الموضوع: حواديت من ايام الطفولة .... تراث الأجيال

حد فاكر حواديت ابلة فضيلة كنا بنستناها كل يوم بس دلوقتي العيال مش هاممهم غير space toon و mbc3 و nicklodian

يااااااااااااااااااه

فكرتني والله يا ابراهيم باحلى ذكريات

بابايا الله يرحمه يا رب هو متخصص حواديت و فعلا كان بيضيف التحابيش اللى تخلى القصة مفهومة ليا و كمان عشان يساير تطورات العصر :D
فكنت دايما انا معلقة على قصة الشاطر حسن و الاميرة و كانت دايما الاميرة اسمها نهى طبعا فبابا كان عاملى حلقات منفصلة متصلة عن حكاية نهى و الشاطر حسن و كل مرة لازم تتخطف بطريقة و هو ينقذها من الراجل الشرير ..

جدي بقا الله يرحمه كانت كل حكاياته لازم تطلع منها بعبرة و عظة يعني مثلا قصة الصياد اللى مش بيتوكل على الله قبل ما يصطاد .. مش فاكرة اوى تفاصيل بس لازم في الاخر تطلع بحاجة من القصة .. دة غير طبعا قصص الانبياء كان بيبسطهالنا اوى و في نفس الوقت بتبقي فاهم صح مش مجرد قشور

احلى ايام والله بجد...

الواحد بقا حاسس باليتم .. .... :o

اكتر حكاية كنت بحبها هي حكاية تاج الجزيرة او سلطنية الجزيرة مش فاكر بتاعة مرزوق و مرزوقة اللي كان واخد السلطنية علشان يجيب فول و راح مع واحد صاحبه على ملاكب المهم المركب دي اتكسرت في عاصفة راح مرزوق راح جزيرة عليها ناس افتكروا السلطانية تاج و خدوها منه و ادوله مكانها دهبو ياقوت و الحاجات دي و رجع لمرزوقة القصة ليها بقية بس اظن انكم افتكرتوها

انا بقي جدي كان المرض مخليه دايماَ مش في وعيه و كل ما يشوفني يقولي خش ذاكر يا عصام .. يا عم الحج انا مش عصام ولا لسة دخلت مدرسة أصلاَ .. مفيش ، فا حواديت جدي دي مش موجودة .. والدي بقي كان مسافر و أمي مبتحبش الحواديت فا إتجهت مباشرة لكابتن ماجد و الحقيقة قام بالواجب .

"سدد أهدافاَ لتهاجم لا تخشي المرمي .. كن حسن الخلق مع الخصم فأهدافك أسمي .. كااابتن ماااااجد "