طلب هام :- اسعار الصيانات و قطع الغيار لفورد فوكاس

السلام عليكم و رحمة الله و بركته

بعد اذنكم انا محتاج مساعدتكم فى عمل موضوع احصائى عن اسعار الصيانات و قطع الغيار فى التوكيل
لكذا موديل - منهم فورد فوكاس
و بعد كده حكتبهم فى موضوع واحد فى قسم المقارنات و يبقى مرجع لينا كلنا و لاى حد بيفكر يشترى العربيه علاشان يبقى عرف و هو بيشترى العربيه حيدفع كام فى صيانتها و قطع غيارها

المطلوب من حضراتكم الاتى :-

1- اسعار الصيانات الاساسيه و الدوريه :-

صيانه ال 10000
صيانه ال20000
صيانه ال40000
صيانه ال80000
مع ذكر قطع الغيار الى بتتغير فى كل صيانه " لو توافرة هذه المعلومه " .

2- اسعار قطع الغيار :-

قطع الغيار الميكانيكيه :
- طقم كاتينه ( سير , بلية شداد )
- سيور خارجيه ( تكيف و دينامو )
- موبينه
- طرمبه بنزين
- طرمبه ميه
- طقم دبرياج

قطع غيار العفشه :
- مساعدين
- تيل فرامل
- علبة دركسيون
- مقصات
- دسكات فرامل و الطنابير
-بليه العجل الامامى - الخلفى

الاجزاء الخارجيه :
- الرفارف " امامى خلفى "
- اكصدامات
-فوانيس اماميه - خلفيه


* ياريت اى حد عنده اى اسعار لأى قطعة غيار مايبخالش علينا بالمشاركه .. حتى لو اجزاء و قطع بره القايمه الى انا كاتبها
حتى لو سعر مسمار او صاموله او مصنعيه ..... اى اسعار حتفيدنا

* طبعا احنا بنتكلم على الاسعار فى التوكيل " فقط "

و لكم جزيل الشكر
http://nilemotors.net/Nile/images/st...c/progress.gif

يا جماعه بعد اذنكم ممكن اعرف انتو صوتو على اسعار الصيانات على اى اساس ؟؟؟
ياريت لو تعرفو اسعار اى قطع غيار تقولولنا و نكون شاكرين جدا ليكم

ممكن نضيف كمان تقييم لأداء الوكيل؟ أنا بصراحة عجبانى العربيه جداً بس الجدع اللى كاتب موضوع "كارثة فوكاس جيا 2007 و 2008" خلانى أقلق جداً و في نفس الوقت الواحد شايف العربيه حلوه و سعرها مناسب لأمكانياتها و الكماليات بتاعتها كويسه فا مش قادر أصرف نظر.

و رجاء لمالكى الفوكاس... شاركونا تجاربكم حتى تعم الفائدة و جزاكم الله خيراً

السلاموا عليكم
انا معايا فوكس Sw من حوالى 3 شهور و عملت صيانة ال2000 ما شاء الله العربية ممتازة لحد دلوقتى و التوكيل محترمين جدا انا رحت الصيانة فى 6 اكتوبر طبعا هو مشوار كبير لكن الصيانة ما اخدتش اكتر من نصف ساعة اول صيانة بتكون مجانية و انا سألت عن تكلفة صيانة ال5000 المهندس قال حوالى 500 -700 جنية مش فاكرة قوى بس بالنسبة لطريقة التعامل ناس مهذبة جدا و فية مكان نظيف بتنتظر فية و فية كافيتريا و بيغلفوا كل حاجة بالبلاستيك من جوة زى الكرسى و الدركسيون علشان العربية ما تتوسخش فى الصيانة

شكرا لحضراتكم على المشاركه , اخيرا حد كتب حاجه فى الموضوع D:

منتظرين المزيد من مُلاك الفوكاس ان شاء الله .

اسعار الصيانه عاملين نظام نقط مثلا حل ريادتير وتركيبه 1 الواحد ب75 جنيه ومثلا تغيير دبرياج 2 يعنى 150 وهكذا

الاسعار دى من التوكيل فلتر زيت 45 تيل فرامل امامى او خلفى 320 ديسك واسطوانه 1300 ريادتير 1500 ترموستات 220 كوعة ماء 1000 سير تقسيمه 350 الفانوس 250 واللهى يابلاش ده الخلفى الامامى معرفش ويارب معرف

شكرا لحضرتك على التفاعل
فى اسعار تعتبر كويسه جدا
ياريت حضرتك توضح معاك انهى موديل فى الفوكس
و ايه رأيك فى العربيه عموما و رأيك فى التوكيل .

انا معايا فوكس 2003 وعلى فكره قطع غيار 2008 هى نفس الاسعار والمفاجاااءة ان فى حاجات 2008 ارخص من 2003 وبالنسبه للعربيه مظلومه جدا لما تنبقى تقريبا مستعمله بسعر النوبيرا عربيه جامده جدا بس المهم متهملش وكل حاجه تتعمل اول باول

ربنا يباركلك فى عربيتك و يكفيك شرها
الفوكس الجديده انا ركبتها فى معرض اخبار اليوم عربيه مبهره جدا و صالونها جميل جدا جدا و سعرها يعتبر منافس
لكن كثر الكلام عليها ان فيها اعطال و مشاكل و للاسف العربيه مش منتشره بالشكل الكبير علاشان نقدر نحكم هل الكلام ده حاله فرديه ولا لا ؟

اقتباس:

---

المشاركة الأصلية كتبت بواسطة m_s_h_a

الاسعار دى من التوكيل فلتر زيت 45 تيل فرامل امامى او خلفى 320 ديسك واسطوانه 1300 ريادتير 1500 ترموستات 220 كوعة ماء 1000 سير تقسيمه 350 الفانوس 250 واللهى يابلاش ده الخلفى الامامى معرفش ويارب معرف

---

الأسعار دى بالمنظر ده تعتبر كويسة جدا جدا بالنسبة للعربية
التيل بتاع اللانسر فى التوكيل ب480 ج