الموضوع: تم كسر زجاج الباب - اغيره فين ؟

توكيل ياباشا احسنلك علشان يركبلك زجاج اصلى مختوم نفس الختم لان لو ركبت ازاز عادى هتبان ويقولك خبطه لما تيجى بعد الشر تبعها احسنلك فى التوكيل وعلى نظيف

أعوذ بالله الناس بأات وحشه اوي ... روح التوكيل وريح بالك .










.

لو فرق السعر بره التوكيل كبير يبقى انت اولى و اعمله بره و المهم يكون نوع الإزاز كويس ,
فيه واحد في ش شهاب كويس بس انا مش معايا تليفونه ,

على فكرة واحد صاحبي معاه ياريس كان عمل حادثة و في التوكيل عملوا مقايسة و طلبوا 25 ألف منهم 9 آلاف مصنعية , و راح عملها بره التوكيل بـ 7 آلاف .
و على فكرة في التوكيل مش هيخدوها على طول , دا انت لازم تحجز و يتعمل مقايسة و يحددوا يوم تجيبها فيه علي شان يشتغلوا فيها ,
و كمان هما هيسألوك انت مأمن عليها و لا لأ , لأنك لو مأمن عليها ممكن يعملوا أي حاجة شايفنها حتى و لو خدش ,

إخوانى الأعزاء

أشكركم جدا جدا على ردودكم و اهتمامكم

و اليكم ما حدث

فى التاسعة و الربع صباحا اتصلت بتويوتا و بعد التحويلات و الذى منه

رد على قسم قطع الغيار و سألت عن سعر زجاج الباب الامامى

قال لى ان السعر 980 جنيه !! بدون مصنعية !!

قلتله لا انا مش عاوز الباب كله الزجاج بس

قال لى 980 ج سعر الزجاج بس يا فندم

قلت له امرى لله اجى امتى عشان اغيره ؟؟؟

قالى اتصل بالصيانه و هم يحددوا لك ميعاد و اعطانى الرقم و حاولت الاتصال بهم و الحمد لله لم يردوا

و عن طريق Yellow Pages وجدت العديد من الارقام و بدأت الاتصال بهم

اغلى واحد قال لى 150 جنيه بالتركيب و الزجاج مصرى ماركة " جريش " و ارخص واحد 125 جنيه و نفس نوع الزجاج

اتصلت بصديق ليأتى معى فقال لى انه يعرف واحد كويس فى صلاح سالم عند حديقة الفسطاط

فذهبنا اليه و قال لى انه عنده نوعين المصرى "جريش 120 ج " و المستورد تويوتا

بس مش اصلى ب 160 ج و شفت الاثنين و جدت فرق فى اللون و اخترت المستورد لأن اللون مطابق تماما

و فى خلال ساعة كان الزجاج راكب و زى الفل زى الاصلى تمام و السعر اصبح 150 ج فقط

اخذت منه كارت لأعرضه عليكم جميعاً

عشان لو واحد فينا اتزنق ( لا قدر الله ) يلاقى حل مناسب

الاســـم : مجدى الزعيم لزجاج السيارات

العنوان : صلاح سالم - عين الصيرة - امام النادى المصرى القاهرى و الفسطاط

تليفــون : 23680745 - 012/5954558


و شكراً أعزائى مرة اخرى ...

100/100 ليه يعنى 980 فى الايام الغبرة ده انتا اوله بيها

الف مبروك