ارجو الافاده فى تقسيط عربيه (حلال ام ربا)

**Ahmedhussein007** · 12-11-2014 09:14 PM

ياجماعه انا هشترى ان شاء الله عربيه قسط سئلت فالطارق قاللى بندخلك على بنك وقالى ان البنك هو اللى بياخد القسط وهما ماليهمش دعوه بالموضوع ده فكده والله اعلم حرام الرجاء الافاده من اهل الدين المعرفه

**Karim Alaa** · 12-11-2014 09:46 PM

اذا كان البنك هيشتريها من صاحبها و يبعيهالك بالتقسيط باغلى من تمنها ماشى اما اذا كان هيدى صاحبها فلوس يعنى بيديك قرض و بياخد عليه فوايد يبقى حرام حاول تلاقى معرض تقسيط مباشر مع المعرض نفسه لتلافى الشبهه او شوف فرع بنك اسلامى

**ahmed1981** · 12-11-2014 11:37 PM

كده حرام وربا صريح
بإختصار بيطلع قرض بإسمك من البنك
بيتدفع بيه تمن العربية
وبعد كده إنت بتسدده للبنك وعليه فوائده الربوية

ـ

**eng wael** · 12-11-2014 11:47 PM

مع الاسف دورت قبلك ولم اجد اى نظام اسلامى كله فيه شبهات حتى بنك فيصل
الافضل تقسط مع معرض مباشرة بس مع الاسف محدش بيعمل كده كله عايز يضمن فلوسه

**Ahmedhussein007** · 12-11-2014 11:51 PM

مين معارض المضمونه اللى بتقسط مباشر وسمعت ان كونتكت بيقسط مباشر ده فعلا ولا ايه

**ahmedwagdy03** · 13-11-2014 11:39 AM

بعيدا عن الحرام و الحلال .

البنوك كلها بما فيها فيصل بتمشى بنظام القرض بفايدة . وتلاقى سيادتك دافع بعد إنتهاء المدة حوالى 40% زيادة مع التأمين الإجبارى و حظر البيع زى الضرب على القفا.

الموضوع من الآخر نصباية يستفيد فيها البنك بتشغيل الودائع و أصحاب المعارض على حساب مص دماء الناس.

تحسب سعر العربية بعد الجمارك و الضرائب و الفوايد تلاقيك دافع أكتر من ضعف التمن اللى بتتباع بيه بى الخليج مثلا .يعنى الجمارك و الضرائب و البنوك شركاء أساسين لصاحب السيارة فى دخله

**طارق محمد نبيل** · 13-11-2014 01:35 PM

المشاركة الأصلية كتبت بواسطة ahmedhussein007

ياجماعه انا هشترى ان شاء الله عربيه قسط سئلت فالطارق قاللى بندخلك على بنك وقالى ان البنك هو اللى بياخد القسط وهما ماليهمش دعوه بالموضوع ده فكده والله اعلم حرام الرجاء الافاده من اهل الدين المعرفه

سيدي الفاضل /
مع احترامي لكفة الآراء التي افتت بما افتت قلوبهم، كما يقال استفت قلبك وان افتوك:
أولا: يجب عليك سيدي ان تسال اهل الذكر وهو الماذون له بالفٌتيا الشرعية.
ثانيا: ان تستفت قلبك وان افتوك.
ثالثا: جميع الآراء في المنتدي تكون من خلال ما يتلقي ويطرا علي ذهن كل من ابدي رايه من واقع خبرته ومعرفته دون قطع بحل او حرمة تصرف ما وقد يرجع ذلك الي عدة أسباب أهمها علي الاطلاق "جهل عام ومستشري بين مجتمعنا بفقه المعاملات المالية ".
رابعا : من واقع خبرتي في مجال العلوم المالية والمصرفية : فان ما تقوم به البنوك الإسلامية بشان شراء سيارة بالتقسيط ببساطة هو مرابحة إسلامية .
لها شروط شرعية متي استوفت كان ذلك من قبيل التعامل الحلال
وشكرا