مشكلة فى الفتيس عندى ومش عارف اية السبب سيراتو 2015 sx

انا اشتريت نيو سيراتو sx 2015 بس بدات الاحظ حاجة غريبة فى نتشة بتحصل لمل بجيب الفتيس من الp للR و مش عارف اية السبب رحت التوكيل قالى انو هيعمل reset للكمبيوتر و اتابع وحصل نفس الموضوع تانى . ممكن حد يفدنى اة ممكن يكون السبب

و شكرا

ابقى شد الهاند بريك لما تقف وانتا على n وبعدين أرفع رجلك وبعدين دوس تاني وهات p ومش هتحس بالنتشة دي

متخافش ده عادي
ابقي شد فعلا فرامل اليد قبل ما تنقل الفتيس

زي ما الاخوة قالوا بالضبط ... المشكلة انك بتجيب ال p وتسيب العربية .. العربية ممكن تتحرك وتحمل على الفتيس وهو مقفول .. فلما تنقل بعد كده على الار بتحس بالنتشة دي

اعمل زي ما قالوا .. هات ال n وارفع الهاند بريك كويس لحد ما تتأكد ان العربية مش بتتحرك .. بعدها انقل لل p وجرب .. وان شاء الله مش هتحصل تاني

لازم وانته بتنقل من اي وضع للتاني تكون دايس فرامل جامد مش تكون مريح رجلك علي الفرامل بس

كمان لما تكون موقف العربيه لازم تكون فرامل اليد مرفوعه للاخر خالص مش شدة وخلاص