السلام عليكم
في سبيلنا لأرساء مشروع إكسسوار وقطع غيار سيارات ضخم
أنا مشرف المشروع
وأبن عمي الممول والمدير المسؤل
معانا مبلغ مادي محترم
وهنبدأ محل على مستوى go
ويمكن أكبر
محتاج نصايح منكم كلكم
ياريت محدش يبخل عليا برأي أو نصيحة
ده شقى عمـــر عاوزين نحطه في مكانه الصحيح
-نفتح فين؟
-نشتغل في إيه بالظبط؟
تم تغيير عنوان الموضوع ليعبر عن محتوى الموضوع
وفقا لقوانين المنتدى
مشرف ب5
لو تفتكر محمد بيومي بتاع معارض الفرسان للسيارت اول من ادخل الشير ي والجيلي في مصر
الراجل ده انا كنت باشطب السقف المعلق بتاع المعارض بتاعته
عمل فكره في عماره مول الكمبيوتر في شارع دمشق
اخد دور اعلي المعرض بتاعه كان عنده معرض عربيات في الارضي
مساحته 750 متر
عمل اول سوبر ماركت في مصر لاكسسوارت وكماليات السيارات
واختار شارع دمشق
وممكن مدينه نصر او التجمع
وعمل في الجراج قسم للتركيب
تدخل الماركت بسله زي بتاعت المحمل وكارفور
وتلفف علي الاستاندات وتختار اللي عايزه
جنوط
بطاربات
اكسسوارت
دواسات
ملمعات ومعطرات
انذار وسماعات وكاستيات
استيكرات
كل الكماليات اللي حد بيحلم بيها في عربيته موجود
الراجل ده كان هايبقي ملك السوق بافكاره لولا انه اشتغل في توظيف الاموال
وخلع بعد مانكشف امره
لكن افكاره كانت سابقه وقته
فعلا" الفرسان كانوا اول ناس تعمل سوبرماركت للاكسوارات ربنا يرحم ايامه
انا حاقولك رايي
كان فيه مستثمر اماراتى كان عاوز يفتح المشروع ده قبل الثورة بس طبعا كل حاجة انتهت
بس كان شغال بفكر تانى كان الموضوع متقسم لاقسام كتير
اولا القسم الرئيسى وده كان حيكون قسم قطع الغيار الاصلية للسيارات وده كان حيشتغل فى قطع غيار رئيسية بتكون اسعارها غالية فى التوكيل زى اطقم الدبرياج اجزاء عفشة قطع غيار للمواتير فوانيس وكشافات الخ..
ثانيا قسم الاكسوارات : وده كان حيكون جزئين
جزء للاكسسوارات الاصلية oem يعنى جنوط اصلية لعربية اسبويلر اصلىى بينزل فى التوكيل حليات نواكل اصلية دواسات اصلية الخ..
وجزء للاكسسوارات aftermarket زى الموجودة فى شارع دمشق
ثالثا : القسم التركيبات والصيانة
رابعا :قسم الكار الكير وده مهم جدا فى اى مكان بالشكل ده عشان بعد ما تركب حاجة بتحتاج تروح بالعربية نظيفة وكده
ويقال انه كان عاوز يعمل اتفاق مع شركة تعديل سيارات معتمدة من بره مصر لما المشروع يكبر
اطلب من المشرف ينقلك الموضوع الكماليات عشان هناك اكتيف اكتر