علي كل القاعدين وحاول تبينلهم ايه مميزاتك يعني ايه اللي يخليهم يختاروك دونا عن باقي المتقدمين ولو عندك خبرات مميزة اتكلم عنها بصورة بسيطة.
اجمالا حاول تكون مرح او يكون جو المقابلة خفيف وده هيحصل لو اتجنبت التوتر او العصبية في الرد. بالنسبة للبس يفضل طبعا يكون فورمال يعني بدلة وكرافت بس دي حاجة ترجعلك وحسب الشركة اللي بتقدم فيها. ولو ليك رزق معاهم فثق انك هتاخده سواء عملت حاجة من اللي قلتهالك او لأ وبالتوفيق ان شاء الله
لو سألك سؤال وعمل نفسه مشغول بتليفون او بغيره متوقفش وكمل كلام عادى جدا
هما بصراحه بيخدع اللي قدامهاقتباس:
المشاركة الأصلية كتبت بواسطة mk3
بس هو قصده ايه بالحركه دي
اقصد ايه الهدف من انه يتكلم ف التليفون و المقابله شغاله
تحياتي
شكرااااااا يا جماعه عاردود والأفاده
ربنا يجازيكم خير
على حسب انت رايح انه شغلانه
يعنى لو رايح تشتغل مبيعات طبيعى تروح ببدله اما لو شغلانه تانيه يبقى على حسب
وإن شاء الله بالتوفيق
خليك واثق في نفسك واساله عن الراتب ومتبينش انك خايف او قلقان
بجد شكرا يا جماعه عالاهتمام والأفاده
بس انا فيه نقط معينه قلقانى
زى الخبره : انا لسه مشتغلتش فى حتة قبل كده فمعنديش خبره
والسؤال المستفز بالنسبالى : كلمنا عن مميزاتك : من غير تريقه انا مش عارف ايه مميزاتى :( انا كل اللى اعرفه انى بقعد عالنت والفيس كتير وبنزل مع صحابى و حاليا بعمل ماجستير فى كلية الحقوق :(
مميزاتك هتقول انك منضبط فى المواعيد ولا لاء
تعرف برامج ايه فى الكمبيوتر
مستواك عامل ايه فى الكليه
بتطمح انك تبقى ايه
وكده كده هوه عارف انك لسه معندكش خبره ومحتاجك علشان هيستفيد منك فى الشغل نظير انك تاخد خبره وبالتوفيق
لا تقلق من موضوع الخبرة. في شركات بتطلب fresh graduate .المهم متكذبش في بياناتك او خبرتك .