الموضوع: ماتيجى نبقى دولة محترمة

مع احترامى لجابر القرموطى و مذيعين المصايب
اقفل التليفزيون الصبح و انزل اشترى كل الجرايد
ممكن تدفع حوالى 6 جنيه كدة
لو انت من هواه قراءة الجرايد كل يوم افتح صفحه الحوادث
اقرا اخبار حوادث السيارات
كام واحد بيموت ؟
و ليه هتقرا جريدة بس مش هتتفرج على التليفزيون
بص التليفزيون كل تركيزة على التفجيرات او المشاكل السياسية
او الامراض و الاوبئة
لو فيه يوم فى السنه مش عارفين يقولوا ايه
بيجيبوا حادثه عربيه او قطر دخل فى عربيه فى مزلقان او عربيتين لبسوا فى بعض
طيب ماهو مفيش جديد !
عارفين العيب منين ؟
العيب فى ان اى حد بيطلعله رخصه لو راجل بيبقى عشان دفع رشوة و لو بنت عشان حلوة
مفيش كشف نفسى و طبى داخل وحدات المرور و يتم الاكتفاء بأى كشف من عيادة
الخطر الاكبر بقى الفلوس
يعنى العربيات الى عندنا زفت و مفيش وسايل امان وبتتحسب كماليات
الايرباج بفلوس
و فيه عربيات بتنزل من غيرها
رغم ان الايرباج دة اول حاجه فى وسايل الامان ده غير الفرامل و هكذا
لو ناوى تشترى عربيه نضيفه مش اقل من 150 الف و هتكون مستعمله
مرسيدس او بى ام دبليو او فولفو و ربنا يعينك على قطع الغيار
كل ده عشان تبقى متطمن انك مش هتموت فى حادثه
و تيجى عربيه زيستافا او 127 او 128 او لادا 2105
و على الطريق السريع و هتلاقيها بتتزحلق ادامك و تموت برضه
ماهو معلش ده مش ذنب صاحبها لانه مكانش حرامى و معاه نص مليون يشترى بيها عربيه
من النهايه انا كاتب الموضوع ده لان شكل الشارع وحش
بناسه و بعربياته و بمواصلاته العامه و الخاصه
و الى خلانى اصر اكتر على كتابته اننا شوقت مرسيدس 1999 ستيشن بكل الكماليات ب30 الف من غير ورق

https://egypt.dubizzle.com/ar/cars/m...AwJnBhZ2U9Mg==

و شوفت بيجو 406 ب20 من غير ورق
طيب العربيات دى جايه من برة مصر و بتتباع كدة بالسعر دة مستعمله
لو عايز تخليها ملاكى هتتنفخ و تقرف فحياتك و هتدفع اكتر من 100 الف دة لو كان يتفع
بس برضه بتتباع و الناس بتمشى بيها كدة لكبار الدوله و المحاميين و القضاه و المستشارين و الضباط
كدة كدة محدش هيوقفهم فى كمين حتى لو سارقين العربيه

