| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 22

  1. #1

    الصورة الرمزية احمد فهمى

    رقم العضوية : 63659

    تاريخ التسجيل : 28Feb2010

    المشاركات : 6,854

    النوع : ذكر

    الاقامة : Egypt

    السيارة: X-trail

    السيارة[2]: Jeep Wrangler

    دراجة بخارية: لا

    الحالة : احمد فهمى غير متواجد حالياً

    Lightbulb معلومات وتقرير عن جيب الشيروكى kk - Facebook Twitter whatsapp انشر الموضوع فى :

    تقرير ونصائح عن الشيروكى KK




    العربيات دى ركوبها ممتع جداً للى غاويها المهم تكون العربية حالتها كويسة ومش متهانة من جوة ومن برة . طبعاً الكيلومتراج القليل ده حاجه كويسة .
    - المهم إنك تكون محتاج العربية أو غاويها - هى عربية عائلية وواسعة المشكلة بس إن اللى قاعدين على الكنبة الخلفية مش حايبقوا مستريحين قوى بس ماشى الحال محدش حايشتكى لأنهم بيبقوا مبسوطين لأنهم عاليين وشايفين الدنيا كلها :)

    - زوايا الرؤية كويسة جداً ومش موجودة فى عربيات ٤x٤ كتير
    - التحكم فيها وفى توجيها كويس جداً

    - شوية اوبشنات حلوة زى برنامج ضبط الكرسى وضبط المرايات والنور اوتوماتيك والمساحات كمان اوتوماتيك وكل ده بيتبرمج من كمبيوتر العربية لو عاوز تشغله او تلغيه وكمان فيها بركينج سينسور ومثبت سرعة وهاند فرى للموبيل بس برمجته غلسه شوية و مقاس للكاوتش وبوصلة ودرجه حرارة الجو فى الخارج

    - العربية ماسكة نفسها على الطرق اثناء السفر بس مانصحكش تجرى بيها اكتر من ١٦٠كم علشان الطرق عندنا وحشة وكمان العربية عاليه واتزانها فى الملفات على السرعات دى مش قد كده وده طبع كل العربيات الفور باى فوروأحسن مشى بيها ١٢٠ كم/ساعة - بس لو اتزنقت وقرصت على دواسة البنزين العربية تجميعها حلو جداً وحاتحس بانها بتطير وده بينفع فى الزنقة ساعات .

    - الفرامل عشرة على عشرة بس طبعاً لازم تغير التيل فى مواعيده زى الكتالوج وأنصحك وأنصح أى حد يغير الطنابير الأمامية كل ٦٠ الف كيلو او لما بتحس على السرعات العالية لما تدوس فرامل بصوت دبدبة تحت رجلك

    - التكييف ممتاز بس بياخد وقت على مايوصل للركاب على الكنبة الخلفية علشان العربية كبيرة

    - استهلاك البنزين طبعاً عالى حوالى من ١٦ الى ١٨ لتر فى الـ١٠٠ كم فى الزحمة ممكن يكتروا شوية حسب الزحمة ـ وعلى الطرق السريعة من ١٢ إلى ١٤ لتر فى الـ ١٠٠ كم وممكن أقل حسب سرعتك

    - العربية فى الوضع العادى جر خلفى وفيها وضعين كمان وضع فورباى فور اوتوماتيك وده بتستعمله لما تكون الارض مزحلقة او غرس بسيط ومش محدد بسرعة معينة . ووضع فور باى فور low للغرس التقيل بس طبعاً محدد بسرعة لاتزيد عن ٤٠ كم/ساعة وليه قيود وطريقة للإستخدام مش مجالها دلوقتى.

    - طبعاً تخلى بالك وانت ماشى اوبتركن جنب اى رصيف لأنك ممكن بسهولة تلاقى نفسك طلعت عليه بدون مجهود بالمرة ـ كمان تخلى بالك من العربيات اللى جنبك لو جبت الدركسيون للأخر لأنك ممكن تخلع اكصدام عربية جنبك وقريبة قوى بفردة عجلة قدام وانت بتكسر الدركسيون للأخر :)

    - العربية دى روحها تغيير البوجيهات والزيت بدون اى كسل او تأخير

    - العيب اللى مش عاجبنى فى العربية هو ان البوية بتاعتها مش مخدومة يعنى على طول عينك عليها تشوف فيه اى تجيير أو صدا
    طبعاً العربية مليانة سنسورات وكمبيوتر بس لو العربية محدش بيلعب فيها وبتعمل صيانتها مافيش حاجه بتبوظ منهم ومش بتحس بيهم
    قطع الغيار متوفرة وعندك التوكيل حاجته اصلية بس غالى شوية والسوق حاجته مش غالية قوى بس مش اصلية والاختيار ليك ..... انا جربت الاتنين وبالتجربة اتضح ان قطع الغيار من التوكيل هى اضمن حاجه ومعمرة

