امبارح بليل زجاج الباب الامامى الى على يمين السائق علق نزلته لما ركبت العربية سمعت تكة قلت عادى ....جيت اطلعه بعد شويه وانا ماشى مرضيش يطلع ....يطلع 10 سنتيمتر ويرد تانى لتحت....المهم عملت الى اقدر اعمله كله باء بالفشل....طب والحل دة انا بليل هركن العربية ازاى وازازها مفتوح كدة ... مينفعش طبعا فكنت فى وسط البلد فرحت شامبليون سألت على واحد بتاع ايواب قالولى فى واحد اسمه سكر..... المهم رحت عنده لاقيته شغال فى مينى كوبر وناس معاه شغالة فى بى ام .... قلت كويس .... فقلتله على الى حصل وقلتله افتح لاقيتها حاجة بسيطة اعملها حاجة غير كدة ارفعلى الازاز وبس لحد ما اروح التوكيل ....المهم بيفتح لاقيته تايه حبة المهم فتح الباب فى استيكرات طبعا شالوها ...قلب الواحد كان بيتقطع العربية الحمد لله تعتبر جديدة المهم فتحوها مش عارف ايه ايه فين وفين رفع الازاز وقالى تعالى بكرة اعملهالك مش عارف حاجة بتخلى الازاز ينط من المجرة ... او الكوتشة نشفة ... طبعا كلام مدخلش دماغى .... فقلتله اقفل وهجيلك بكرة..... فطبعا انا هروح التوكيل وكلمتهم عشان احجز عشان اعمل صيانة ال15000 ... وطبعا هقولهم على الازاز والباب. وانا لسة فى الضمان ..... فالسؤال بقى ممكن يقولولى حد فتحها وتصليح دى برة الضمان ؟؟؟؟ فى سبيل انا خليته يرفع الازاز لانى مش هسيب العربية فى الشارع فى الجراج ازازها مفتوح كدة لحد ما اروح ليهم التلات الجاى.........افيدونى افادكم الله