فيه سؤال قبل كدة قولته لواحد قولتله
الضرايب و الجمارك هدفها ايه
قالى زيادة الدخل للدولة و حمايه المنتج المحلى
قلتله و لو مفيش منتج محلى هنحمى ايه ؟
قلتله طيب العربيات فى مصر فيه انتاج لها ؟
قالى لأ
قلتله طيب ماحنا المفروض كدة نبقى زى السعوديه
ليه بيحصل فينا كدة
قالى احنا عندنا دعم على الوقود
قلتله ماشى
بصراحة اقتنعت قلت حاجه بتشيل حاجه
دلوقتى كلمته تانى
قلتله الدعم اتشال
قالى اة
قلتله ليه عندنا ضرايب و جمارك ؟
قالى بصراحة سرقة
قلتله فيه اتفاقيه فخلال كام سنه هتبقى العربيات الاوروبى مش هيبقى عليها ضرايب يعنى العربيات هتبقى زى السعوديه
قالى لأ
قلتله ليه
قالى كانت حصلت مع اللوجان المغربى ماهو الوكيل برضه حراميه
المهم احنا وصلنا لمرحله ان مفيش امل غير من خلال كام نقطة
يتم اعفاء الضرايب على السيارات الحديثه و المستعمله من الخارج
و بكدة لو على البيجو 406 ام 20 الف
قول الاجراءات ب5 يبقى تقف عليك ب25
هتقولولى البلد هتكسب ازاى هقولكم البركة فقناه السويس الجديده
احنا مش فى وقت تجارة
احنا فى وقت وقف نزيف دماء على الاسفلت
و لو البنى ادم عند الحكومة رخيص يبقى كلامى و الموضوع ده مالوش لازمة
و ساعات بفكر كدة بلاقى ان الناس دى عندها جى ام سى و فولفو
و عمرهم ما أشتكوا من قطع الغيار
ولا شوفت عربيه منهم و انا راكب الميكروباص و صاحبه بيملا جاز ابو 180 قرش بتفول حتى بنزين 95
الناس دى عندها بنزينات ؟
و البنزينات دى مش من فلوس الشعب ؟
طيب احنا راضيين تاخدوا حقكم و دة حقكم الى احنا بندفعه من جيوبنا فكل حاجه
حتى لما بنتولد ابونا بيدفع عشان نتسجل
رغم ان فيه دول مبتدفعش
التعليم المجانى اسمه مجانى بس بفلوس
بنفضل ندفع لحد مانموت و لو معملناش حسابنا فى قبر
اهلنا بيطلع عينهم عشان نتدفن فى اى تربه حد معرفة
من النهايه لو متوفرش سكن عادى جدا غير قايل للسقوط هنموت
و لو متوفرش عربيه محترمة هنموت
و لو مشينا فحالنا هنموت
يبقى نخاف من الكلام و الاقتراح ليه
ولا قصه العجله كانت عشان نسكت و منفتحش بئنا ؟
طب انا يا ريس عايز عجله زى دى
بس لو بيعتها متلومنيش
اصل عجله جنابك
ممك تشتريلى عربيه 128 موديل حديث اصل مش هينفع اركب مراتى و عيالى عالعجله
لانى مش سعد الصغير لما قال اركبى ورايا العجله عايزك معايا بقى عالعجله
و قبل ماتلومنى على بيعها
هتلاقينى موت انا و اهلى فيها
بس الله يكرمكم وفروا مقبره جماعيه للى معندوش تربه

يا جماعة القصه مش عايزينها تدخل فرئيس و مش رئيس
انا ذكرته بس على سبيل التذكرة و ليس على سبيل التقصير
انا عارف ان الموضوع صعب لكن لو هنقول عايزين 20 سنه عشان نبقى دولة
عمرنا ماهنبقى دوله
زى طالب الثانوية العامة الى بيقول ادامى سنه كامله
و فى اخر شهرين هذاكر
وحتى لو عملنا حاجه هنبقى ايه وسط دول اليوم بيفرق معاها
وبعد العشرين سنه دى هما هيبقوا ايه برضه
و بالنسبه للقانون يا جماعة فيه فى امريكا و البرازيل و كولومبيا و المكسيك عصابات
لو اتفرجنا على طريقة القبض عليهم لوحدها هنعرف ان بينا و بينهم سنين ضوئية
عندهم اة انتهاكات لكن بتمثل كام %
يعنى ممكن فى اسبوع مصر بفضل الله تقبض على 200 مجرم
يتم انتهاك حقوق 150 منهم
فى امريكا ممكن يتقبض على 3000 مجرم
يتم انتهاك 7 منهم
القصه منظومة كاملة من اول المجرم و الشرطة و القضاء
و انا مش بلوم الشرطة فى الانتهاكات
انا بلوم القضاء الى ظابط الشرطة بيبقى على يقين ان المجرم مش هيتقدم للعداله فبيطحنه
بصوا خلينا فموضوعنا افضل و نشوف حلول
السياسة ليها ناسها و مطالب الشعب جزء منها
اذا بما انى مواطن عايش فى دوله تسمى جمهورية مصر العربيه المعترف بها فكل دول العالم
اذا لازم اكون انسان
و استحاله اكون انسان الا لما يتوفرلى وسيلة نقل ادميه
و الى مش هيحس بيا يبقى عمرة ماركب ميكروباص او قطر