    - طبعاً المطبات مش حتلاقى العربية بتحك من تحت ولا اى اندهاشة :) .... والعفشة حلوة ومريحة بس متخدش مطبات على سرعات عاليه وحد راكب على الكنبة الخلفية

    شنطة السياره من الداخل



    طابلوه السياره


    - شوية حاجات تاخد بالك منها وانت بتشترى العربية:

    ١- اتأكد من عدم وجود صدأ فى : مفصلات الابواب ومفصلات الشنطة وحوالين قواعد الروف راك وحوالين فتحة السقف وحوالين البرابريز

    ٢- افتح الكبود وشوف هل كل حاجه فى مكانها ومسامير التثبيت البلاستيك بتاعة الوش مش ملعوب فيه والقفزان اللى مثبته الاسلاك والخراطيم سليمة ولا مكسرة . يعنى نظرة عامة كده وانت حاتعرف اذا كان فيه حاجه غلط او ملعوب فيها.

    ٤- حالة الفرش الداخلى مافيش حاجه مقطوعة فى جلد الكراسى ولا لطشة سيجارة ـ وكمان كسوة السقف مافيهاش بقع ولو فيها يبقى تتأكد من عدم وجود بارومة فى السقف ولو مافيش يبقى فيه خرطوم مسدود مثلاً ولا ايه السبب إسأل صاحبها .

    ٥- إركب العربية وشوف العربية وهى دايرة مافيش لمبة تكون منورة فى التابلوة غير لمبة فرامل اليد والحزام بس ولو فيه حاجه تانية منورة يبقى فيه مشكلة

    ٦- امشى بالعربية وشوف اخبارها ايه هل يوجد اى اصوات غريبة وهل بتنقل كويس ( طبعاً مش فى الزحمة)
    وهل يوجد اى صوت ونة وانت ماشى (الطبيعى بيكون فيه صوت ونة عند سرعة حوالى ٥٠ - ٦٠ كم/ساعة) هل يوجد طقة فى الدركسيون خصوصاً لو انت واقف او ماشى بسرعة بطيئة

    ٧- خلى صاحبها يكون جايب وضع الكمبيوتر على استهلاك البنزين وشوف بتعمل كام وانا ذكرت لك فوق معدلات استهلاك البنزين

    ٨- اخبار الفرامل ايه وهل بتسمع دبه لما تدوس فرامل ولا مافيش حاجه.

    ٩- المشكلة بتاعتها انك لما تتعود عليها مش حاتعرف تركب عربية تانية وحاتتخنق بسرعة لو غيرتها :) ( والله ده عن تجربة)


    تقرير بواسطة : م/أحمد عبد الفتاح
    تم التنسيق بواسطة مشرف القسم

    أحمد فهمى


  2. #2

    الصورة الرمزية bluemail

    رقم العضوية : 164494

    تاريخ التسجيل : 26Aug2014

    المشاركات : 780

    النوع : ذكر

    الاقامة : في الدنيا الواسعه

    السيارة: chev lanos

    السيارة[2]: lancer EX

    دراجة بخارية: have not

    الحالة : bluemail غير متواجد حالياً

    افتراضي -

    بارك الله فيك, معلومات تسوى كتيييييييييييييييييييييير


  3. #3

    الصورة الرمزية S.S.E

    رقم العضوية : 4497

    تاريخ التسجيل : 19Jan2008

    المشاركات : 301

    النوع : ذكر

    الاقامة : حلوان

    السيارة: FRV Cross 2013

    السيارة[2]: فيات لينيا 2009

    دراجة بخارية: لا

    الحالة : S.S.E غير متواجد حالياً

    افتراضي -

    ضريبتها كام في السنه لو مثلا موديل قديم .... وتعمل كام لو مستعمل


  4. #4

    الصورة الرمزية احمد فهمى

    رقم العضوية : 63659

    تاريخ التسجيل : 28Feb2010

    المشاركات : 6,854

    النوع : ذكر

    الاقامة : Egypt

    السيارة: X-trail

    السيارة[2]: Jeep Wrangler

    دراجة بخارية: لا

    الحالة : احمد فهمى غير متواجد حالياً

    افتراضي -

    اقتباس المشاركة الأصلية كتبت بواسطة S.S.E مشاهدة المشاركة
    ضريبتها كام في السنه لو مثلا موديل قديم .... وتعمل كام لو مستعمل
    الkk اولها 2008 ودى ضريبتها السنه دى 2000 جنيه او 1800 مش فاكر والملاك يقيدو وبع سنتين هتكون 1000 جنيه لأن هيكون عدى 10 سنين وده الحد الدنى يعنى لو معاك رانجلر موديل 1975 وفوق ال3 الاف سي سي هتدفع برضو 1000 جنيه

