استفسار بخصوص بنك فيصل الاسلامى و أبو ظبى الاسلامى ؟؟

**Mohamed.Muslim** · 12-11-2014 10:39 PM

السلام عليكم و رحمة الله و بركاته ....
انا عايز أودع فلوسى فى بنك من البنوك المسماة اسلامية - أصل فى كلام كتير عليها - فـأنا بطلب من الاعضاء اللى ليهم معاملات مع البنوك دى يقولى نظام الايداع ايه و نسبة العائد أد ايه و ايه موضوع انهم بيخصموا الزكاة و بيوزعوها بمعرفتهم ؟؟
و اذا فى بنوك تانية مسماة اسلامية غير دى دلونى عليها ....

**ahmed1981** · 12-11-2014 11:05 PM

بنك فيصل الإسلامي العائد فيه يتراوح بين 6 % إلى 8% سنوياً
ليس له علاقة بزكاة مالك

ـ

**eng wael** · 12-11-2014 11:15 PM

خليك فى بنك فيصل

**طارق _عبد السلام** · 13-11-2014 12:51 AM

لو بنك فيصل بيطلع قرض حسن يبقى اسلامى اسم على مسمى ولكن لااظن

البنوك كلها زى بعض .. بس بيشتغلونا ومن تجربتى مع بنك فيصل فرع المحله بجد موظفين كبيرهم يشتغلوا فى كشك سجاير وجليطه وقله ذوق ............................................ فى النهايه كل البنوك واااااااااااااااااحد وكلهم تابعين للمركزى المصرى

**Mohamed.Muslim** · 13-11-2014 01:43 AM

المشاركة الأصلية كتبت بواسطة eng wael

خليك فى بنك فيصل

لو ممكن توضحلى , لأن فى ناس بتقول ان أبو ظبى الاسلامى افضل فى التعامل , و لو تعرف حاجة بخصوص المصرف المتحد يا ريت تقولى ...

**Mohamed.Muslim** · 13-11-2014 01:46 AM

المشاركة الأصلية كتبت بواسطة طارق _عبد السلام

لو بنك فيصل بيطلع قرض حسن يبقى اسلامى اسم على مسمى ولكن لااظن

البنوك كلها زى بعض .. بس بيشتغلونا ومن تجربتى مع بنك فيصل فرع المحله بجد موظفين كبيرهم يشتغلوا فى كشك سجاير وجليطه وقله ذوق ............................................ فى النهايه كل البنوك واااااااااااااااااحد وكلهم تابعين للمركزى المصرى

للأسف كل البنوك خاضعة لقوانين البنك المركزى , و بالنسبة لتجارب ناس هنا فى المنتدى قالت ان بنك فيصل اداهم قروض عادى عشان يشتروا عربيات بس مسميه "تمويل" !!!!

**ahmed1981** · 13-11-2014 01:01 PM

في لجنة رقابة شرعية على كل بنك إسلامي
وهذه اللجنة تراقب أعماله ويؤخذ رأيها في أي معاملة لتكون حلال

بنك فيصل لا يعطي قروض
بل يعطي تمويل

وهناك فرق

صعب تلاقي بنك خالي 100% من الشبهات

لكن برضه مش هينفع الناس تشيل المبالغ الكبيرة في بيوتها

ـ

**ahmed1981** · 13-11-2014 01:03 PM

البنوك الإسلامية لها إستثناءات في قوانين البنوك
ومسموح لها بالتملك مع أنه محظور على جميع البنك العادية

ـ

**ahmedwagdy03** · 13-11-2014 03:21 PM

أنا أتعامل مع فيصل من 10 سنين و الخلاصة

1-موضوع خصم الزكاة لا أساس له و لكن يوجد صندوق زكاة إختيارى

2-الأرباح أو الفوائد أو العائد الإستثمارى أيا كان المسمى لم يتعدى فى أى مرة 7% سنويا و يمكن الشهادات تعطى أعلى قليلا بس عيبها حجز المال مدة طويلة

3-البنك من جهة الإنتر بنك يعنى المعاملات الإليكترونية أكثر من رائع فى إمكانية الدخول على الحساب و التحويل بين الحايات الداخلية و إصدار طلبات إصدار شيكات .
4-ميزة أن الحساب الواحد يقبل أى عملة مصرى /دولار/ إسترلينى /يورو /سعودى على نفس الرقم بس طبعا كل عملة و لها مصاريفها السنوية.

5-أراه أفضل من البنك الأهلى من ناحية قلة الزحام و الإنتظار على الدور و لكن هذا الموضوع نسبى بالنسبة لمكان التواجد .
6-موضوع القروض و المرابحة و التمويل زبالة و لا أى ميزة أو تسهيلات .

خلاف ذلك فهو كأى بنك يخضع لقانون البنوك العاملة فى مصر تحت مظلة البنك المركزى .أما موضوع الإسلامى فلا أرى أى فرق سوى فى نوعية المشاريع التى يمولها البنك يعنى مثلا مش حيعطى قرض لتمويل كبارية أو خمارة إنما شروط التمويل مشابهة لأى بنك آخر

-

الموضوع: استفسار بخصوص بنك فيصل الاسلامى و أبو ظبى الاسلامى ؟؟

LinkBack

أدوات الموضوع

عرض

استفسار بخصوص بنك فيصل الاسلامى و أبو ظبى الاسلامى ؟؟ - انشر الموضوع فى :

-

-

-

-

-

-

المواضيع المتشابهه

14 شارع المجلس الاسلامى مدينة نصر

التعامل مع بنك فيصل الاسلامى

التقسيط الاسلامى ..... حقيقة ام خداع

هام جدا لنصرة الدين الاسلامى فى المانيا

التامين الاسلامى

الكلمات الدلالية لهذا الموضوع

المفضلات

المفضلات

ضوابط المشاركة