    أحمد فهمى


  5. #5

    الصورة الرمزية S.S.E

    رقم العضوية : 4497

    تاريخ التسجيل : 19Jan2008

    المشاركات : 301

    النوع : ذكر

    الاقامة : حلوان

    السيارة: FRV Cross 2013

    السيارة[2]: فيات لينيا 2009

    دراجة بخارية: لا

    الحالة : S.S.E غير متواجد حالياً

    افتراضي -

    متوسط السعر كام ياباشا لو 2008 , لقيت علي موقع hatla2e مستعمل جيب جراند شيروكي 2006 عامله 105 الف واتصلت بصاحبها لقيت النمره غلط


  6. #6

    الصورة الرمزية م/أحمد عبد الفتاح

    رقم العضوية : 29225

    تاريخ التسجيل : 05Jan2009

    المشاركات : 1,362

    النوع : ذكر

    الاقامة : الإسكندرية

    السيارة: لايوجد

    السيارة[2]: Jeep KK 2009

    الحالة : م/أحمد عبد الفتاح غير متواجد حالياً

    افتراضي -

    الـ kk موديل ٢٠٠٨ فى حدود من ١٨٠ الف الى ٢٠٥ الف جنيه حسب الكيلومتراج والحالة بتاعتها
    الجراند شيروكى wk عربية مجنونة فى السوق ومحدش بيبيع بسعر قريب من التانى ممكن تلاقي موديل ٢٠٠٦ فى حدود من ٢٢٥ الى ٢٨٠ الف جنيه حسب حالتها واسم الموديل والموتور - بصراحة مقدرش اتمنها

    التعديل الأخير تم بواسطة م/أحمد عبد الفتاح ; 13-04-2015 الساعة 12:39 AM سبب آخر: تصحيح

    amadios سابقا


  7. #7

    الصورة الرمزية م/أحمد عبد الفتاح

    رقم العضوية : 29225

    تاريخ التسجيل : 05Jan2009

    المشاركات : 1,362

    النوع : ذكر

    الاقامة : الإسكندرية

    السيارة: لايوجد

    السيارة[2]: Jeep KK 2009

    الحالة : م/أحمد عبد الفتاح غير متواجد حالياً

    افتراضي -

    لو بتشترى دور فى دوبيزل مصر حتلاقى عربيات اكتر للبيع والبيانات بتبقى مظبوطة

    amadios سابقا


  8. #8

    الصورة الرمزية S.S.E

    رقم العضوية : 4497

    تاريخ التسجيل : 19Jan2008

    المشاركات : 301

    النوع : ذكر

    الاقامة : حلوان

    السيارة: FRV Cross 2013

    السيارة[2]: فيات لينيا 2009

    دراجة بخارية: لا

    الحالة : S.S.E غير متواجد حالياً

    افتراضي -

    وايهما افضل في قطع الغيار وتحمل العفشه بالنسبه للجراند 2006 و ال kk 2008


  9. #9

    الصورة الرمزية م/أحمد عبد الفتاح

    رقم العضوية : 29225

    تاريخ التسجيل : 05Jan2009

    المشاركات : 1,362

    النوع : ذكر

    الاقامة : الإسكندرية

    السيارة: لايوجد

    السيارة[2]: Jeep KK 2009

    الحالة : م/أحمد عبد الفتاح غير متواجد حالياً

    افتراضي -

    الـ kk عفشتها اقوى شوية من الـ wk وكمان ارخص

    amadios سابقا


  10. #10

    الصورة الرمزية اياد علاء

    رقم العضوية : 174112

    تاريخ التسجيل : 09Apr2015

    المشاركات : 129

    النوع : ذكر

    الاقامة : المنيا/مغاغة

    السيارة: لاند ريفر

    السيارة[2]: بورش باناميرا2015

    الحالة : اياد علاء غير متواجد حالياً

    افتراضي -

    اسمح لي ابدي اعجابي بقلمك وتميزك واسلوبك الراقي وتالقك



 
صفحة 1 من 3 1 2 3 الأخيرةالأخيرة

المواضيع المتشابهه

  1. رحله جديده للحرفيين ... وتقرير
    بواسطة Hesham.H في المنتدى أوبـــــل
    مشاركات: 30
    آخر مشاركة: 22-12-2013, 05:06 PM
  2. مشاركات: 48
    آخر مشاركة: 29-09-2013, 11:01 PM
  3. مشاركات: 59
    آخر مشاركة: 20-07-2011, 10:01 PM
  4. ibiza 2010 وتقرير سريع
    بواسطة zodiac في المنتدى ســـيات
    مشاركات: 8
    آخر مشاركة: 25-01-2010, 10:01 PM
  5. سيارات الصين ..شهادة ..وتقرير مهم
    بواسطة uioprty في المنتدى الصيــــــنى العـــــــام
    مشاركات: 7
    آخر مشاركة: 22-10-2009, 05:29 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2